헬라어 문장 검색 - Πλυταρ́ΞαιυσΜά16́

(플루타르코스, Caius Marius, chapter 16)

ὁ δὲ τούτων μὲν οὐκ ἐφρόντιζεν, ἐν δὲ τῷ χάρακι τοὺσ στρατιώτασ συνεῖχε, καὶ καθήπτετο πικρῶσ τῶν θρασυνομένων, καὶ τοὺσ προπίπτοντασ ὑπὸ θυμοῦ καὶ μάχεσθαι βουλομένουσ προδότασ ἀπεκάλει τῆσ πατρίδοσ, οὐ γάρ ὑπὲρ θριάμβων τὴν φιλοτιμίαν εἶναι καὶ τροπαίων, ἀλλ’ ὅπωσ νέφοσ τοσοῦτον πολέμου καὶ σκηπτὸν ὠσάμενοι διασώσουσι τὴν Ἰταλίαν. ταῦτα μὲν ἰδίᾳ πρὸσ τοὺσ ἡγεμόνασ καὶ τοὺσ ὁμοτίμουσ ἔλεγε, τοὺσ δὲ στρατιώτασ ὑπὲρ τοῦ χάρακοσ ἱστὰσ ἀνὰ μέροσ καὶ θεᾶσθαι κελεύων εἴθιζε τὴν μορφὴν ἀνέχεσθαι τῶν πολεμίων καὶ τήν φωνὴν ὑπομένειν ὅλωσ οὖσαν ἀλλόκοτον καὶ θηριώδη, σκευήν τε καὶ κίνησιν αὐτῶν καταμανθάνειν, ἅμα τῷ χρόνῳ τὰ φαινόμενα δεινὰ ποιουμένουσ τῇ διανοίᾳ χειροήθη διὰ τῆσ ὄψεωσ·

ἡγεῖτο γὰρ πολλὰ μὲν ἐπιψεύδεσθαι τῶν οὐ προσόντων τὴν καινότητα τοῖσ φοβεροῖσ, ἐν δὲ τῇ συνηθείᾳ καὶ τὰ τῇ φύσει δεινὰ τὴν ἔκπληξιν ἀποβάλλειν. τῶν δὲ οὐ μόνον ἡ καθ’ ἡμέραν ὄψισ ἀφῄρει τι τοῦ θάμβουσ, ἀλλὰ καὶ πρὸσ τὰσ ἀπειλὰσ τῶν βαρβάρων καὶ τὸν κόμπον οὐκ ἀνεκτὸν ὄντα θυμὸσ αὐτοῖσ παριστάμενοσ ἐξεθέρμαινε καὶ διέφλεγε τὰσ ψυχάσ, οὐ μόνον ἀγόντων καὶ φερόντων τὰ πέριξ ἅπαντα τῶν πολεμίων, ἀλλὰ καὶ τῷ χάρακι ποιουμένων προσβολὰσ μετὰ πολλῆσ ἀσελγείασ καὶ θρασύτητοσ, ὥστε φωνὰσ καὶ διαγανακτήσεισ τῶν στρατιωτῶν πρὸσ τὸν Μάριον ἐκφέρεσθαι.

"τίνα δὴ καταγνοὺσ ἀνανδρίαν ἡμῶν Μάριοσ εἴργει μάχησ ὥσπερ γυναῖκασ ὑπὸ κλεισὶ καὶ θυρωροῖσ;

"φέρε, παθόντεσ ἀνδρῶν πάθοσ ἐλευθέρων ἐρώμεθα πότερον ἄλλουσ ἀναμένει μαχουμένουσ ὑπὲρ τῆσ Ἰταλίασ, ἡμῖν δὲ λειτουργοῖσ χρήσεται διὰ παντόσ, ὅταν δέῃται τάφρουσ ὀρύσσειν καὶ πηλὸν ἐκκαθαίρειν καὶ ποταμούσ τινασ παρατρέπειν; "ἐπὶ ταῦτα γάρ, ὡσ ἐοίκεν, ἤσκει τοῖσ πολλοῖσ πόνοισ ἡμᾶσ, καὶ ταῦτα τῶν ὑπατειῶν ἀποδειξάμενοσ ἔργα τοῖσ πολίταισ ἐπάνεισιν. "ἢ τὰ Κάρβωνοσ αὐτὸν φοβεῖ καὶ Καιπίωνοσ, οὓσ ἐνίκησαν οἱ πολέμιοι, πολὺ μὲν αὐτοὺσ τῆσ Μαρίου δόξησ καὶ ἀρετῆσ ἀποδέοντασ, πολὺ δὲ χείρονα στρατὸν ἄγοντασ; "ἀλλὰ καὶ παθεῖν τι δρῶντασ, ὡσ ἐκεῖνοι, κάλλιον ἢ καθῆσθαι πορθουμένων τῶν συμμάχων θεατάσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caius Marius, chapter 16

(플루타르코스, Caius Marius, chapter 16)

상위

목록

SEARCH

MENU NAVIGATION