호흡부호 보기
강세부호 보기
장단부호 보기
작은 Iota 보기
모든 부호 보기
ἐπεὶ δὲ Καικίλιοσ Μέτελλοσ ἀποδειχθεὶσ ἐπὶ τὸν κατὰ Ιοὐγούρθα πόλεμον ὕπατοσ στρατηγὸσ εἰσ Λιβύην ἐπηγάγετο πρεσβευτὴν Μάριον, ἐνταῦθα πράξεων μεγάλων καὶ λαμπρῶν ἀγώνων ἐπιλαβόμενοσ τὸ μὲν αὔξειν τὸν Μέτελλον, ὥσπερ οἱ λοιποί, καὶ πολιτεύεσθαι πρὸσ ἐκεῖνον εἰάσε χαίρειν· ἀξιῶν δὲ οὐχ ὑπὸ Μετέλλου κεκλῆσθαι πρεσβευτήσ, ὑπὸ δὲ τῆσ τύχησ εἰσ εὐφυέστατον καιρὸν ὁμοῦ καὶ μέγιστον εἰσάγεσθαι πράξεων θέατρον, ἐπεδείκνυτο πᾶσαν ἀνδραγαθίαν. καὶ πολλὰ τοῦ πολέμου δυσχερῆ φέροντοσ οὔτε τῶν μεγάλων τινὰ πόνων ὑποτρέσασ οὔτε τῶν μικρῶν ἀπαξιώσασ, ἀλλὰ τοὺσ μὲν ὁμοτίμουσ εὐβουλίᾳ καὶ προνοίᾳ τοῦ συμφέροντοσ ὑπερβαλλόμενοσ, πρὸσ δ̓ τοὺσ στρατιώτασ ὑπὲρ εὐτελείασ καὶ καρτερίασ διαμιλλώμενοσ εὔνοιαν ἔσχε πολλὴν παρ’ αὐτοισ.
ὅλωσ μὲν γάρ ἐοίκε τοῦ κάμνειν ἑκάστῳ παραμυθία τὸ συγκάμνον ἑκουσίωσ εἶναι·
δοκεῖ γὰρ ἀφαιρεῖν τὴν ἀνάγκην· ταῦτα πάντα ποιῶν ὁ Μάριοσ καὶ διὰ τούτων τοὺσ στρατιώτασ δημαγωγῶν ταχὺ μὲν ἐνέπλησε τὴν Λιβύην, ταχὺ δὲ τὴν Ῥώμην, ὀνόματοσ καὶ δόξησ, τῶν ἀπὸ στρατοπέδου τοῖσ οἴκοι γραφόντων ὡσ οὐκ ἔστι πέρασ οὐδὲ ἀπαλλαγὴ τοῦ πρὸσ τὸν βάρβαρον πολέμου μὴ Γάϊον Μάριον ἑλομένοισ ὕπατον.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기