헬라어 문장 검색 - Παυσαν́Δεσξριπ́8́50́

(파우사니아스, Description of Greece, Ἀρκαδικά, chapter 50)

ἅτε δὲ ἤδη τῶν Ἀχαιῶν ἀφορώντων ἐσ αὐτὸν καὶ τὰ πάντα ἐκεῖνον ποιουμένων, τοῖσ τεταγμένοισ αὐτῶν ἐν τῷ πεζῷ μετέβαλε τῶν ὅπλων τὴν σκευήν· φοροῦντασ γὰρ μικρὰ δοράτια καὶ ἐπιμηκέστερα ὅπλα κατὰ τοὺσ Κελτικοὺσ θυρεοὺσ ἢ τὰ γέρρα τὰ Περσῶν, ἔπεισε θώρακάσ τε ἐνδύεσθαι καὶ ἐπιτίθεσθαι κνημῖδασ, πρὸσ δὲ ἀσπίσιν Ἀργολικαῖσ χρῆσθαι καὶ τοῖσ δόρασι μεγάλοισ. Μαχανίδου δὲ ἐν Λακεδαίμονι ἀναφύντοσ τυράννου καὶ αὖθισ πολέμου τοῖσ Ἀχαιοῖσ πρὸσ Λακεδαιμονίουσ καὶ Μαχανίδαν συνεστηκότοσ, ἡγεῖτο μὲν τοῦ Ἀχαϊκοῦ Φιλοποίμην·

γινομένησ δὲ πρὸσ Μαντινείᾳ μάχησ Λακεδαιμονίων μὲν οἱ ψιλοὶ τοὺσ ἀσκεύουσ τῶν Ἀχαιῶν νικῶσι καὶ φεύγουσιν αὐτοῖσ ἐπέκειτο ὁ Μαχανίδασ, τῇ δὲ φάλαγγι ὁ Φιλοποίμην τῶν πεζῶν τρέπεται τῶν Λακεδαιμονίων τοὺσ ὁπλίτασ καὶ ἀναχωροῦντι ἀπὸ τῆσ διώξεωσ Μαχανίδᾳ συντυχὼν ἀποκτίννυσιν αὐτόν. Λακεδαιμονίοισ δὲ ἠτυχηκόσι τῇ μάχῃ περιεγεγόνει μείζων ἢ κατὰ τὸ πταῖσμα εὐτυχία, γεγονόσιν ἐλευθέροισ ἀπὸ τοῦ τυράννου. μετὰ δὲ οὐ πολὺ ἀγόντων Νέμεια Ἀργείων ἔτυχε μὲν τῶν κιθαρῳδῶν τῷ ἀγῶνι ὁ Φιλοποίμην παρών·

Πυλάδου δὲ Μεγαλοπολίτου μὲν ἀνδρὸσ γένοσ, κιθαρῳδοῦ δὲ τῶν ἐφ’ αὑτοῦ δοκιμωτάτου καὶ ἀνῃρημένου Πυθικὴν νίκην, τότε δὲ ᾄδοντοσ Τιμοθέου νόμον τοῦ Μιλησίου Πέρσασ καὶ καταρξαμένου τῆσ ᾠδῆσ Κλεινὸν ἐλευθερίασ τεύχων μέγαν Ἑλλάδι κόσμον,ἀπεῖδεν ἐσ τὸν Φιλοποίμενα τὸ Ἑλληνικὸν καὶ ἐπεσημήναντο τῷ κρότῳ φέρειν ἐσ ἐκεῖνον τὸ ᾆσμα. τοιοῦτο ἐσ Θεμιστοκλέα ἄλλο ἐν Ὀλυμπίᾳ πυνθάνομαι συμβῆναι·

καὶ γὰρ Θεμιστοκλέουσ ἐσ τιμὴν ἐπανέστη τὸ ἐν Ὀλυμπίᾳ θέατρον. Φίλιπποσ δὲ ὁ Δημητρίου Μακεδόνων βασιλεύσ, ὃσ καὶ Ἄρατον φαρμάκῳ τὸν Σικυώνιον ἀπέκτεινεν, ἀπέστειλεν ἄνδρασ ἐσ Μεγάλην πόλιν φονεῦσαί σφισι Φιλοποίμενα ἐντειλάμενοσ·

ἁμαρτὼν δὲ ἀνὰ τὴν Ἑλλάδα ἐμισήθη πᾶσαν. Θηβαῖοι δὲ κεκρατηκότεσ μάχῃ Μεγαρέασ καὶ ἤδη τοῦ Μεγαρικοῦ τείχουσ ἐπιβαίνοντεσ, ἀπάτῃ τῶν Μεγαρέων μετελθόντων αὐτοὺσ ὡσ ἥκοι Φιλοποίμην σφίσιν ἐσ τὴν πόλιν, ἐσ τοσοῦτο εὐλαβείασ προῆλθον ὡσ οἴκαδε ἀποχωρῆσαι καταλιπόντεσ ἄπρακτον τοῦ πολέμου τὸ ἔργον.

ἐν δὲ Λακεδαίμονι αὖθισ ἐπανέστη τύραννοσ Νάβισ, ὃσ Πελοποννησίων πρώτοισ ἐπέθετο Μεσσηνίοισ·

ἐπελθὼν δέ σφισιν ἐν νυκτὶ καὶ οὐδαμῶσ τὴν ἔφοδον ἐλπίζουσιν εἷλε μὲν πλὴν τῆσ ἀκροπόλεωσ τὸ ἄστυ, ἀφικομένου δὲ ἐσ τὴν ὑστεραίαν στρατιᾷ Φιλοποίμενοσ ἐξέπεσεν ὑπόσπονδοσ ἐκ Μεσσήνησ. Φιλοποίμην δέ, ὡσ ἐξῆκέν οἱ στρατηγοῦντι ὁ χρόνοσ καὶ ἄρχειν ἄλλοι τῶν Ἀχαιῶν ᾕρηντο, αὖθισ ἐσ Κρήτην διέβη καὶ ἐπεκούρησε Γορτυνίοισ πολέμῳ πιεζομένοισ.

ποιουμένων δὲ ἐν ὀργῇ διὰ τὴν ἀποδημίαν τῶν Ἀρκάδων αὐτόν, ἐπάνεισί τε ἐκ Κρήτησ καὶ Ῥωμαίουσ πόλεμον κατελάμβανεν ἐπανῃρημένουσ πρὸσ Νάβιν. παρεσκευασμένων δὲ ἐπὶ τὸν Νάβιν ναυτικὸν τῶν Ῥωμαίων, ὁ Φιλοποίμην ὑπὸ προθυμίασ μεθέξειν ἔμελλε τοῦ ἀγῶνοσ·

ἅτε δὲ ἐσ ἅπαν ἀπείρωσ θαλάσσησ ἔχων τριήρουσ ἔλαθεν ἐπιβὰσ ῥεούσησ, ὥστε καὶ ἐσῆλθε Ῥωμαίουσ καὶ τὸ ἄλλο συμμαχικὸν μνήμη τῶν ἐπῶν ὧν ἐν καταλόγῳ πεποίηκεν Ὅμηροσ ἐπὶ τῇ Ἀρκάδων ἀμαθίᾳ τῇ ἐσ θάλασσαν.

ἡμέραισ δὲ ὕστερον τῆσ ναυμαχίασ οὐ πολλαῖσ Φιλοποίμην καὶ ὁ σὺν αὐτῷ λόχοσ φυλάξαντεσ νύκτα ἀσέληνον τὸ στρατόπεδον τῶν Λακεδαιμονίων κατεμπιπρᾶσιν ἐν Γυθίῳ.

ἐνταῦθα ἀπέλαβεν ἐν δυσχωρίαισ Νάβισ Φιλοποίμενά τε αὐτὸν καὶ ὅσοι περὶ αὐτὸν τῶν Ἀρκάδων ἦσαν· ἦσαν δὲ ἄλλωσ μὲν ἀγαθοὶ τὰ ἐσ πόλεμον, ἀριθμὸν δὲ οὐ πολλοί. Φιλοποίμην δὲ τὴν τάξιν, ἣν τεταγμένουσ ἀπῆγεν ὀπίσω, ταύτην ὑπαλλάξασ τὰ μάλιστα ἰσχυρὰ τῶν χωρίων πρὸσ αὑτοῦ καὶ οὐ πρὸσ τῶν πολεμίων ἐποίησεν εἶναι·

κρατήσασ δὲ τῇ μάχῃ Νάβιν καὶ τῶν Λακεδαιμονίων ἐν τῇ νυκτὶ καταφονεύσασ πολλούσ, δόξησ ἔτι ἐσ πλέον παρὰ τοῖσ Ἕλλησιν ἤρθη. μετὰ δὲ ταῦτα Νάβισ μὲν ἐσ εἰρημένον χρόνον σπονδὰσ παρὰ Ῥωμαίων εὑράμενοσ τελευτᾷ, πρὶν ἤ οἱ τοῦ πολέμου τὰσ ἀνοχὰσ ἐξήκειν, ὑπὸ ἀνδρὸσ Καλυδωνίου κατὰ δὴ συμμαχίασ πρόφασιν ἥκοντοσ, πολεμίου δὲ τῷ ἔργῳ καὶ ἐπ’ αὐτὸ ἐσταλμένου τοῦτο ὑπὸ τῶν Αἰτωλῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀρκαδικά, chapter 50

(파우사니아스, Description of Greece, Ἀρκαδικά, chapter 50)

상위

목록

SEARCH

MENU NAVIGATION