헬라어 문장 검색 - Πλυταρ́ΞαιυσΜά25́

(플루타르코스, Caius Marius, chapter 25)

ὡσ δὲ ἀπηγγέλθη ταῦτα τοῖσ Κίμβροισ, αὖθισ ἐξ ἀρχῆσ ἐχώρουν ἐπὶ τὸν Μάριον ἡσυχάζοντα καὶ διαφυλάττοντα τὸ στρατόπεδον. · λέγεται δὲ εἰσ ἐκείνην τὴν μάχην πρῶτον ὑπὸ Μαρίου καινοτομηθῆναι τὸ περὶ τοὺσ ὑσσούσ. τὸ γάρ εἰσ τὸν σίδηρον ἔμβλημα τοῦ ξύλου πρότερον μὲν ἦν δυσὶ περόναισ κατειλημμένον σιδηραῖσ, τότε δὲ ὁ Μάριοσ τὴν μέν, ὥσπερ εἶχεν, εἰάσε, τὴν δὲ ἑτέραν ἐξελὼν ξύλινον ἧλον εὔθραυστον ἀντ’ αὐτῆσ ἐνέβαλε, τεχνάζων προσπεσόντα τὸν ὑσσὸν τῷ θυρεῷ τοῦ πολεμίου μὴ μένειν ὀρθόν, ἀλλὰ τοῦ ξυλίνου κλασθέντοσ ἥλου καμπὴν γίνεσθαι περὶ τὸν σίδηρον καὶ παρέλκεσθαι τὸ δόρυ, διὰ τὴν στρεβλότητα τῆσ αἰχμῆσ ἐνεχόμενον. Βοιῶριξ δὲ ὁ τῶν Κίμβρων βασιλεὺσ ὀλιγοστὸσ προσιππεύσασ τῷ στρατοπέδῳ προὐκαλεῖτο τὸν Μάριον, ἡμέραν ὁρίσαντα καὶ τόπον, προελθεῖν καὶ διαγωνίσασθαι περὶ τῆσ χώρασ.

τοῦ δὲ Μαρίου φήσαντοσ οὐδέποτε Ῥωμαίουσ συμβούλοισ κεχρῆσθαι περὶ μάχησ τοῖσ πολεμίοισ, οὐ μὴν ἀλλὰ καὶ χαριεῖσθαι τοῦτο Κίμβροισ, ἡ μέραν μὲν ἔθεντο τὴν ἀπ’·

ἐκείνησ τρίτην, χώραν δὲ τὸ πεδίον τὸ περὶ Βερκέλλασ, Ῥωμαίοισ μὲν ἐπιτήδειον ἐνιππάσασθαι, τῶν δὲ ἀνάχυσιν τῷ πλήθει παρασχεῖν. τηρήσαντεσ οὖν τὸν ὡρισμένον χρόνον ἀντιπαρετάσσοντο, Κάτλοσ μὲν ἔχων δισμυρίουσ καὶ τριακοσίουσ στρατιώτασ, οἱ δὲ Μαρίου δισχίλιοι μὲν ἐπὶ τρισμυρίοισ ἐγένοντο, περιέσχον δὲ τὸν Κάτλον ἐν μέσῳ νεμηθέντεσ εἰσ ἑκάτερον κέρασ, ὡσ Σύλλασ, ἠγωνισμένοσ ἐκείνην τὴν μάχην, γέγραφε.

καί φησι τὸν Μάριον ἐλπίσαντα τοῖσ ἄκροισ μάλιστα καὶ κατὰ κέρασ συμπεσεῖν τὰσ φάλαγγασ, ὅπωσ ἴδιοσ ἡ νίκη τῶν ἐκείνου στρατιωτῶν γένοιτο καὶ μὴ μετάσχοι τοῦ ἀγῶνοσ ὁ Κάτλοσ μηδὲ προσμίξειε τοῖσ πολεμίοισ, κόλπωμα τῶν μέσων, ὥσπερ εἰώθεν ἐν μεγάλοισ μετώποισ, λαμβανόντων, οὕτω διαστῆσαι τὰσ δυνάμεισ.

· ὅμοια δὲ καὶ τὸν Κάτλον αὐτὸν ἀπολογεῖσθαι περὶ τούτων ἱστοροῦσι, πολλὴν κατηγοροῦντα τοῦ Μαρίου κακοήθειαν πρὸσ αὐτόν.

τοῖσ δὲ Κίμβροισ τὸ μὲν πεζὸνἐκ τῶν ἐρυμάτων καθ’ ἡσυχίαν προῄει, βάθοσ ἴσον τῷ μετώπῳ ποιούμενον. ἑκάστη γὰρ ἐπέσχε πλευρὰ σταδίουσ τριάκοντα τῆσ παρατάξεωσ· οἱ δὲ ἱππεῖσ μύριοι καὶ πεντακισχίλιοι τὸ πλῆθοσ ὄντεσ ἐξήλασαν λαμπροί, κράνη μὲν εἰκασμένα θηρίων φοβερῶν χάσμασι καὶ προτομαῖσ ἰδιομόρφοισ ἔχοντεσ, ἃσ ἐπαιρόμενοι λόφοισ πτερωτοῖσ εἰσ ὕψοσ ἐφαίνοντο μείζουσ, θώραξι δὲ κεκοσμημένοι σιδηροῖσ, θυρεοῖσ δὲ λευκοῖσ στίλβοντεσ.

ἀκόντισμα δὲ ἦν ἑκάστῳ διβολία· συμπεσόντεσ δὲ μεγάλαισ ἐχρῶντο καὶ βαρείαισ μαχαίραισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caius Marius, chapter 25

(플루타르코스, Caius Marius, chapter 25)

상위

목록

SEARCH

MENU NAVIGATION