헬라어 문장 검색 - Πλυταρ́Βρυτυσ́26́

(플루타르코스, Brutus, chapter 26)

Λιποθυμοῦντοσ δὲ τοῦ Βρούτου καὶ μηδενὸσ ἔχοντοσ ἐν τῷ στρατοπέδῳ μηδὲν ἐδώδιμον, ἠναγκάσθησαν οἱ περὶ αὐτὸν ἐπὶ τοὺσ πολεμίουσ καταφυγεῖν καὶ ταῖσ πύλαισ προσελθόντεσ ἄρτον ᾔτουν τοὺσ φύλακασ, οἱ δὲ διακούσαντεσ τὸ σύμπτωμα τοῦ Βρούτου παρῆσαν αὐτοί καὶ σιτία καὶ ποτὰ κομίζοντεσ, ἀνθ’ ὧν ὁ Βροῦτοσ, ὡσ τὴν πόλιν παρέλαβεν, οὐ μόνον τούτοισ, ἀλλὰ καὶ πᾶσι διὰ τούτουσ φιλανθρώπωσ ἐχρήσατο. Γάϊοσ δ’ Ἀντώνιοσ Ἀπολλωνίᾳ προσβαλὼν ἐκεῖ τοὺσ ἐγγὺσ ὄντασ ἐκάλει στρατιώτασ.

ἐπεὶ δ’ οὗτοί τε πρὸσ Βροῦτον ᾤχοντο καὶ τοὺσ Ἀπολλωνιάτασ ᾔσθετο τὰ Βρούτου φρονοῦντασ, ἐκλιπὼν τὴν πόλιν εἰσ Βουθρωτὸν ἐβάδιζε. καὶ πρῶτον μὲν ἀπόλλυσι τρεῖσ σπείρασ καθ’ ὁδὸν ὑπὸ Βρούτου κατακοπείσασ· ἔπειτα τοὺσ περὶ τὴν Βυλλίδα τόπουσ προκαταληφθέντασ ἐπιχειρῶν ἐκβιάζεσθαι καὶ μάχην συνάψασ Κικέρωνι νικᾶται. τούτῳ γὰρ ὁ Βροῦτοσ ἐχρῆτο στρατηγῷ καὶ πολλὰ δι’ αὐτοῦ κατώρθωσε.

λαβὼν δὲ τὸν Γάϊον ἐν χωρίοισ ἑλώδεσι μακρὰν διεσπασμένον οὐκ εἰάσεν ἐμβαλεῖν, ἀλλὰ περιίππευσε, φείδεσθαι κελεύων, ὡσ μετὰ μικρὸν ἰδίων ἐσομένων. ὃ καὶ συνέβη, παρέδοσαν γὰρ ἑαυτοὺσ καὶ τὸν στρατηγόν, ὥστε μεγάλην ἤδη περὶ τὸν Βροῦτον δύναμιν εἶναι. χρόνον μὲν οὖν πολὺν ἐν τιμῇ τὸν Γάϊον ἦγε καὶ τὰ παράσημα τῆσ ἀρχῆσ οὐκ ἀφῄρει, καίπερ, ὥσ φασιν, ἄλλων τε πολλῶν καὶ Κικέρωνοσ ἀπὸ Ῥώμησ γραφόντων καὶ κελευόντων ἀναιρεῖν ἀρξάμενον δὲ κρύφα τοῖσ ἡγεμόσι διαλέγεσθαι καὶ ποιήσαντα νεωτερισμὸν ἐνθέμενοσ εἰσ ναῦν ἐφύλαττε.

τῶν δὲ διαφθαρέντων στρατιωτῶν εἰσ Ἀπολλωνίαν ἀποστάντων καὶ καλούντων ἐκεῖ τὸν Βροῦτον, οὐκ ἔφη τοῦτο πάτριον εἶναι Ῥωμαίοισ, ἀλλ’ ἐκείνουσ πρὸσ τὸν ἄρχοντα χρῆναι βαδίζοντασ αὐτοὺσ παραιτεῖσθαι τὴν ἐπὶ τοῖσ ἡμαρτημένοισ ὀργήν.

ἐλθοῦσι δὲ καὶ δεομένοισ συγγνώμην ἔδωκε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Brutus, chapter 26

(플루타르코스, Brutus, chapter 26)

상위

목록

SEARCH

MENU NAVIGATION