헬라어 문장 검색 - Παυσαν́Δεσξριπ́8́52́

(파우사니아스, Description of Greece, Ἀρκαδικά, chapter 52)

καὶ ἤδη τὸ μετὰ τοῦτο ἐσ ἀνδρῶν ἀγαθῶν φορὰν ἔληξεν ἡ Ἑλλάσ. Μιλτιάδησ μὲν γὰρ ὁ Κίμωνοσ τούσ τε ἐσ Μαραθῶνα ἀποβάντασ τῶν βαρβάρων κρατήσασ μάχῃ καὶ τοῦ πρόσω τὸν Μήδων ἐπισχὼν στόλον ἐγένετο εὐεργέτησ πρῶτοσ κοινῇ τῆσ Ἑλλάδοσ, Φιλοποίμην δὲ ὁ Κραύγιδοσ ἔσχατοσ· οἱ δὲ πρότερον Μιλτιάδου λαμπρὰ ἔργα ἀποδειξάμενοι, Κόδροσ τε ὁ Μελάνθου καὶ ὁ Σπαρτιάτησ Πολύδωροσ καὶ Ἀριστομένησ ὁ Μεσσήνιοσ καὶ εἰ δή τισ ἄλλοσ, πατρίδασ ἕκαστοι τὰσ αὑτῶν καὶ οὐκ ἀθρόαν φανοῦνται τὴν Ἑλλάδα ὠφελήσαντεσ. Μιλτιάδου δὲ ὕστερον Λεωνίδασ ὁ Ἀναξανδρίδου καὶ Θεμιστοκλῆσ ὁ Νεοκλέουσ ἀπώσαντο ἐκ τῆσ Ἑλλάδοσ Ξέρξην, ὁ μὲν ταῖσ ναυμαχίαισ ἀμφοτέραισ, Λεωνίδασ δὲ ἀγῶνι τῷ ἐν Θερμοπύλαισ.

Ἀριστείδην δὲ τὸν Λυσιμάχου καὶ Παυσανίαν τὸν Κλεομβρότου Πλαταιᾶσιν ἡγησαμένουσ, τὸν μὲν τὰ ὕστερον ἀφείλετο ἀδικήματα εὐεργέτην μὴ ὀνομασθῆναι τῆσ Ἑλλάδοσ, Ἀριστείδην δὲ ὅτι ἔταξε φόρουσ τοῖσ τὰσ νήσουσ ἔχουσιν Ἕλλησι· πρὸ Ἀριστείδου δὲ ἦν ἅπαν τὸ Ἑλληνικὸν ἀτελὲσ φόρων. Ξάνθιπποσ δὲ ὁ Ἀρίφρονοσ καὶ Κίμων, ὁ μὲν ὁμοῦ Λεωτυχίδῃ τῷ βασιλεύοντι ἐν Σπάρτῃ τὸ Μήδων ναυτικὸν ἔφθειρεν ἐν Μυκάλῃ, Κίμωνι δὲ πολλὰ καὶ ἄξια ζήλου κατειργασμένα ἐστὶν ὑπὲρ τῶν Ἑλλήνων.

τοὺσ δὲ ἐπὶ τοῦ Πελοποννησιακοῦ πρὸσ Ἀθηναίουσ πολέμου, καὶ μάλιστα αὐτῶν τοὺσ εὐδοκιμήσαντασ, φαίη τισ ἂν αὐτόχειρασ καὶ ὅτι ἐγγύτατα καταποντιστὰσ εἶναι σφᾶσ τῆσ Ἑλλάδοσ.

κεκακωμένον δὲ ἤδη τὸ Ἑλληνικὸν Κόνων ὁ Τιμοθέου καὶ Ἐπαμινώνδασ ἀνεκτήσατο ὁ Πολύμνιδοσ, ὁ μὲν ἐκ τῶν νήσων καὶ ὅσα ἐγγυτάτω θαλάσσησ, Ἐπαμινώνδασ δὲ ἐκ τῶν πόλεων τῶν ἀπὸ θαλάσσησ ἄνω Λακεδαιμονίων τὰσ φρουρὰσ καὶ ἁρμοστὰσ ἐκβαλόντεσ καὶ δεκαδαρχίασ καταπαύσαντεσ·

Ἐπαμινώνδασ δὲ καὶ πόλεσιν οὐκ ἀφανέσι, Μεσσήνῃ καὶ Μεγάλῃ πόλει τῇ Ἀρκάδων, λογιμωτέραν τὴν Ἑλλάδα ἐποίησεν. εἶναι δὲ ἁπάντων Ἑλλήνων καὶ Λεωσθένην τίθεμαι καὶ Ἄρατον εὐεργέτασ·

ὁ μέν γε τὸ Ἑλλήνων μισθοφορικὸν <τὸ> καὶ ἐν Πέρσαισ περὶ πέντε που μυριάδασ ἐπὶ θάλασσαν καταβάντασ ναυσὶν ἐσ τὴν Ἑλλάδα ἀνέσωσε καὶ ἄκοντοσ Ἀλεξάνδρου· τὰ δὲ ἐσ Ἄρατον ἐδήλωσε δή μοι τοῦ λόγου τὰ ἐσ Σικυωνίουσ. τὸ δὲ ἐπίγραμμά ἐστιν ἐπὶ τῷ Φιλοποίμενι τὸ ἐν Τεγέᾳ·

τοῦδ’ ἀρετὰ καὶ δόξα καθ’ Ἑλλάδα, πολλὰ μὲν ἀλκαῖσ,πολλὰ δὲ καὶ βουλαῖσ ἔργα πονησαμένου,Ἀρκάδοσ αἰχμητᾶ Φιλοποίμενοσ, ᾧ μέγα κῦδοσἕσπετ’ ἐνὶ πτολέμῳ δούρατοσ ἁγεμόνι. μανύει δὲ τρόπαια τετυγμένα δισσὰ τυράννωνΣπάρτασ· αὐξομέναν δ’ ἄρατο δουλοσύναν. ὧν ἕνεκεν Τεγέα μεγαλόφρονα Κραύγιδοσ υἱόνστᾶσεν, ἀμωμήτου κράντορ’ ἐλευθερίασ. τοῦτο μὲν δὴ ἐνταῦθά ἐστιν ἐπίγραμμα·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀρκαδικά, chapter 52

(파우사니아스, Description of Greece, Ἀρκαδικά, chapter 52)

상위

목록

SEARCH

MENU NAVIGATION