헬라어 문장 검색 - Πλυταρ́ΞαιυσΜά20́

(플루타르코스, Caius Marius, chapter 20)

ἐπεὶ δὲ πολλοὺσ τῶν Ἀμβρώνων οἱ Ῥωμαῖοι διαφθείραντεσ ἀνεχώρησαν ὀπίσω καὶ σκότοσ ἐπέσχεν, οὐχ ὥσπερ ἐπ’ εὐτυχήματι τοσούτῳ τὸν στρατὸν ἐδέξαντο παιᾶνεσ ἐπινίκιοι καὶ πότοι κατὰ σκηνὰσ καὶ φιλοφροσύναι περὶ δεῖπνα καὶ τὸ πάντων ἥδιστον ἀνδράσιν εὐτυχῶσ μεμαχημένοισ, ὕπνοσ ἤπιοσ, ἀλλ’ ἐκείνην μάλιστα τὴν νύκτα φοβερὰν καὶ ταραχώδη διήγαγον. ἦν μὲν γάρ αὐτοῖσ ἀχαράκωτον τὸ στρατόπεδον καὶ ἀτείχιστον, ἀπελείποντο δὲ τῶν βαρβάρων ἔτι πολλαὶ μυριάδεσ ἀήττητοι, καὶ συμμεμιγμένων τούτοισ ὅσοι διαπεφεύγεσαν τῶν Ἀμβρώνων, ὀδυρμὸσ ἦν διὰ νυκτόσ, οὐ κλαυθμοῖσ οὐδὲ στεναγμοῖσ ἀνθρώπων ἐοικώσ, ἀλλὰ θηρομιγήσ τισ ὠρυγὴ καὶ βρύχημα μεμιγμένον ἀπειλαῖσ καὶ θρήνοισ ἀναπεμπόμενον ἐκ πλήθουσ τοσούτου τά τε πέριξ ὄρη καὶ τὰ κοῖλα τοῦ ποταμοῦ περιεφώνει.

καὶ κατεῖχε φρικώδησ ἦχοσ τὸ πεδίον, τοὺσ δὲ Ῥωμαίουσ δέοσ, αὐτόν τε τὸν Μάριον ἔκπληξισ ἄκοσμόν τινα καὶ ταραχώδη νυκτομαχίαν προσδεχόμενον.

οὐ μὴν ἐπῆλθον οὔτε νυκτὸσ οὔτε τῆσ ἐπιούσησ ἡμέρασ, ἀλλὰ συντάττοντεσ ἑαυτοὺσ καὶ παρασκευαζόμενοι διετέλουν. ἐν τούτῳ δὲ Μάριοσ, ἦσαν γάρ ἐκ κεφαλῆσ τῶν βαρβάρων νάπαι περικλινεῖσ καὶ κατάσκιοι δρυμοῖσ αὐλῶνεσ, ἐνταῦθα Κλαύδιον Μάρκελλον ἐκπέμπει μετὰ τρισχιλίων ὁπλιτῶν, ἐνεδρεῦσαι κελεύσασ κρύφα καὶ μαχομένοισ ἐξόπισθεν ἐπιφανῆναι.

τοὺσ δὲ ἄλλουσ δειπνήσαντασ ἐν ὡρ́ᾳ καὶ κοιμηθέντασ ἅμ’ ἡμέρᾳ συνέταττε πρὸ τοῦ χάρακοσ ἀγαγών, καὶ προεξεπεμπε τοὺσ ἱππέασ εἰσ τὸ πεδίον, θεασάμενοι δὲ οἱ Τεύτονεσ οὐκ ἠνέσχοντο καταβαίνοντασ αὐτοῖσ ἐξ ἴσου διαγωνίζεσθαι τοὺσ Ῥωμαίουσ, ἀλλὰ σὺν τάχει καὶ δι’ ὀργῆσ ὁπλισάμενοι τῷ λόφῳ προσέβαλον. ὁ δὲ Μάριοσ ἑκασταχοῦ διαπέμπων τοὺσ ἡγεμόνασ ἑστάναι καὶ καρτερεῖν παρεκάλει, πελασάντων δὲ εἰσ ἐφικτὸν ἐξακοντίσαι τοὺσ ὑσσούσ, εἶτα χρῆσθαι ταῖσ μαχαίραισ καὶ τοῖσ θυρεοῖσ ἀντερείσαντασ βιάζεσθαι·

τῶν γάρ τόπων ἐπισφαλῶν ὄντων ἐκείνοισ οὔτε τόνον ἕξειν τὰσ πληγὰσ οὔτε ῥώμην τὸν συνασπισμόν, ἐν περιτροπῇ καὶ σάλῳ τῶν σωμάτων ὄντων διὰ τὴν ἀνωμαλίαν.

ταῦτα ἅμα παρῄνει καὶ δρῶν ἑωρᾶτο πρῶτοσ· οὐδενὸσ γάρ ἤσκητο χεῖρον τὸ σῶμα, καὶ πάντασ πολὺ τῇ τόλμῃ παρήλλαττεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caius Marius, chapter 20

(플루타르코스, Caius Marius, chapter 20)

상위

목록

SEARCH

MENU NAVIGATION