헬라어 문장 검색 - Πλυταρ́Βρυτυσ́20́

(플루타르코스, Brutus, chapter 20)

μετὰ δὲ ταῦτα περὶ τῶν Καίσαροσ διαθηκῶν καὶ ταφῆσ αὐτοῦ λόγων ἐμπεσόντων, καὶ τῶν περὶ τὸν Ἀντώνιον ἀξιούντων τάσ τε διαθήκασ ἀναγνωσθῆναι καὶ τοῦ σώματοσ ἐκφορὰν γενέσθαι μὴ κεκρυμμένην μηδ’ ἄτιμον, ὡσ μὴ καὶ τοῦτο παροξύνῃ τὸν δῆμον, Κάσσιοσ μὲν ἰσχυρῶσ ἀντέλεγεν, εἶξε δὲ Βροῦτοσ καὶ συνεχώρησε, δεύτερον ἁμαρτεῖν τοῦτο δόξασ, καὶ γὰρ Ἀντωνίου φεισάμενοσ αἰτίαν ἔσχεν ἐπιτειχίσαι τῇ συνωμοσίᾳ βαρὺν καὶ δύσμαχον πολέμιον, καὶ τὰ περὶ τὴν ταφὴν ὃν ὁ Ἀντώνιοσ ἠξίου τρόπον ἐάσασ γενέσθαι τοῦ παντὸσ σφαλῆναι. πρῶτον μὲν γὰρ ἐν ταῖσ διαθήκαισ δεδομένων κατ’ ἄνδρα Ῥωμαίοισ πᾶσι δραχμῶν ἑβδομήκοντα πέντε καὶ τῷ δήμῳ τῶν πέραν τοῦ ποταμοῦ κήπων ἀπολελειμμένων, οὗ νῦν ἐστι Τύχησ ἱερόν, εὔνοια θαυμαστὴ καὶ πόθοσ αὐτοῦ τοὺσ πολίτασ εἷλεν ἔπειτα τοῦ σώματοσ εἰσ τὴν ἀγορὰν κομισθέντοσ Ἀντώνιοσ ἔπαινον, ὥσπερ ἔθοσ ἐστὶ, διεξελθών, καὶ τὰ πλήθη κινούμενα πρὸσ τὸν λόγον ὁρῶν, εἰσ οἶκτον μετέβαλε, καὶ τὴν ἐσθῆτα λαβὼν τὴν Καίσαροσ ᾑμαγμένην ἀνέπτυξεν, ἐπιδεικνύμενοσ τάσ διακοπὰσ καὶ τῶν τραυμάτων τὸ πλῆθοσ.

ἦν οὖν ἰδεῖν οὐδὲν ἔτι κόσμῳ γινόμενον·

ἀλλ’ οἱ μὲν ἐβόων τοὺσ ἀνδροφόνουσ ἀναιρεῖν, οἱ δ’, ὥσπερ ἐπὶ Κλωδίου τοῦ δημαγωγοῦ πρότερον, ἀπὸ τῶν ἐργαστηρίων τὰ βάθρα καὶ τάσ τραπέζασ ἀνασπῶντεσ καὶ συγκομίζοντεσ εἰσ ταὐτό παμμεγέθη πυρὰν ἔνησαν καὶ τὸν νεκρὸν ἐπιθέντεσ ἐν μέσῳ πολλῶν μὲν ἱερῶν, πολλῶν δ’ ἀσύλων καὶ ἀβεβήλων τόπων καθήγιζον.

ὡσ δὲ τὸ πῦρ ἐξέλαμψεν, ἀλλαχόθεν ἄλλοσ προσφερόμενοι καὶ δαλοὺσ ἀνασπῶντεσ ἡμιφλέκτουσ διέθεον ἐπὶ τάσ οἰκίασ τῶν ἀνῃρηκότων αὐτὸν ὡσ ἐμπρήσοντεσ. ἀλλ’ ἐκεῖνοι μὲν εὖ πεφραγμένοι πρότερον ἀπεκρούσαντο τὸν κίνδυνον ἦν δέ τισ Κίννασ, ποιητικὸσ ἀνὴρ, οὐδὲν τῆσ αἰτίασ μετέχων, ἀλλὰ καὶ φίλοσ Καίσαροσ γεγονώσ.

οὗτοσ ὄναρ ᾤετο καλούμενοσ ὑπὸ Καίσαροσ ἐπὶ δεῖπνον ἀρνεῖσθαι, τὸν δὲ λιπαρεῖν καὶ βιάζεσθαι, τέλοσ δ’ ἄγειν λαβόμενον τῆσ χειρὸσ εἰσ ἀχανῆ τόπον καὶ σκοτεινόν, αὐτὸν δ’ ἄκοντα καὶ τεθαμβημένον ἕπεσθαι. ταύτην ἰδόντι τὴν ὄψιν αὐτῷ συνέβη πυρέττειν διὰ νυκτόσ·

ὅμωσ δ’ ἑώθεν ἐκκομιζομένου τοῦ σώματοσ αἰδούμενοσ μὴ παρεῖναι προῆλθεν εἰσ τὸν ὄχλον ἤδη διαγριαινόμενον. ὀφθεὶσ δὲ καὶ δόξασ οὐχ ὅσπερ ἦν Κίννασ εἶναι, ἀλλ’ ἐκεῖνοσ ὁ Καίσαρα πρὸσ τὴν ἐκκλησίαν ἔναγχοσ λοιδορήσασ, διεσπάσθη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Brutus, chapter 20

(플루타르코스, Brutus, chapter 20)

상위

목록

SEARCH

MENU NAVIGATION