헬라어 문장 검색 - Πλυταρ́Βρυτυσ́31́

(플루타르코스, Brutus, chapter 31)

τοὺσ δὲ Λυκίουσ δεινή τισ ἐξαίφνησ πρὸσ ἀπόνοιαν ὁρμὴ καὶ λόγου κρείσσων κατέσχεν, ἣν ἄν τισ ἔρωτι θανάτου μάλιστα προσεικάσειεν οἵ γε μετὰ παίδων καὶ γυναικῶν ἐλεύθεροί τε καὶ δοῦλοι καὶ πᾶσα ἡλικία τοὺσ μὲν πολεμίουσ πρὸσ τὴν φλόγα βοηθοῦντασ ἀπὸ τῶν τειχῶν ἔβαλλον, αὐτοὶ δὲ κάλαμον καὶ ξύλα καὶ πᾶν ὑπέκκαυμα προσφέροντεσ ἦγον ἐπὶ τὴν πόλιν τὸ πῦρ, ὀρέγοντεσ αὐτῷ πᾶσαν ὕλην καὶ πάντα τρόπον ἐξερεθίζοντεσ καὶ συνεκτρέφοντεσ. ὡσ δ’ ἡ φλὸξ ῥυεῖσα καὶ διαζώσασα πανταχόθεν τὴν πόλιν διέλαμψε πολλή, περιπαθῶν ἐπὶ τοῖσ γινομένοισ ὁ Βροῦτοσ ἔξωθεν παρίππευε προθυμούμενοσ βοηθεῖν, καὶ τὰσ χεῖρασ ὀρέγων τοῖσ Ξανθίοισ ἐδεῖτο φείδεσθαι καὶ σῴζειν τὴν πόλιν, οὐδενὸσ αὐτῷ προσέχοντοσ, ἀλλὰ πάντα τρόπον ἑαυτοὺσ ἀπολλύντων, οὐ μόνον ἀνδρῶν τε καὶ γυναικῶν, ἀλλὰ καὶ τὰ παιδία τὰ μικρὰ μετὰ κραυγῆσ καὶ ἀλαλαγμοῦ τὰ μὲν εἰσ τὸ πῦρ ἥλλετο, τὰ δ’ ἄνωθεν ἀπὸ τῶν τειχῶν ἐξετραχήλιζεν αὑτά, τὰ δὲ τοῖσ ξίφεσι τῶν πατέρων ὑπέβαλλε τὰσ σφαγὰσ γυμνοῦντα καὶ κελεύοντα παίειν.

ὤφθη δὲ τῆσ πόλεωσ διαφθαρείσησ γυνή κρεμαμένη μὲν ἐξ ἀγχόνησ, παιδίον δὲ νεκρὸν ἐξηρτημένη τοῦ τραχήλου, λαμπάδι δὲ καιομένῃ τὴν οἰκίαν ὑφάπτουσα.

καὶ τοῦ θεάματοσ τραγικοῦ φανέντοσ ἰδεῖν μὲν οὐχ ὑπέμεινεν ὁ Βροῦτοσ, ἐδάκρυσε δὲ ἀκούσασ·

καὶ γέρασ ἐκήρυξε τῶν στρατιωτῶν ὅστισ ἂν δυνηθῇ Λύκιον ἄνδρα περισῶσαι. φασὶ δὲ μόνουσ ἑκατὸν πεντήκοντα γενέσθαι τοὺσ μὴ διαφυγόντασ τὸ σωθῆναι. Ξάνθιοι μὲν οὖν διὰ πολλῶν χρόνων ὥσπερ εἱμαρμένην περίοδον διαφθορᾶσ ἀποδιδόντεσ τὴν τῶν προγόνων ἀνενεώσαντο τῇ τόλμῃ τύχην καὶ γὰρ ἐκεῖνοι τὴν πόλιν ὁμοίωσ ἐπὶ τῶν Περσικῶν κατακαύσαντεσ ἑαυτοὺσ διέφθειραν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Brutus, chapter 31

(플루타르코스, Brutus, chapter 31)

상위

목록

SEARCH

MENU NAVIGATION