헬라어 문장 검색 - Πλυταρ́ΞαιυσΜά46́

(플루타르코스, Caius Marius, chapter 46)

Πλάτων μὲν οὖν ἤδη πρὸσ τῷ τελευτᾶν γενόμενοσ ὕμνει τὸν αὐτοῦ δαίμονα καὶ τὴν τύχην, ὅτι πρῶτον μὲν ἄνθρωποσ, εἶτα Ἕλλην, οὐ βάρβαροσ οὐδὲ ἄλογον τῇ φύσει θηρίον γένοιτο, πρὸσ δὲ τούτοισ, ὅτι τοῖσ Σωκράτουσ χρόνοισ ἀπήντησεν ἡ γένεσισ αὐτοῦ. καὶ νὴ Δία τὸν Ταρσέα λέγουσιν Ἀντίπατρον ὡσαύτωσ ὑπὸ τὴν τελευτὴν ἀναλογιζόμενον ὧν τύχοι μακαρίων μηδὲ τῆσ εἰσ Ἀθήνασ οἴκοθεν εὐπλοίασ ἐπιλαθέσθαι, καθάπερ φιλοχρήστου τῆσ τύχησ ἅπασαν δόσιν εἰσ μεγάλην χάριν τιθέμενον καὶ σῴζοντα τῇ μνήμῃ διὰ τέλουσ, ἧσ οὐδέν ἐστιν ἀνθρώπῳ ταμιεῖον ἀγαθῶν βεβαιότερον.

τοὺσ δὲ ἀμνήμονασ σ καὶ ἀνοήτουσ ὑπεκρεῖ τὰ γιγνόμενα μετὰ τοῦ χρόνου·

διὸ μηθὲν στέγοντεσ μηδὲ διατηροῦντεσ ἀεὶ κενοὶ μὲν ἀγαθῶν, πλήρεισ δὲ ἐλπίδων πρὸσ τὸ μέλλον ἀποβλέπουσι, τὸ παρὸν προϊέμενοι. ἀλλ’ ὅμωσ τοῦτο τῆσ τύχησ ὡσ ἀλλότριον ἐκβάλλοντεσ ἐκεῖνο τὸ ἄδηλον ὀνειρώττουσιν, εἰκότα πάσχοντεσ, πρὶν γὰρ ἐκ λόγου καὶ παιδείασ ἕδραν ὑποβαλέσθαι καὶ κρηπῖδα τοῖσ ἔξωθεν ἀγαθοῖσ, συνάγοντεσ αὐτὰ καὶ συμφοροῦντεσ ἐμπλῆσαι τῆσ ψυχῆσ οὐ δύνανται τὸ ἀκόρεστον.

ἀποθνῄσκει δ̓ οὖν Μάριοσ ἡμέρασ ἑπτακαίδεκα τῆσ ἑβδόμησ ὑπατείασ ἐπιλαβών.

καὶ μέγα ἔσχε παραυτίκα τὴν Ῥώμην χάρμα καὶ θάρσοσ ὡσ χαλεπῆσ τυραννίδοσ ἀπηλλαγμένην· ὀλίγαισ δὲ ἡμέραισ ᾔσθοντο νέον ἀντηλλαγμένοι καὶ ἀκμάζοντα ἀντὶ πρεσβύτου δεσπότην τοσαύτην ὁ υἱὸσ αὐτοῦ Μάριοσ ὠμότητα καὶ πικρίαν ἀπεδείξατο, τοὺσ ἀρίστουσ καὶ δοκιμωτάτουσ ἀναιρῶν. δόξασ δὲ καὶ τολμητὴσ καὶ φιλοκίνδυνοσ εἶναι πρὸσ τοὺσ πολεμίουσ ἐν ἀρχῇ παῖσ Ἄρεοσ ὠνομάζετο, ταχὺ δὲ τοῖσ ἔργοισ ἐλεγχόμενοσ αὖθισ Ἀφροδίτησ υἱὸσ ἐκαλεῖτο.

τέλοσ δὲ κατακλεισθεὶσ εἰσ Πραινεστὸν ὑπὸ Σύλλα καὶ πολλὰ φιλοψυχήσασ μάτην, ὡσ ἦν ἄφυκτα τῆσ πόλεωσ ἁλισκομένησ, αὐτὸσ αὑτὸν ἀπέκτεινεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caius Marius, chapter 46

(플루타르코스, Caius Marius, chapter 46)

상위

목록

SEARCH

MENU NAVIGATION