헬라어 문장 검색 - Πλυταρ́Δεμετρί43́

(플루타르코스, Demetrius, chapter 43)

ὁ δ’ οὖν Δημήτριοσ ἐπισφαλέστατα νοσήσασ ἐν Πέλλῃ μικροῦ τότε Μακεδονίαν ἀπέβαλε, καταδραμόντοσ ὀξέωσ Πύρρου καὶ μέχρισ Ἐδέσσησ προελθόντοσ. ἅμα δὲ τῷ κουφότεροσ γενέσθαι πάνυ ῥᾳδίωσ ἐξελάσασ αὐτὸν ἐποιήσατό τινασ ὁμολογίασ, οὐ βουλόμενοσ ἐμποδὼν ὄντι συνεχῶσ προσπταίων καὶ τοπομαχῶν ἧττον εἶναι πρὸσ οἷσ διενοεῖτο. διενοεῖτο δὲ οὐθὲν ὀλίγον, ἀλλὰ πᾶσαν ἀναλαμβάνειν τὴν ὑπὸ τῷ πατρὶ γενομένην ἀρχήν.

καὶ τῆσ ἐλπίδοσ ταύτησ καὶ τῆσ ἐπιβολῆσ οὐκ ἀπελείπετο τὰ τῆσ παρασκευῆσ, ἀλλὰ στρατιᾶσ μὲν ἤδη συνετέτακτο πεζῆσ μυριάδασ δέκα δισχιλίων ἀνδρῶν ἀποδεούσασ, καὶ χωρὶσ ἱππέασ ὀλίγῳ δισχιλίων καὶ μυρίων ἐλάττουσ. στόλον δὲ νεῶν ἅμα πεντακοσίων καταβαλλόμενοσ τὰσ μὲν ἐν Πειραιεῖ τρόπεισ ἔθετο, τὰσ δὲ ἐν Κορίνθῳ, τὰσ δὲ ἐν Χαλκίδι, τὰσ δὲ περὶ Πέλλαν, αὐτὸσ ἐπιὼν ἑκασταχόσε καὶ διδάσκων ἃ χρὴ καὶ συντεχνώμενοσ, ἐκπληττομένων ἁπάντων οὐ τὰ πλήθη μόνον, ἀλλὰ καὶ τὰ μεγέθη τῶν ἔργων.

οὐδεὶσ γὰρ εἶδεν ἀνθρώπων οὔτε πεντεκαιδεκήρη ναῦν πρότερον οὔτε ἑκκαιδεκήρη, ἀλλ’ ὕστερον τεσσαρακοντήρη Πτολεμαῖοσ ὁ Φιλοπάτωρ ἐναυπηγήσατο, μῆκοσ διακοσίων ὀγδοήκοντα πηχῶν, ὕψοσ δὲ ἑώσ ἀκροστολίου πεντήκοντα δυεῖν δεόντων, ναύταισ δὲ χωρὶσ ἐρετῶν ἐξηρτυμένην τετρακοσίοισ, ἐρέταισ δὲ τετρακισχιλίοισ, χωρὶσ δὲ τούτων ὁπλίτασ δεχομένην ἐπί τε τῶν παρόδων καὶ τοῦ καταστρώματοσ ὀλίγῳ τρισχιλίων ἀποδέοντασ.

ἀλλὰ θέαν μόνην ἐκείνη παρέσχε·

καὶ μικρὸν ὅσον διαφέρουσα τῶν μονίμων οἰκοδομημάτων, φανῆναι πρὸσ ἐπίδειξιν, οὐ χρείαν, ἐπισφαλῶσ καὶ δυσέργωσ ἐκινήθη. τῶν δὲ Δημητρίου νεῶν οὐκ ἦν τὸ καλὸν ἀναγώνιστον, οὐδὲ τῷ περιττῷ τῆσ κατασκευῆσ ἀπεστεροῦντο τὴν χρείαν, ἀλλὰ τὸ τάχοσ καὶ τὸ ἔργον ἀξιοθεατότερον τοῦ μεγέθουσ παρεῖχον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Demetrius, chapter 43

(플루타르코스, Demetrius, chapter 43)

상위

목록

SEARCH

MENU NAVIGATION