헬라어 문장 검색 - Παυσαν́Δεσξριπ́8́46́

(파우사니아스, Description of Greece, Ἀρκαδικά, chapter 46)

τῆσ δὲ Ἀθηνᾶσ τὸ ἄγαλμα τῆσ Ἀλέασ τὸ ἀρχαῖον, σὺν δὲ αὐτῇ καὶ ὑὸσ τοῦ Καλυδωνίου τοὺσ ὀδόντασ ἔλαβεν ὁ Ῥωμαίων βασιλεὺσ Αὔγουστοσ, Ἀντώνιον πολέμῳ καὶ τὸ Ἀντωνίου νικήσασ συμμαχικόν, ἐν ᾧ καὶ οἱ Ἀρκάδεσ πλὴν Μαντινέων ἦσαν οἱ ἄλλοι. φαίνεται δὲ οὐκ ἄρξασ ὁ Αὔγουστοσ ἀναθήματα καὶ ἕδη θεῶν ἀπάγεσθαι παρὰ τῶν κρατηθέντων, καθεστηκότι δὲ ἐκ παλαιοῦ χρησάμενοσ.

Ἰλίου τε γὰρ ἁλούσησ καὶ νεμομένων τὰ λάφυρα Ἑλλήνων, Σθενέλῳ τῷ Καπανέωσ τὸ ξόανον τοῦ Διὸσ ἐδόθη τοῦ Ἑρκείου· καὶ ἔτεσιν ὕστερον πολλοῖσ Δωριέων ἐσ Σικελίαν ἐσοικιζομένων, Ἀντίφημοσ ὁ Γέλασ οἰκιστὴσ πόλισμα Σικανῶν Ὀμφάκην πορθήσασ μετεκόμισεν ἐσ Γέλαν ἄγαλμα ὑπὸ Δαιδάλου πεποιημένον. βασιλέα τε τῶν Περσῶν Ξέρξην τὸν Δαρείου, χωρὶσ ἢ ὅσα ἐξεκόμισε τοῦ Ἀθηναίων ἄστεωσ, τοῦτο μὲν ἐκ Βραυρῶνοσ καὶ ἄγαλμα ἴσμεν τῆσ Βραυρωνίασ λαβόντα Ἀρτέμιδοσ, τοῦτο δὲ αἰτίαν ἐπενεγκὼν Μιλησίοισ, ἐθελοκακῆσαι σφᾶσ ἐναντία Ἀθηναίων ἐν τῇ Ἑλλάδι ναυμαχήσαντασ, τὸν χαλκοῦν ἔλαβεν Ἀπόλλωνα τὸν ἐν Βραγχίδαισ·

καὶ τὸν μὲν ὕστερον ἔμελλε χρόνῳ Σέλευκοσ καταπέμψειν Μιλησίοισ, Ἀργείοισ δὲ τὰ ἐκ Τίρυνθοσ ἔτι καὶ ἐσ ἐμὲ τὸ μὲν παρὰ τῇ Ἥρᾳ ξόανον, τὸ δὲ ἐν τοῦ Ἀπόλλωνόσ ἐστιν ἀνακείμενον τοῦ Λυκίου· Κυζικηνοί τε, ἀναγκάσαντεσ πολέμῳ Προκοννησίουσ γενέσθαι σφίσι συνοίκουσ, Μητρὸσ Δινδυμήνησ ἄγαλμα ἔλαβον ἐκ Προκοννήσου·

τὸ δὲ ἄγαλμά ἐστι χρυσοῦ, καὶ αὐτοῦ τὸ πρόσωπον ἀντὶ ἐλέφαντοσ ἵππων τῶν ποταμίων ὀδόντεσ εἰσὶν εἰργασμένοι. βασιλεὺσ μὲν δὴ Αὔγουστοσ καθεστηκότα ἐκ παλαιοῦ καὶ ὑπό τε Ἑλλήνων νομιζόμενα καὶ βαρβάρων εἰργάσατο·

Ῥωμαίοισ δὲ τῆσ Ἀθηνᾶσ τὸ ἄγαλμα τῆσ Ἀλέασ ἐσ τὴν ἀγορὰν τὴν ὑπὸ Αὐγούστου ποιηθεῖσαν, ἐσ ταύτην ἐστὶν ἰόντι. τοῦτο μὲν δὴ ἐνταῦθα ἀνάκειται ἐλέφαντοσ διὰ παντὸσ πεποιημένον, τέχνη δὲ Ἐνδοίου·

τοῦ δὲ ὑὸσ τῶν ὀδόντων κατεᾶχθαι μὲν τὸν ἕτερόν φασιν οἱ ἐπὶ τοῖσ θαύμασιν, ὁ δ’ ἔτι ἐξ αὐτῶν λειπόμενοσ ἀνέκειτο ἐν βασιλέωσ κήποισ ἐν ἱερῷ Διονύσου, τὴν περίμετρον τοῦ μήκουσ παρεχόμενοσ ἐσ ἥμισυ μάλιστα ὀργυιᾶσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀρκαδικά, chapter 46

(파우사니아스, Description of Greece, Ἀρκαδικά, chapter 46)

상위

목록

SEARCH

MENU NAVIGATION