헬라어 문장 검색 - Πλυταρ́Βρυτυσ́02́

(플루타르코스, Brutus, chapter 2)

Σερβιλίασ δὲ τῆσ Βρούτου μητρὸσ ἀδελφὸσ ἦν Κάτων ὁ φιλόσοφοσ, ὃν μάλιστα Ῥωμαίων ἐζήλωσεν οὗτοσ θεῖον ὄντα καὶ πενθερὸν ὕστερον γενόμενον. καὶ τὴν νέαν καὶ μέσην λεγομένην Ἀκαδήμειαν οὐ πάνυ προσιέμενοσ ἐξήρτητο τῆσ παλαιᾶσ, καὶ διετέλει θαυμάζων μὲν Ἀντίοχον τὸν Ἀσκαλωνίτην, φίλον δὲ καὶ συμβιωτὴν τὸν ἀδελφὸν αὐτοῦ πεποιημένοσ Ἄριστον, ἄνδρα τῇ μὲν ἐν λόγοισ ἕξει πολλῶν φιλοσόφων λειπόμενον, εὐταξίᾳ δὲ καὶ πρᾳότητι τοῖσ πρώτοισ ἐνάμιλλον.

ὁ δ’ Ἔμπυλοσ οὗ καὶ αὐτὸσ ἐν ταῖσ ἐπιστολαῖσ καὶ οἱ φίλοι μέμνηνται πολλάκισ ὡσ συμβιοῦντοσ αὐτῷ, ῥήτωρ ἦν καὶ καταλέλοιπε μικρὸν μὲν, οὐ φαῦλον δὲ σύγγραμμα περὶ τῆσ Καίσαροσ ἀναιρέσεωσ, ὃ Βροῦτοσ ἐπιγέγραπται.

Ῥωμαϊστὶ μὲν οὖν ἤσκητο πρὸσ τὰσ διεξόδουσ καὶ τοὺσ ἀγῶνασ ἱκανῶσ ὁ Βροῦτοσ, Ἑλληνιστὶ δὲ τὴν ἀποφθεγματικὴν καὶ Λακωνικὴν ἐπιτηδεύων βραχυλογίαν ἐν ταῖσ ἐπιστολαῖσ ἐνιαχοῦ παράσημόσ ἐστιν, οἱο͂ν ἤδη καθεστηκὼσ εἰσ τὸν πόλεμον γράφει Περγαμηνοῖσ· "ἀκούω ὑμᾶσ Δολοβέλλᾳ δεδωκέναι χρήματα·

"ἃ εἰ μὲν ἑκόντεσ ἔδοτε, ὁμολογεῖτε ἀδικεῖν· "εἰ δὲ ἄκοντεσ, ἀποδείξατε τῷ ἐμοὶ ἑκόντεσ δοῦναι. πάλιν Σαμίοισ· "αἱ βουλαὶ ὑμῶν ὀλίγωροι, αἱ ὑπουργίαι βραδεῖαι. "τί τούτων τέλοσ ἐννοεῖσθε; "Ξάνθιοι τὴν ἐμὴν εὐεργεσίαν ὑπεριδόντεσ τάφον ἀπονοίασ ἐσχήκασι τὴν πατρίδα, Παταρεῖσ δὲ πιστεύσαντεσ ἑαυτοὺσ ἐμοὶ οὐδὲν ἐλλείπουσι διοικοῦντεσ τὰ καθ’ ἕκαστα τῆσ ἐλευθερίασ.

"ἐξὸν οὖν καὶ ὑμῖν ἢ τὴν Παταρέων κρίσιν ἢ τὴν Ξανθίων τύχην ἑλέσθαι. τὸ μὲν οὖν τῶν παρασήμων γένοσ ἐπιστολίων τοιοῦτόν ἐστιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Brutus, chapter 2

(플루타르코스, Brutus, chapter 2)

상위

목록

SEARCH

MENU NAVIGATION