헬라어 문장 검색 - Πλυταρ́Δεμετρί42́

(플루타르코스, Demetrius, chapter 42)

οὐ μόνον δὲ τούτοισ τοῖσ θεάμασιν ἐλύπει τοὺσ ἀνθρώπουσ ἀήθεισ ὄντασ, ἀλλὰ καὶ τρυφὴν καὶ δίαιταν ἐβαρύνοντο· καὶ μάλιστα δὴ τὸ δυσόμιλον αὐτοῦ καὶ δυσπρόσοδον. ἢ γὰρ οὐ παρεῖχε καιρὸν ἐντυχεῖν, ἢ χαλεπὸσ ἦν καὶ τραχὺσ ἐντυγχάνουσιν. Ἀθηναίων μὲν γάρ, περὶ οὓσ ἐσπουδάκει μάλιστα τῶν Ἑλλήνων, ἔτη δύο πρεσβείαν κατέσχεν· ἐκ Λακεδαίμονοσ δὲ ἑνὸσ πρεσβευτοῦ παραγενομένου καταφρονεῖσθαι δοκῶν ἠγανάκτησεν. "τί σὺ λέγεισ;

"ἕνα Λακεδαιμόνιοι πρεσβευτὴν ἔπεμψαν; "ὦ βασιλεῦ, πρὸσ ἕνα. δόξαντοσ δὲ αὐτοῦ ποτε δημοτικώτερον ἐξελαύνειν, καὶ πρὸσ ἔντευξιν ἔχειν οὐκ ἀηδῶσ, σννέδραμόν τινεσ ἐγγράφουσ ἀξιώσεισ ἀναδιδόντεσ. δεξαμένου δὲ πάσασ καὶ τῇ χλαμύδι συλλαβόντοσ ἥσθησαν οἱ ἄνθ ρωποι καὶ παρηκολούθουν· ὡσ δὲ ἦλθεν ἐπὶ τὴν τοῦ Ἀξιοῦ γέφυραν, ἀναπτύξασ τὴν χλαμύδα πάσασ εἰσ τὸν ποταμὸν ἐξέρριψε. καὶ τοῦτο δὴ δεινῶσ ἠνίασε τοὺσ Μακεδόνασ ὑβρίζεσθαι δοκοῦντασ, οὐ βασιλεύεσθαι, καὶ Φιλίππου μνημονεύοντασ, ἢ τῶν μνημονευόντων ἀκούοντασ, ὡσ μέτριοσ ἦν περὶ ταῦτα καὶ κοινόσ.

δηχθεὶσ σφόδρα καὶ πρὸσ τούτῳ γενόμενοσ ἀνέστρεψεν εἰσ τὴν οἰκίαν, καὶ πάντα ποιησάμενοσ ὕστερα, τοῖσ ἐντυχεῖν βουλομένοισ, ἀρξάμενοσ ἀπὸ τῆσ πρεσβύτιδοσ ἐκείνησ, ἐπὶ πολλὰσ ἡμέρασ ἐσχόλασεν.

οὐδὲν γὰρ οὕτωσ βασιλεῖ προσῆκον ὡσ τὸ τῆσ δίκησ ἔργον.

Ἄρησ μὲν γὰρ τύραννοσ, ὥσ φησι Τιμόθεοσ, νόμοσ δὲ πάντων βασιλεὺσ κατὰ Πίνδαρόν ἐστι· καὶ τοὺσ βασιλεῖσ Ὅμηρόσ φησιν οὐχ ἑλεπόλεισ οὐδὲ ναῦσ χαλκήρεισ, ἀλλὰ θέμιστασ παρὰ τοῦ Διὸσ λαμβάνοντασ ῥύεσθαι καὶ φυλάσσειν, καὶ τοῦ Διὸσ οὐ τὸν πολεμικώτατον οὐδὲ τὸν ἀδικώτατον καὶ φονικώτατον τῶν βασιλέων, ἀλλὰ τὸν δικαιότατον ὀαριστὴν καὶ μαθητὴν προσηγόρευκεν. ἀλλὰ Δημήτριοσ ἔχαιρε τῷ βασιλεῖ τῶν θεῶν ἀνομοιοτάτην ἐπιγραφόμενοσ προσωνυμίαν·

ὁ μὲν γὰρ Πολιεὺσ καὶ Πολιοῦχοσ, ὁ δὲ Πολιορκητὴσ ἐπίκλησιν ἔσχεν. οὕτωσ ἐπὶ τὴν τοῦ καλοῦ χώραν τὸ αἰσχρὸν ὑπὸ δυνάμεωσ ἀμαθοῦσ ἐπελθὸν συνῳκείωσε τῇ δόξῃ τὴν ἀδικίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Demetrius, chapter 42

(플루타르코스, Demetrius, chapter 42)

상위

목록

SEARCH

MENU NAVIGATION