헬라어 문장 검색 - Παυσαν́Δεσξριπ́8́43́

(파우사니아스, Description of Greece, Ἀρκαδικά, chapter 43)

πόλιν τε ἀντὶ κώμησ ἐποίησε Παλλάντιον καί σφισιν ἐλευθερίαν καὶ ἀτέλειαν ἔδωκεν εἶναι φόρων. φασὶ δὴ γενέσθαι καὶ γνώμην καὶ τὰ ἐσ πόλεμον ἄριστον τῶν Ἀρκάδων ὄνομα Εὐάνδρον, παῖδα δὲ αὐτὸν νύμφησ τε εἶναι, θυγατρὸσ τοῦ Λάδωνοσ, καὶ Ἑρμοῦ.

σταλέντα δὲ ἐσ ἀποικίαν καὶ ἄγοντα Ἀρκάδων τῶν ἐκ Παλλαντίου στρατιάν, παρὰ τῷ ποταμῷ πόλιν τῷ Θύβριδι οἰκίσαι· καὶ Ῥωμαίων μέροσ τῆσ καθ’ ἡμᾶσ πόλεωσ, ὃ ᾠκεῖτο ὑπὸ τοῦ Εὐάνδρου καὶ Ἀρκάδων τῶν συνακολουθησάντων, ὄνομα ἔσχε Παλλάντιον κατὰ μνήμην τῆσ ἐν Ἀρκαδίᾳ· χρόνῳ δὲ ὕστερον μετέπεσε τὸ ὄνομα ἐν ἀναιρέσει γραμμάτων τοῦ τε λ καὶ τοῦ ν. τούτων μὲν τῶν λελεγμένων ἕνεκα Παλλαντιεῦσιν ἐκ βασιλέωσ ἐγένοντο δωρεαί· ὁ δὲ Ἀντωνῖνοσ, ὅτῳ καὶ ἐσ Παλλαντιεῖσ ἐστιν εὐεργετήματα, πόλεμον μὲν Ῥωμαίοισ ἐθελοντὴσ ἐπηγάγετο οὐδένα, πολέμου δὲ ἄρξαντασ Μαύρουσ, Λιβύων τῶν αὐτονόμων τὴν μεγίστην μοῖραν, νομάδασ τε ὄντασ καὶ τοσῷδε ἔτι δυσμαχωτέρουσ τοῦ Σκυθικοῦ γένουσ ὅσῳ μὴ ἐπὶ ἁμαξῶν, ἐπὶ ἵππων δὲ αὐτοί τε καὶ αἱ γυναῖκεσ ἠλῶντο, τούτουσ μὲν ἐξ ἁπάσησ ἐλαύνων τῆσ χώρασ ἐσ τὰ ἔσχατα ἠνάγκασεν ἀναφυγεῖν Λιβύησ, ἐπί τε Ἄτλαντα τὸ ὄροσ καὶ ἐσ τοὺσ πρὸσ τῷ Ἄτλαντι ἀνθρώπουσ·

ἀπετέμετο δὲ καὶ τῶν ἐν Βριττανίᾳ Βριγάντων τὴν πολλήν, ὅτι ἐπεσβαίνειν καὶ οὗτοι σὺν ὅπλοισ ἦρξαν ἐσ τὴν Γενουνίαν μοῖραν, ὑπηκόουσ Ῥωμαίων.

Λυκίων δὲ καὶ Καρῶν τὰσ πόλεισ Κῶν τε καὶ Ῥόδον ἀνέτρεψε μὲν βίαιοσ ἐσ αὐτὰσ κατασκήψασ σεισμόσ· βασιλεὺσ δὲ Ἀντωνῖνοσ καὶ ταύτασ ἀνεσώσατο δαπανημάτων τε ὑπερβολῇ καὶ ἐσ τὸν ἀνοικισμὸν προθυμίᾳ.

χρημάτων δὲ ἐπιδόσεισ ὁπόσασ καὶ Ἕλλησι καὶ τοῦ βαρβαρικοῦ τοῖσ δεηθεῖσι, καὶ ἔργων κατασκευὰσ ἔν τε τῇ Ἑλλάδι καὶ περὶ Ιὠνίαν καὶ περὶ Καρχηδόνα τε καὶ ἐν γῇ τῇ Σύρων, τάδε μὲν ἄλλοι ἔγραψαν ἐσ τὸ ἀκριβέστατον· ὁ δὲ βασιλεὺσ ὑπελίπετο οὗτοσ καὶ ἄλλο τοιόνδε ἐσ μνήμην.

ὅσοισ τῶν ὑπηκόων πολίταισ ὑπῆρχεν εἶναι Ῥωμαίων, οἱ δὲ παῖδεσ ἐτέλουν σφίσιν ἐσ τὸ Ἑλληνικόν, τούτοισ ἐλείπετο ἢ κατανεῖμαι τὰ χρήματα ἐσ οὐ προσήκοντασ ἢ ἐπαυξῆσαι τὸν βασιλέωσ πλοῦτον κατὰ νόμον δή τινα· Ἀντωνῖνοσ δὲ ἐφῆκε καὶ τούτοισ διδόναι σφᾶσ παισὶ τὸν κλῆρον, ὁ προτιμήσασ φανῆναι φιλάνθρωποσ ἢ ὠφέλιμον ἐσ χρήματα φυλάξαι νόμον. τοῦτον Εὐσεβῆ τὸν βασιλέα ἐκάλεσαν οἱ Ῥωμαῖοι, διότι τῇ ἐσ τὸ θεῖον τιμῇ μάλιστα ἐφαίνετο χρώμενοσ· δόξῃ δὲ ἐμῇ καὶ τὸ ὄνομα τὸ Κύρου φέροιτο ἂν τοῦ πρεσβυτέρου, πατὴρ ἀνθρώπων καλούμενοσ.

ἀπέλιπε δὲ καὶ ἐπὶ τῇ βασιλείᾳ παῖδα ὁμώνυμον· ὁ δὲ Ἀντωνῖνοσ οὗτοσ ὁ δεύτεροσ καὶ τούσ τε Γερμανούσ, μαχιμωτάτουσ καὶ πλείστουσ τῶν ἐν τῇ Εὐρώπῃ βαρβάρων, καὶ ἔθνοσ τὸ Σαυροματῶν, πολέμου καὶ ἀδικίασ ἄρξαντασ, τιμωρούμενοσ ἐπεξῆλθε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀρκαδικά, chapter 43

(파우사니아스, Description of Greece, Ἀρκαδικά, chapter 43)

상위

목록

SEARCH

MENU NAVIGATION