호흡부호 보기
강세부호 보기
장단부호 보기
작은 Iota 보기
모든 부호 보기
ἐν δὲ τῇ δημαρχίᾳ νόμον τινὰ περὶ ψηφοφορίασ γράφοντοσ αὐτοῦ δοκοῦντα τῶν δυνατῶν ἀφαιρεῖσθαι τὴν περὶ τὰσ κρίσεισ ἰσχύν, ἐνιστάμενοσ Κόττασ ὁ ὕπατοσ συνέπεισε τὴν βουλὴν τῷ μὲν νόμῳ μάχεσθαι, τὸν δὲ Μάριον καλεῖν λόγον ὑφέξοντα. καὶ τοῦ δόγματοσ τούτου γραφέντοσ εἰσελθὼν ἐκεῖνοσ οὐκ ἔπαθε νέου πάθοσ ἀπὸ μηδενὸσ λαμπροῦ προεληλυθότοσ ἄρτι πρὸσ τὴν πολιτείαν, ἀλλ’ ἑαυτῷ διδοὺσ ἤδη φρονεῖν ἡλίκον αἱ μετέπειτα πράξεισ ἔδωκαν, ἠπείλησε τὸν Κότταν ἀπάξειν εἰσ τὸ δεσμωτήριον, εἰ μὴ διαγράψειε τὸ δόγμα, τοῦ δὲ πρὸσ Μέτελλον τραπομένου καὶ γνώμην ἐρωτῶντοσ, Μέτελλοσ μὲν ἀναστὰσ συνηγόρει τῷ ὑπάτῳ, Μάριοσ δὲ τὸν ὑπηρέτην μεταπεμψάμενοσ ἔξωθεν ἐκέλευεν ἀπάγειν αὐτὸν τὸν Μέτελλον εἰσ τὸ δεσμωτήριον.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기