헬라어 문장 검색 - Παυσαν́Δεσξριπ́8́40́

(파우사니아스, Description of Greece, Ἀρκαδικά, chapter 40)

Φιγαλεῦσι δὲ ἀνδριάσ ἐστιν ἐπὶ τῆσ ἀγορᾶσ Ἀρ<ρα>χίωνοσ τοῦ παγκρατιαστοῦ, τά τε ἄλλα ἀρχαῖοσ καὶ οὐχ ἥκιστα ἐπὶ τῷ σχήματι· οὐ διεστᾶσι μὲν πολὺ οἱ πόδεσ, καθεῖνται δὲ παρὰ πλευρὰν αἱ χεῖρεσ ἄχρι τῶν γλουτῶν. πεποίηται μὲν δὴ ἡ εἰκὼν λίθου, λέγουσι δὲ καὶ ἐπίγραμμα ἐπ’ αὐτὴν γραφῆναι· καὶ τοῦτο μὲν ἠφάνιστο ὑπὸ τοῦ χρόνου, τῷ δὲ Ἀρραχίωνι ἐγένοντο Ὀλυμπικαὶ νῖκαι δύο μὲν Ὀλυμπιάσι ταῖσ πρὸ τῆσ τετάρτησ καὶ πεντηκοστῆσ, ἐγένετο δὲ καὶ ἐν αὐτῇ σὺν δικαίῳ τε ἐκ τῶν Ἑλλανοδικῶν καὶ Ἀρραχίωνοσ αὐτοῦ τῇ ἀρετῇ.

ὡσ γὰρ δὴ πρὸσ τὸν καταλειπόμενον ἔτι τῶν ἀνταγωνιστῶν ἐμάχετο ὑπὲρ τοῦ κοτίνου, ὁ μὲν προέλαβεν ὅστισ δὴ ὁ ἀνταγωνιζόμενοσ καὶ τοῖσ ποσὶ τὸν Ἀρραχίωνα εἶχεν ἐζωκὼσ καὶ τὸν τράχηλον ἐπίεζεν ἅμα αὐτοῦ ταῖσ χερσίν·

ὁ δὲ Ἀρραχίων ἐκκλᾷ τῶν ἐν τῷ ποδὶ τοῦ ἀνταγωνιζομένου δάκτυλον, καὶ Ἀρραχίων τε τὴν ψυχὴν ἀφίησιν ἀγχόμενοσ καὶ ὁ ἄγχων τὸν Ἀρραχίωνα ὑπὸ τοῦ δακτύλου τῆσ ὀδύνησ κατὰ τὸν καιρὸν ἀπαγορεύει τὸν αὐτόν. Ἠλεῖοι δὲ ἐστεφάνωσάν τε καὶ ἀνηγόρευσαν νικῶντα τοῦ Ἀρραχίωνοσ τὸν νεκρόν. ἐοικὸσ δὲ καὶ Ἀργείουσ οἶδα ἐπὶ Κρεύγᾳ ποιήσαντασ Ἐπιδαμνίῳ πύκτῃ·

καὶ γὰρ Ἀργεῖοι τεθνεῶτι ἔδοσαν τῷ Κρεύγᾳ τῶν Νεμείων τὸν στέφανον, ὅτι ὁ πρὸσ αὐτὸν μαχόμενοσ Δαμόξενοσ Συρακόσιοσ παρέβη τὰ ὡμολογημένα σφίσιν ἐσ ἀλλήλουσ. ἐφήξειν μὲν γὰρ ἔμελλεν ἑσπέρα πυκτεύουσιν αὐτοῖσ, συνέθεντο δὲ ἐσ ἐπήκοον ἀνὰ μέροσ τὸν ἕτερον ὑποσχεῖν αὐτῶν τῷ ἑτέρῳ πληγήν. τοῖσ δὲ πυκτεύουσιν οὐκ ἦν πω τηνικαῦτα ἱμὰσ ὀξὺσ ἐπὶ τῷ καρπῷ τῆσ χειρὸσ ἑκατέρασ, ἀλλὰ ταῖσ μειλίχαισ ἔτι ἐπύκτευον, ὑπὸ τὸ κοῖλον δέοντεσ τῆσ χειρόσ, ἵνα οἱ δάκτυλοί σφισιν ἀπολείπωνται γυμνοί· ἀλλήλων ἦσαν αἱ μειλίχαι.

τότε οὖν ὁ μὲν τὴν πληγὴν ἀφῆκεν ἐσ τοῦ Δαμοξένου τὴν κεφαλήν·

ὁ δὲ ἀνασχεῖν τὴν χεῖρα ὁ Δαμόξενοσ ἐκέλευσε τὸν Κρεύγαν, ἀνασχόντοσ δὲ παίει τοῖσ δακτύλοισ ὀρθοῖσ ὑπὸ τὴν πλευράν, ὑπὸ δὲ ἀκμῆσ τε τῶν ὀνύχων καὶ βίασ τῆσ πληγῆσ τὴν χεῖρα ἐσ τὸ ἐντὸσ καθεὶσ καὶ ἐπιλαβόμενοσ τῶν σπλάγχνων ἐσ τὸ ἐκτὸσ ἕλκων ἀπέρρηξε. καὶ ὁ μὲν τὴν ψυχὴν αὐτίκα ὁ Κρεύγασ ἀφίησιν, οἱ δὲ Ἀργεῖοι τὸν Δαμόξενον ἅτε τὰ συγκείμενα ὑπερβάντα καὶ ἀντὶ μιᾶσ κεχρημένον πολλαῖσ ἐσ τὸν ἀντίπαλον ταῖσ πληγαῖσ ἐξελαύνουσι, τῷ Κρεύγᾳ δὲ τὴν νίκην τεθνεῶτι ἔδοσαν καὶ ἐποιήσαντο εἰκόνα ἐν Ἄργει·

καὶ ἐσ ἐμὲ ἔκειτο ἐν τοῦ Ἀπόλλωνοσ τοῦ Λυκίου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀρκαδικά, chapter 40

(파우사니아스, Description of Greece, Ἀρκαδικά, chapter 40)

상위

목록

SEARCH

MENU NAVIGATION