헬라어 문장 검색 - Πλυταρ́Δεμετρί02́

(플루타르코스, Demetrius, chapter 2)

Ἀντιγόνῳ τοίνυν δυεῖν υἱῶν ἐκ Στρατονίκησ τῆσ Κορράγου γενομένων, τὸν μὲν ἐπὶ τἀδελφῷ Δημήτριον, τὸν δ’ ἐπὶ τῷ πατρὶ Φίλιππον ὠνόμασεν. οὗτόσ ἐστιν ὁ τῶν πλείστων λόγοσ. ἔνιοι δὲ τὸν Δημήτριον οὐχ υἱόν, ἀλλ’ ἀδελφιδοῦν γενέσθαι τοῦ Ἀντιγόνου λέγουσιν· ἐπὶ νηπίῳ γὰρ αὐτῷ παντάπασι τοῦ πατρὸσ τελευτήσαντοσ, εἶτα τῆσ μητρὸσ εὐθὺσ τῷ Ἀντιγόνῳ γαμηθείσησ, υἱὸν ἐκείνου νομισθῆναι. τὸν μὲν οὖν Φίλιππον οὐ πολλοῖσ ἔτεσι τοῦ Δημητρίου νεώτερον ὄντα συνέβη τελευτῆσαι·

Δημήτριοσ δὲ μεγέθει μὲν ἦν τοῦ πατρὸσ ἐλάττων, καίπερ ὢν μέγασ, ἰδέᾳ δὲ καὶ κάλλει προσώπου θαυμαστὸσ καὶ περιττόσ, ὥστε τῶν πλαττόντων καὶ γραφόντων μηθένα τῆσ ὁμοιότητοσ ἐφικέσθαι. τὸ γὰρ αὐτὸ χάριν καὶ βάροσ καὶ φόβον καὶ ὡρ́αν εἶχε, καὶ συνεκέκρατο τῷ νεαρῷ καὶ ἰταμῷ δυσμίμητοσ ἡρωϊκή τισ ἐπιφάνεια καὶ βασιλικὴ σεμνότησ. οὕτω δέ πωσ καὶ τὸ ἦθοσ ἐπεφύκει πρὸσ ἔκπληξιν ἀνθρώπων ἅμα καὶ χάριν.

ἥδιστοσ γὰρ ὢν συγγενέσθαι, σχολάζων τε περὶ πότουσ καὶ τρυφὰσ καὶ διαίτασ ἁβροβιώτατοσ βασιλέων, ἐνεργότατον αὖ πάλιν καὶ σφοδρότατον τὸ περὶ τὰσ πράξεισ ἐνδελεχὲσ εἶχε καὶ δραστήριον· ᾗ καὶ μάλιστα τῶν θεῶν ἐζήλου τὸν Διόνυσον, ὡσ πολέμῳ τε χρῆσθαι δεινότατον, εἰρήνην τε αὖθισ ἐκ πολέμου τρέψαι πρὸσ εὐφροσύνην καὶ χάριν ἐμμελέστατον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Demetrius, chapter 2

(플루타르코스, Demetrius, chapter 2)

상위

목록

SEARCH

MENU NAVIGATION