헬라어 문장 검색 - Πλυταρ́Δεμετρί12́

(플루타르코스, Demetrius, chapter 12)

ἦν δὲ ἄρα καὶ πυρὸσ ἕτερα θερμότερα κατὰ τὸν Ἀριστοφάνη. γράφει γάρ τισ ἄλλοσ ὑπερβαλλόμενοσ ἀνελευθερίᾳ τὸν Στρατοκλέα, δέχεσθαι Δημήτριον, ὁσάκισ ἂν ἀφίκηται, τοῖσ Δήμητροσ καὶ Διονύσου ξενισμοῖσ, τῷ δ’ ὑπερβαλλομένῳ λαμπρότητι καὶ πολυτελείᾳ τὴν ὑποδοχὴν ἀργύριον εἰσ ἀνάθημα δημοσίᾳ δίδοσθαι. τέλοσ δὲ τῶν τε μηνῶν τὸν Μουνυχιῶνα Δημητριῶνα καὶ τῶν ἡμερῶν τὴν ἕνην καὶ νέαν Δημητριάδα προσηγόρευσαν, καὶ τῶν ἑορτῶν τὰ Διονύσια μετωνόμασαν Δημήτρια.

ἐπεσήμηνε δὲ τοῖσ πλείστοισ τὸ θεῖον. ὁ μὲν γὰρ πέπλοσ, ᾧπερ ἐψηφίσαντο μετὰ τοῦ Διὸσ καὶ τῆσ Ἀθηνᾶσ προσενυφῆναι Δημήτριον καὶ Ἀντίγονον, πεμπόμενοσ διὰ τοῦ Κεραμεικοῦ μέσοσ ἐρράγη θυέλλησ ἐμπεσούσησ· περὶ δὲ τοὺσ βωμοὺσ τοὺσ ἐκείνων ἐξήνθησεν ἡ γῆ κύκλῳ πολὺ κώνειον, ἄλλωσ μηδὲ τῆσ χώρασ πολλαχοῦ φυόμενον·

τῇ δὲ ἡμέρᾳ ᾗ τὰ τῶν Διονυσίων ἐγίνετο, τὴν πομπὴν κατέλυσαν ἰσχυρῶν πάγων γενομένων παρ’ ὡρ́αν. καὶ πάχνησ βαθείασ ἐπιπεσούσησ οὐ μόνον ἀμπέλουσ καὶ συκᾶσ ἁπάσασ ἀπέκαυσε τὸ ψῦχοσ, ἀλλὰ καὶ τοῦ σίτου τὸν πλεῖστον κατέφθειρεν ἐν χλόῃ. διὸ καὶ Φιλιππίδησ ἐχθρὸσ ὢν τοῦ Στρατοκλέουσ ἐν κωμῳδίᾳ πρὸσ αὐτὸν ἐποίησε ταῦτα·

δἰ ὃν ἀπέκαυσεν ἡ πάχνη τὰσ ἀμπέλουσ, δἰ ὃν ἀσεβοῦνθ’ ὁ πέπλοσ ἐρράγη μέσοσ, τὰσ τῶν θεῶν τιμὰσ ποιοῦντ’ ἀνθρωπίνασ. ταῦτα καταλύει δῆμον, οὐ κωμῳδία. ἦν δὲ ὁ Φιλιππίδησ Λυσιμάχου φίλοσ, καὶ πολλὰ δἰ αὐτὸν ὁ δῆμοσ εὖ ἔπαθεν ὑπὸ τοῦ βασιλέωσ.

ἐδόκει δὲ καὶ πρὸσ πρᾶξιν αὐτῷ καὶ πρὸσ στρατείαν εὐσύμβολοσ ἀπαντήσασ εἶναι καὶ ὀφθείσ. ἄλλωσ δὲ καὶ διὰ τὸ ἦθοσ εὐδοκίμει, μηθὲν ἐνοχλῶν μηδ’ αὐλικῆσ περιεργίασ ἀναπιμπλάμενοσ. "ὦ Φιλιππίδη, τίνοσ σοι τῶν ἐμῶν μεταδῶ; "βασιλεῦ, μὴ τῶν ἀπορρήτων. τοῦτον μὲν οὖν ἐπίτηδεσ ἐκείνῳ παρεθήκαμεν, τῷ ἀπὸ τοῦ βήματοσ τὸν ἀπὸ τῆσ θυμέλησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Demetrius, chapter 12

(플루타르코스, Demetrius, chapter 12)

상위

목록

SEARCH

MENU NAVIGATION