헬라어 문장 검색 - Πλυταρ́Δεμετρί45́

(플루타르코스, Demetrius, chapter 45)

οὕτω δὲ τοῦ Δημητρίου τῶν πραγμάτων ἐκπεσόντοσ καὶ καταφυγόντοσ εἰσ Κασάνδρειαν, ἡ γυνὴ Φίλα περιπαθὴσ γενομένη προσιδεῖν μὲν οὐχ ὑπέμεινεν αὖθισ ἰδιώτην καὶ φυγάδα τὸν τλημονέστατον βασιλέων Δημήτριον, ἀπειπαμένη δὲ πᾶσαν ἐλπίδα καὶ μισήσασα τὴν τύχην αὐτοῦ βεβαιοτέραν ἐν τοῖσ κακοῖσ οὖσαν ἢ τοῖσ ἀγαθοῖσ, πιοῦσα φάρμακον ἀπέθανε. Δημήτριοσ δὲ ἔτι τῶν λοιπῶν ναυαγίων ἔχεσθαι διανοηθεὶσ ἀπῆρεν εἰσ τὴν Ἑλλάδα καὶ τοὺσ ἐκεῖ στρατηγοὺσ καὶ φίλουσ συνῆγεν. ἣν οὖν ὁ Σοφοκλέουσ Μενέλαοσ εἰκόνα ταῖσ αὑτοῦ τύχαισ παρατίθησιν, ἀλλ’ οὑμὸσ ἀεὶ πότμοσ ἐν πυκνῷ θεοῦ τροχῷ κυκλεῖται καὶ μεταλλάσσει φύσιν, ὥσπερ σελήνησ δ’ ὄψισ εὐφρόνασ δύο στῆναι δύναιτ’ ἂν οὔποτ’ ἐν μορφῇ μιᾷ, ἀλλ’ ἐξ ἀδήλου πρῶτον ἔρχεται νέα πρόσωπα καλλύνουσα καὶ πληρουμένη, χὥτανπερ αὑτῆσ εὐγενεστάτη φανῇ, πάλιν διαρρεῖ κεἰσ τὸ μηδὲν ἔρχεται, ταύτῃ μᾶλλον ἄν τισ ἀπεικάσαι τὰ Δημητρίου πράγματα καὶ τὰσ περὶ αὐτὸν αὐξήσεισ καὶ φθίσεισ καὶ ἀναπληρώσεισ καὶ ταπεινότητασ, οὗ γε καὶ τότε παντάπασιν ἀπολείπειν καὶ κατασβέννυσθαι δοκοῦντοσ ἀνέλαμπεν αὖθισ ἡ ἀρχή, καὶ δυνάμεισ τινὲσ ἐπιρρέουσαι κατὰ μικρὸν ἀνεπλήρουν τὴν ἐλπίδα.

καὶ τό γε πρῶτον ἰδιώτησ καὶ τῶν βασιλικῶν κοσμίων ἔρημοσ ἐπεφοίτα ταῖσ πόλεσι, καί τισ αὐτὸν ἐν Θήβαισ τοιοῦτον θεασάμενοσ ἐχρήσατο τοῖσ Εὐριπίδου στίχοισ οὐκ ἀηδῶσ·

μορφὴν ἀμείψασ ἐκ θεοῦ βροτησίαν πάρεστι Δίρκησ νάματ’ Ἰσμηνοῦ θ’ ὕδωρ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Demetrius, chapter 45

(플루타르코스, Demetrius, chapter 45)

상위

목록

SEARCH

MENU NAVIGATION