헬라어 문장 검색 - Πλυταρ́Δεμετρί25́

(플루타르코스, Demetrius, chapter 25)

Δημήτριοσ δὲ παρελθὼν εἰσ Πελοπόννησον, οὐδενὸσ ὑφισταμένου τῶν ἐναντίων, ἀλλὰ φευγόντων καὶ προϊεμένων τὰσ πόλεισ, προσηγάγετο τήν τε καλουμένην Ἀκτὴν καὶ Ἀρκαδίαν, πλὴν Μαντινείασ, καὶ Ἄργοσ καὶ Σικυῶνα καὶ Κόρινθον ἐλύσατο τάλαντα δοὺσ ἑκατὸν τοῖσ φρουροῦσιν. ἐν Ἄργει μὲν οὖν τῆσ τῶν Ἡραίων ἑορτῆσ καθηκούσησ, ἀγωνοθετῶν καὶ συμπανηγυρίζων τοῖσ Ἕλλησιν, ἔγημε τὴν Αἰακίδου θυγατέρα, τοῦ Μολοττῶν βασιλέωσ, ἀδελφὴν δὲ Πύρρου, Δηϊδάμειαν.

Σικυωνίουσ δὲ φήσασ παρὰ τὴν πόλιν οἰκεῖν τὴν πόλιν, ἔπεισεν οὗ νῦν οἰκοῦσι μετοικίσασθαι· τῷ δὲ τόπῳ καὶ τοὔνομα τὴν πόλιν συμμεταβαλοῦσαν ἀντὶ Σικυῶνοσ Δημητριάδα προσηγόρευσεν. ἐν δὲ Ἰσθμῷ κοινοῦ συνεδρίου γενομένου καὶ πολλῶν ἀνθρώπων συνελθόντων, ἡγεμὼν ἀνηγορεύθη τῆσ Ἑλλάδοσ, ὡσ πρότερον οἱ περὶ Φίλιππον καὶ Ἀλέξανδρον·

ὧν ἐκεῖνοσ οὐ παρὰ μικρὸν ἐνόμιζεν ἑαυτὸν εἶναι βελτίονα, τῇ τύχῃ τῇ παρούσῃ καὶ τῇ δυνάμει τῶν πραγμάτων ἐπαιρόμενοσ. Ἀλέξανδροσ γοῦν οὐδένα τῶν ἄλλων βασιλέων ἀπεστέρησε τῆσ ὁμωνυμίασ, οὐδὲ αὑτὸν ἀνεῖπε βασιλέων βασιλέα, καίτοι πολλοῖσ τὸ καλεῖσθαι καὶ εἶναι βασιλέασ αὐτὸσ δεδωκώσ· ἐκεῖνοσ δὲ χλευάζων καὶ γελῶν τοὺσ ἄλλον τινὰ πλὴν τοῦ πατρὸσ καὶ αὐτοῦ βασιλέα προσαγορεύοντασ, ἡδέωσ ἤκουε τῶν παρὰ πότον ἐπιχύσεισ λαμβανόντων Δημητρίου βασιλέωσ, Σελεύκου δὲ ἐλεφαντάρχου, Πτολεμαίου δὲ ναυάρχου, Λυσιμάχου δὲ γαζοφύλακοσ, Ἀγαθοκλέουσ δὲ τοῦ Σικελιώτου νησιάρχου.

τούτων δὲ πρὸσ τοὺσ βασιλεῖσ ἐκφερομένων οἱ μὲν ἄλλοι βασιλεῖσ κατεγέλων, Λυσίμαχοσ δ’ ἠγανάκτει μόνοσ εἰ σπάδοντα νομίζει Δημήτριοσ αὐτόν·

ἐπιεικῶσ γὰρ εἰώθεισαν εὐνούχουσ ἔχειν γαζοφύλακασ. ἦν δὲ καὶ πάντων ἀπεχθέστατοσ ὁ Λυσίμαχοσ αὐτῷ, καὶ λοιδορῶν εἰσ τὸν ἔρωτα τῆσ Λαμίασ ἔλεγε νῦν πρῶτον ἑωρακέναι πόρνην προερχομένην ἐκ τραγικῆσ σκηνῆσ·

ὁ δὲ Δημήτριοσ ἔφη τὴν ἑαυτοῦ πόρνην σωφρονεστέραν εἶναι τῆσ ἐκείνου Πηνελόπησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Demetrius, chapter 25

(플루타르코스, Demetrius, chapter 25)

상위

목록

SEARCH

MENU NAVIGATION