헬라어 문장 검색 - Διοδορ́Λιβραρψ́10́11́

(디오도로스 시켈로스, Library, book xvii, chapter 23)

ἔνιοι δὲ λέγουσι τὸν Ἀλέξανδρον στρατηγικῶσ ἐπινοῆσαι τὴν τοῦ στόλου κατάλυσιν· προσδοκίμου γὰρ ὄντοσ τοῦ Δαρείου καὶ μελλούσησ μεγάλησ παρατάξεωσ συντελεῖσθαι νομίσαι τοὺσ Μακεδόνασ ἐκθυμότερον ἀγωνιεῖσθαι παραιρεθείσησ τῆσ κατὰ τὴν φυγὴν ἐλπίδοσ. τὸ δ’ αὐτὸ πρᾶξαι κατὰ τὴν ἐπὶ Γρανικῷ μάχην·

κατὰ νώτου γὰρ λαβεῖν τὸν ποταμόν, ὅπωσ μηδεὶσ ἐπιβάληται φεύγειν προδήλου τῆσ ἀπωλείασ οὔσησ τῶν διωκομένων ἐν τῷ τοῦ ποταμοῦ ῥείθρῳ. καὶ γὰρ κατὰ τοὺσ ὕστερον χρόνουσ Ἀγαθοκλέα τὸν Συρακοσίων βασιλέα μιμησάμενον τὴν Ἀλεξάνδρου στρατηγίαν ἀνέλπιστον καὶ μεγάλην νίκην περιποιήσασθαι· διαβάντα γὰρ αὐτὸν εἰσ Λιβύην μετ’ ὀλίγησ δυνάμεωσ καὶ τὰσ ναῦσ ἐμπρήσαντα παρελέσθαι μὲν τῶν στρατιωτῶν τὰσ ἐκ τοῦ φεύγειν ἐλπίδασ, συναναγκάσαι δὲ γενναίωσ ἀγωνίσασθαι καὶ διὰ τοῦτο Καρχηδονίων ἀντιταχθέντων πολλαῖσ μυριάσι νικῆσαι.

μετὰ δὲ τὴν ἅλωσιν τῆσ Μιλήτου τὸ πλῆθοσ τῶν Περσῶν καὶ τῶν μισθοφόρων, ἔτι δ’ οἱ πρακτικώτατοι τῶν ἡγεμόνων συνέδραμον εἰσ τὴν Ἁλικαρνασσόν.

αὕτη δὲ ἡ πόλισ μεγίστη τῶν κατὰ τὴν Καρίαν ἦν, βασίλεια μὲν ἐσχηκυῖα τὰ Καρῶν, ἀκροπόλεσι δὲ καλῶσ κεκοσμημένη. κατὰ δὲ τὸν αὐτὸν καιρὸν Μέμνων μὲν τήν τε γυναῖκα καὶ τὰ τέκνα πρὸσ Δαρεῖον ἔπεμψε καὶ τούτῳ παραθέμενοσ ἅμα μὲν ὑπέλαβε τῆσ ἀσφαλείασ αὐτῶν καλῶσ πεπρονοῆσθαι, ἅμα δὲ τὸν βασιλέα καλοὺσ ὁμήρουσ ἔχοντα προθυμότερον ἐμπιστεύσειν αὐτῷ τὴν τῶν ὅλων ἡγεμονίαν·

ὅπερ καὶ συνέβη γενέσθαι. εὐθὺσ γὰρ ὁ Δαρεῖοσ ἔπεμψεν ἐπιστολὰσ πρὸσ τοὺσ κατὰ θάλατταν οἰκοῦντασ, προστάττων ἅπαντασ ὑπακούειν τῷ Μέμνονι.

διόπερ οὗτοσ παραλαβὼν τὴν τῶν ὅλων ἡγεμονίαν παρεσκευάζετο πάντα τὰ χρήσιμα πρὸσ πολιορκίαν ἐν τῇ πόλει τῶν Ἁλικαρνασσέων. ὁ δὲ βασιλεὺσ Ἀλέξανδροσ τὰ μὲν πολιορκητικὰ τῶν ὀργάνων καὶ σῖτον κατὰ θάλατταν ἐκόμισεν ἐπὶ τὴν Ἁλικαρνασσόν, αὐτὸσ δὲ μετὰ πάσησ τῆσ δυνάμεωσ προῆγεν ἐπὶ Καρίασ καὶ τὰσ ἐν τῇ παρόδῳ πόλεισ προσήγετο ταῖσ φιλανθρωπίαισ·

μάλιστα δ’ εὐεργέτει τὰσ Ἑλληνίδασ πόλεισ, ποιῶν αὐτὰσ αὐτονόμουσ καὶ ἀφορολογήτουσ, προσεπιλέγων ὅτι τῆσ τῶν Ἑλλήνων ἐλευθερώσεωσ ἕνεκα τὸν πρὸσ Πέρσασ πόλεμον ἐπανῄρηται. ὄντι δ’ αὐτῷ κατὰ τὴν ὁδοιπορίαν ἀπήντησέν τι γύναιον, ὄνομα μὲν Ἄδα, γένει δὲ προσήκουσα τῇ Καρῶν ἀρχῇ.

ἐντυχούσησ δ’ αὐτῆσ περὶ τῆσ προγονικῆσ δυναστείασ καὶ δεηθείσησ βοηθῆσαι ταύτην μὲν ἐκέλευσε παραλαβεῖν τὴν τῆσ Καρίασ ἀρχήν, τοὺσ δὲ Κᾶρασ ἰδίουσ ἐποιήσατο ταῖσ εὐνοίαισ διὰ τὴν τῆσ γυναικὸσ ταύτησ εὐεργεσίαν· εὐθὺσ γὰρ αἱ πόλεισ ἅπασαι πρεσβείασ ἀποστέλλουσαι χρυσοῖσ στεφάνοισ ἐτίμησαν τὸν βασιλέα καὶ πάντα συμπράττειν ἐπηγγείλαντο.

ὁ δὲ Ἀλέξανδροσ πλησίον τῆσ πόλεωσ στρατοπεδεύσασ συνεστήσατο πολιορκίαν ἐνεργὸν καὶ καταπληκτικήν. τὸ μὲν γὰρ πρῶτον τοῖσ τείχεσι προσβολὰσ συνεχεῖσ ἐκ διαδοχῆσ ἐποιεῖτο καὶ διημέρευεν ἐν τοῖσ κινδύνοισ·

μετὰ δὲ ταῦτα παντοδαπὰσ μηχανὰσ ἐπιστήσασ καὶ τὰσ πρὸ τῆσ πόλεωσ τάφρουσ χωστρίσι χελώναισ ἀναπληρώσασ διὰ τῶν κριῶν ἐσάλευε τοὺσ πύργουσ καὶ τὰ μεταξὺ μεσοπύργια. καταβαλὼν δὲ μέροσ τι τοῦ τείχουσ τὸ λοιπὸν ἤδη διὰ τῆσ ἐκ χειρὸσ μάχησ ἐβιάζετο διὰ τοῦ πτώματοσ εἰσ τὴν πόλιν εἰσπεσεῖν. Μέμνων δὲ τὸ μὲν πρῶτον τοὺσ προσβάλλοντασ τοῖσ τείχεσι Μακεδόνασ ῥᾳδίωσ ἠμύνετο, πολλῶν ὄντων ἐν τῇ πόλει στρατιωτῶν·

κατὰ δὲ τὰσ τῶν ὀργάνων προσβολὰσ μετὰ πολλῶν στρατιωτῶν ἐκχεόμενοσ ἐκ τῆσ πόλεωσ νυκτὸσ πῦρ ἐνέβαλλε ταῖσ μηχαναῖσ. μεγάλων δ’ ἀγώνων πρὸ τῆσ πόλεωσ συνισταμένων οἱ μὲν Μακεδόνεσ ταῖσ ἀρεταῖσ πολὺ προεῖχον, οἱ δὲ Πέρσαι τῷ πλήθει καὶ ταῖσ παρασκευαῖσ ἐπλεονέκτουν·

συνήργουν γὰρ αὐτοῖσ οἱ ἀπὸ τῶν τειχῶν συναγωνιζόμενοι καὶ τοῖσ ὀξυβελέσι καταπέλταισ οὓσ μὲν ἀπέκτεινον τῶν πολεμίων, οὓσ δὲ κατετίτρωσκον. ὁμοῦ δὲ αἵ τε σάλπιγγεσ ἐσήμαινον παρ’ ἀμφοτέροισ τὸ πολεμικὸν καὶ βοὴ πανταχόθεν ἐγίνετο, συνεπισημαινομένων τῶν στρατιωτῶν ταῖσ παρ’ ἑκατέρων ἀνδραγαθίαισ.

οἱ μὲν γὰρ τὴν ἐν ταῖσ μηχαναῖσ αἰρομένην εἰσ ὕψοσ φλόγα κατέπαυον, οἱ δ’ εἰσ χεῖρασ συμπλεκόμενοι πολὺν ἐποίουν φόνον, ἄλλοιδ’ ἐντὸσ τῶν πιπτόντων τειχῶν ἀντῳκοδόμουν ἕτερα τείχη πολὺ τῶν προϋπαρχόντων βαρύτερα ταῖσ κατασκευαῖσ.

τῶν δ’ ἡγεμόνων τῶν περὶ τὸν Μέμνονα προκινδυνευόντων καὶ μεγάλασ δωρεὰσ διδόντων τοῖσ ἀνδραγαθοῦσιν ἀνυπέρβλητοσ φιλοτιμία παρ’ ἀμφοτέροισ ἐγίνετο περὶ τῆσ νίκησ.

διὸ καὶ παρῆν ὁρᾶν τοὺσ μὲν τραύμασιν ἐναντίοισ περιπίπτοντασ καὶ κατὰ τὰσ λιποψυχίασ ἀποφερομένουσ ἐκ τῆσ μάχησ, τοὺσ δὲ περιβαίνοντασ τὰ πίπτοντα σώματα καὶ περὶ τῆσ τούτων ἀναιρέσεωσ μεγάλουσ ἀγῶνασ συνισταμένουσ, ἄλλουσ δὲ διὰ τὴν ὑπερβολὴν τῶν δεινῶν ἐνδιδόντασ ἤδη καὶ διὰ τῆσ ὑπὸ τῶν ἡγεμόνων παρακλήσεωσ πάλιν θαρροῦντασ καὶ νεαροὺσ ταῖσ ψυχαῖσ γινομένουσ.

τέλοσ δὲ πρὸσ αὐταῖσ ταῖσ πύλαισ ἔπεσόν τινεσ τῶν Μακεδόνων καὶ σὺν αὐτοῖσ Νεοπτόλεμοσ ἡγεμών, ἀνὴρ ἐπιφανήσ.

μετὰ δὲ ταῦτα δύο μὲν πύργων εἰσ ἔδαφοσ καθῃρημένων καὶ δυεῖν μεσοπυργίων ἐρριμμένων τῶν μὲν Περδίκκου στρατιωτῶν τινεσ μεθυσθέντεσ προπετῶσ νυκτὸσ προσέβαλλον τοῖσ τῆσ ἀκροπόλεωσ τείχεσιν· οἱ δὲ περὶ τὸν Μέμνονα συννοήσαντεσ τὴν ἀπειρίαν τῶν προσβαλλόντων καὶ ἐπεξελθόντεσ καὶ τῷ πλήθει πολὺ προέχοντεσ ἐτρέψαντο τοὺσ Μακεδόνασ καὶ πολλοὺσ ἀνῄρουν. γνωσθέντοσ δὲ τοῦ συμβεβηκότοσ ἐξεβοήθουν πολλοὶ τῶν Μακεδόνων καὶ μεγάλησ μάχησ γενομένησ καὶ τῶν περὶ τὸν Ἀλέξανδρον ἐπιφανέντων οἱ μὲν Πέρσαι βιασθέντεσ συνεκλείσθησαν εἰσ τὴν πόλιν, ὁ δὲ βασιλεὺσ τοὺσ πεσόντασ πρὸ τοῦ τείχουσ Μακεδόνασ διακηρυκευσάμενοσ ᾔτησεν ὑποσπόνδουσ.

Ἐφιάλτησ μὲν οὖν καὶ Θρασύβουλοσ οἱ Ἀθηναῖοι συμμαχοῦντεσ τοῖσ Πέρσαισ συνεβούλευον μὴ διδόναι τοὺσ νεκροὺσ πρὸσ ταφήν, ὁ δὲ Μέμνων συνεχώρησε. μετὰ δὲ ταῦτα Ἐφιάλτησ βουλευομένων τῶν ἡγεμόνων συνεβούλευε μὴ περιμένειν ἑώσ ἂν ἁλούσησ τῆσ πόλεωσ αἰχμάλωτοι καταστῶσιν, ἀλλ’ αὐτοὺσ τοὺσ ἡγεμόνασ προκινδυνεύοντασ τῶν μισθοφόρων ἐπιθέσθαι τοῖσ πολεμίοισ.

ὁ δὲ Μέμνων ὁρῶν τὸν Ἐφιάλτην πρὸσ ἀρετὴν ὁρμώμενον καὶ μεγάλασ ἔχων ἐλπίδασ ἐν αὐτῷ διὰ τὴν ἀνδρείαν καὶ τὴν τοῦ σώματοσ ῥώμην συνεχώρησεν αὐτῷ πράττειν ὃ βούλοιτο.

ὁ δὲ δισχιλίουσ τῶν μισθοφόρων ἐπιλέκτουσ ἀναλαβὼν καὶ τοῖσ ἡμίσεσι διαδοὺσ δᾷδασ ἡμμένασ, τοὺσ δ’ ἄλλουσ ἀντιτάξασ τοῖσ πολεμίοισ ἄφνω τὰσ πύλασ πάσασ ἀνεπέτασεν.

ἅμα δ’ ἡμέρᾳ μετὰ τούτων ἐκχυθεὶσ τοῖσ μὲν μηχανήμασιν ἐνῆκε πῦρ καὶ παραχρῆμα πολλὴν συνέβη γενέσθαι φλόγα, τῶν δ’ ἄλλων ἐν βαθείᾳ φάλαγγι πεπυκνωμένων αὐτὸσ προηγεῖτο καὶ τοῖσ ἐκβοηθοῦσι Μακεδόσιν ἐπέρραξεν. ὁ δὲ βασιλεὺσ κατανοήσασ τὸ γινόμενον τοὺσ μὲν προμάχουσ τῶν Μακεδόνων πρώτουσ ἔταξε, ἐφέδρουσ δ’ ἔστησε τοὺσ ἐπιλέκτουσ·

ἐπὶ δὲ τούτοισ τρίτουσ ἐπέταξεν ἑτέρουσ τοὺσ ταῖσ ἀνδραγαθίαισ ὑπεράγοντασ. αὐτὸσ δὲ πρὸ πάντων τούτων ἡγούμενοσ ὑπέστη τοὺσ πολεμίουσ, δόξαντασ διὰ τὸ βάροσ ἀκαταγωνίστουσ εἶναι. ἐξέπεμψε δὲ καὶ τοὺσ κατασβέσοντασ τὴν φλόγα καὶ βοηθήσοντασ ταῖσ μηχαναῖσ. ἅμα δὲ παρ’ ἀμφοτέροισ τῆσ τε βοῆσ ἐξαισίου γινομένησ καὶ τῶν σαλπίγγων σημαινουσῶν τὸ πολεμικὸν μέγασ ἀγὼν συνέστη διὰ τὰσ ἀρετὰσ τῶν ἀγωνιζομένων καὶ τὴν ὑπερβολὴν τῆσ φιλοτιμίασ.

τὸ μὲν οὖν πῦρ ἐκώλυσαν οἱ Μακεδόνεσ ἐπινεμηθῆναι, κατὰ δὲ τὴν μάχην ἐπλεονέκτουν οἱ περὶ τὸν Ἐφιάλτην· οὗτοσ γὰρ πολὺ προέχων τῶν ἄλλων τῇ τοῦ σώματοσ ῥώμῃ πολλοὺσ ἀνῄρει τῶν εἰσ χεῖρασ ἐρχομένων.

οἵ τ’ ἐφεστῶτεσ ἐπὶ τῷ προσφάτωσ ἀντικατασκευασθέντι τείχει πολλοὺσ ἀνῄρουν πυκνοῖσ τοῖσ βέλεσι χρώμενοι· ἑκατὸν γὰρ πηχῶν τὸ ὕψοσ πύργοσ ξύλινοσ κατεσκεύαστο, πλήρησ καταπελτῶν ὀξυβελῶν. πολλῶν δὲ Μακεδόνων πιπτόντων καὶ τῶν ἄλλων ἀναχωρούντων διὰ τὸ πλῆθοσ τῶν βελῶν, τοῦ τε Μέμνονοσ πολλαπλασίοισ στρατιώταισ ἐπιβοηθοῦντοσ καὶ αὐτὸσ ὁ βασιλεὺσ εἰσ πολλὴν ἀμηχανίαν ἐνέπιπτεν.

ἔνθα δὴ τῶν ἐκ τῆσ πόλεωσ κατισχυόντων παραδόξωσ ὁ κίνδυνοσ παλίντροπον τὴν μάχην ἔσχεν.

ὑπὸ τῶν καιρῶν εἰσ ἀλκὴν προεκλήθησαν, φρονήματι δὲ καὶ ταῖσ κατὰ πόλεμον ἐμπειρίαισ πολὺ προέχοντεσ τοῖσ μὲν φυγομαχοῦσι νεωτέροισ πικρῶσ ὠνείδισαν τὴν ἀνανδρίαν, αὐτοὶ δὲ συναθροισθέντεσ καὶ συνασπίσαντεσ ὑπέστησαν τοὺσ δοκοῦντασ ἤδη νενικηκέναι.

τέλοσ δὲ τόν τε Ἐφιάλτην καὶ πολλοὺσ ἄλλουσ ἀνελόντεσ τοὺσ λοιποὺσ ἠνάγκασαν εἰσ τὴν πόλιν συμφυγεῖν.

οἱ δὲ Μακεδόνεσ τῆσ νυκτὸσ ἐπιλαβούσησ τοῖσ φεύγουσι συνεισέπεσον ἐντὸσ τῶν τειχῶν·

τοῦ δὲ βασιλέωσ κελεύσαντοσ σημῆναι τὸ ἀνακλητικὸν ἀνεχώρησαν εἰσ τὸ στρατόπεδον. οἱ δὲ περὶ τὸν Μέμνονα στρατηγοὶ καὶ σατράπαι συνελθόντεσ ἔγνωσαν τὴν μὲν πόλιν ἐκλιπεῖν, εἰσ δὲ τὴν ἀκρόπολιν τοὺσ ἀρίστουσ τῶν στρατιωτῶν καταστήσαντεσ μετὰ τῆσ ἁρμοζούσησ χορηγίασ τὸν λοιπὸν ὄχλον καὶ τὰ χρήματα ἀπεκόμισαν εἰσ τὴν Κῶν.

ὁ δ’ Ἀλέξανδροσ ἅμ’ ἡμέρᾳ γνοὺσ τὸ γεγενημένον τὴν μὲν πόλιν κατέσκαψε, τῇ δ’ ἀκροπόλει περιέθηκε τεῖχοσ καὶ τάφρον ἀξιόλογον·

αὐτὸσ δὲ μέροσ τῆσ δυνάμεωσ μετὰ στρατηγῶν ἐξέπεμψεν εἰσ τὴν μεσόγειον, προστάξασ τὰ συνεχῆ τῶν ἐθνῶν χειροῦσθαι. οὗτοι μὲν οὖν ἐνεργῶσ πολεμήσαντεσ, πᾶσαν τὴν χώραν μέχρι τῆσ μεγάλησ Φρυγίασ καταστρεψάμενοι, διέθρεψαν τοὺσ στρατιώτασ ἐκ τῆσ πολεμίασ·

ὁ δ’ Ἀλέξανδροσ τὴν παραθαλαττίαν πᾶσαν μέχρι Κιλικίασ χειρωσάμενοσ πολλὰσ πόλεισ κατεκτήσατο καὶ φρούρια καρτερὰ φιλοτιμότερον πολιορκήσασ τῇ βίᾳ κατεπόνησεν, ἐν οἷσ ἑνὸσ παραδόξωσ ἐκράτησε, περὶ οὗ διὰ τὴν ἰδιότητα τῆσ περιπετείασ οὐκ ἄξιον παραλιπεῖν.

τῆσ γὰρ Λυκίασ περὶ τὰσ ἐσχατιὰσ πέτραν μεγάλην ὀχυρότητι διαφέρουσαν ᾤκουν οἱ Μαρμαρεῖσ ὀνομαζόμενοι, οἵτινεσ παριόντοσ Ἀλεξάνδρου τὸ χωρίον ἐπέθεντο τοῖσ κατὰ τὴν οὐραγίαν Μακεδόσι καὶ συχνοὺσ ἀνελόντεσ πολλὰ τῶν σωμάτων καὶ τῶν ὑποζυγίων ἀφήρπασαν.

ἐπὶ δὲ τούτοισ ὁ βασιλεὺσ παροξυνθεὶσ συνεστήσατο πολιορκίαν καὶ πᾶσαν εἰσεφέρετο σπουδὴν βίᾳ κρατῆσαι τοῦ χωρίου.

οἱ δὲ Μαρμαρεῖσ ἀνδρείᾳ διαφέροντεσ καὶ τῇ τῶν τόπων ἐρυμνότητι πιστεύοντεσ ὑπέμενον εὐρώστωσ τὴν πολιορκίαν. ἐπὶ μὲν οὖν ἡμέρασ δύο συνεχεῖσ ἐγίνοντο προσβολαὶ καὶ φανερὸσ ἦν ὁ βασιλεὺσ οὐκ ἀποστησόμενοσ ἑώσ ἂν ἕλῃ τὴν πέτραν. οἱ δὲ πρεσβύτεροι τῶν Μαρμαρέων τὸ μὲν πρῶτον συνεβούλευον τοῖσ νέοισ παυσαμένοισ τῆσ βίασ ἐφ’ οἷσ ἦν δυνατὸν συλλυθῆναι πρὸσ τὸν βασιλέα·

οὐ πειθομένων δ’ αὐτῶν, ἀλλὰ πάντων φιλοτιμουμένων συναποθανεῖν τῇ τῆσ πατρίδοσ ἐλευθερίᾳ παρεκάλεσαν αὐτοὺσ τέκνα μὲν καὶ γυναῖκασ καὶ τοὺσ γεγηρακότασ ἀνελεῖν, αὐτοὺσ δὲ τοὺσ δυναμένουσ διὰ τῆσ ἀλκῆσ σώζεσθαι νυκτὸσ διὰ μέσων τῶν πολεμίων διεκπεσεῖν καὶ καταφυγεῖν εἰσ τὴν πλησίον ὀρεινήν. συγκαταθεμένων δὲ τῶν νέων καὶ προσταξάντων κατ’ οἰκίαν ἑκάστουσ μετὰ τῆσ συγγενείασ ἀπολαύσαντασ τῶν προσηνεστάτων βρωτῶν τε καὶ ποτῶν ὑπομεῖναι τὸ δεινὸν ἔδοξε τοῖσ νέοισ, οὖσιν ὡσ ἑξακοσίοισ, τοῦ μὲν φονεύειν τοὺσ προσήκοντασ ἀποσχέσθαι, τὰσ δ’ οἰκίασ ἐμπρῆσαι καὶ διὰ τῶν πυλῶν ἐκχυθέντασ εἰσ τὴν ὀρεινὴν ἀποχωρῆσαι.

οὗτοι μὲν οὖν τὰ δεδογμένα συντελέσαντεσ ταῖσ ἰδίαισ ἑστίαισ ἑκάστουσ ἐποίησαν ἐνταφῆναι, αὐτοὶδὲ διὰ μέσων τῶν περιεστρατοπεδευκότων ἔτι νυκτὸσ οὔσησ διεκπεσόντεσ ἔφυγον εἰσ τὴν πλησίον ὀρεινήν.

ταῦτα μὲν οὖν ἐπράχθη κατὰ τοῦτον τὸν ἐνιαυτόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvii, chapter 23

(디오도로스 시켈로스, Library, book xvii, chapter 23)

상위

목록

SEARCH

MENU NAVIGATION