헬라어 문장 검색 - Παυσαν́Δεσξριπ́8́38́

(파우사니아스, Description of Greece, Ἀρκαδικά, chapter 38)

ἀνωτέρω δὲ ὀλίγον τείχουσ τε περίβολοσ τῆσ Λυκοσούρασ ἐστὶ καὶ οἰκήτορεσ ἔνεισιν οὐ πολλοί. πόλεων δέ, ὁπόσασ ἐπὶ τῇ ἠπείρῳ ἔδειξε γῆ καὶ ἐν νήσοισ, Λυκόσουρά ἐστι πρεσβυτάτη, καὶ ταύτην εἶδεν ὁ ἥλιοσ πρώτην· ἀπὸ ταύτησ δὲ οἱ λοιποὶ ποιεῖσθαι πόλεισ μεμαθήκασιν ἄνθρωποι. ἐν ἀριστερᾷ δὲ τοῦ ἱεροῦ τῆσ Δεσποίνησ τὸ ὄροσ ἐστὶ τὸ Λύκαιον·

καλοῦσι δὲ αὐτὸ καὶ Ὄλυμπον καὶ Ιἑράν γε ἕτεροι τῶν Ἀρκάδων κορυφήν. τραφῆναι δὲ τὸν Δία φασὶν ἐν τῷ ὄρει τούτῳ· ἐστιν ἐν τῷ Λυκαίῳ Κρητέα καλουμένη ‐ αὕτη δὲ ἡ Κρητέα ἐστὶν ἐξ ἀριστερᾶσ Ἀπόλλωνοσ ἄλσουσ ἐπίκλησιν Παρρασίου ‐ καὶ τὴν Κρήτην, ἔνθα ὁ Κρητῶν ἔχει λόγοσ τραφῆναι Δία, τὸ χωρίον τοῦτο εἶναι καὶ οὐ διὰ τὴν νῆσον ἀμφισβητοῦσιν οἱ Ἀρκάδεσ.

ταῖσ Νύμφαισ δὲ ὀνόματα, ὑφ’ ὧν τὸν Δία τραφῆναι λέγουσι, τίθενται Θεισόαν καὶ Νέδαν καὶ Ἁγνώ·

καὶ ἀπὸ μὲν τῆσ Θεισόασ πόλισ ᾠκεῖτο ἐν τῇ Παρρασίᾳ, τὰ δὲ ἐπ’ ἐμοῦ μοίρασ τῆσ Μεγαλοπολίτιδόσ ἐστιν ἡ Θεισόα κώμη· τῆσ Νέδασ δὲ ὁ ποταμὸσ τὸ ὄνομα ἔσχηκε· τῆσ δὲ Ἁγνοῦσ, ἣ ἐν τῷ ὄρει τῷ Λυκαίῳ πηγὴ κατὰ τὰ αὐτὰ ποταμῷ τῷ Ἴστρῳ πέφυκεν ἴσον παρέχεσθαι τὸ ὕδωρ ἐν χειμῶνι ὁμοίωσ καὶ ἐν ὡρ́ᾳ θέρουσ. ἢν δὲ αὐχμὸσ χρόνον ἐπέχῃ πολὺν καὶ ἤδη σφίσι τὰ σπέρματα ἐν τῇ γῇ καὶ τὰ δένδρα αὐαίνηται, τηνικαῦτα ὁ ἱερεὺσ τοῦ Λυκαίου Διὸσ προσευξάμενοσ ἐσ τὸ ὕδωρ καὶ θύσασ ὁπόσα ἐστὶν αὐτῷ νόμοσ, καθίησι δρυὸσ κλάδον ἐπιπολῆσ καὶ οὐκ ἐσ βάθοσ τῆσ πηγῆσ·

ἀνακινηθέντοσ δὲ τοῦ ὕδατοσ ἄνεισιν ἀχλὺσ ἐοικυῖα ὁμίχλῃ, διαλιποῦσα δὲ ὀλίγον γίνεται νέφοσ ἡ ἀχλὺσ καὶ ἐσ αὑτὴν ἄλλα ἐπαγομένη τῶν νεφῶν ὑετὸν τοῖσ Ἀρκάσιν ἐσ τὴν γῆν κατιέναι ποιεῖ. ἔστι δὲ ἐν τῷ Λυκαίῳ Πανόσ τε ἱερὸν καὶ περὶ αὐτὸ ἄλσοσ δένδρων καὶ ἱππόδρομόσ τε καὶ πρὸ αὐτοῦ στάδιον·

τὸ δὲ ἀρχαῖον τῶν Λυκαίων ἦγον τὸν ἀγῶνα ἐνταῦθα. ἔστι δὲ αὐτόθι καὶ ἀνδριάντων βάθρα, οὐκ ἐπόντων ἔτι ἀνδριάντων· ἐλεγεῖον δὲ ἐπὶ τῶν βάθρων ἑνὶ Ἀστυάνακτόσ φησιν εἶναι τὴν εἰκόνα, τὸν δὲ Ἀστυάνακτα εἶναι γένοσ τῶν ἀπὸ Ἀρκάδοσ. τὸ δὲ ὄροσ παρέχεται τὸ Λύκαιον καὶ ἄλλα ἐσ θαῦμα καὶ μάλιστα τόδε.

τέμενόσ ἐστιν ἐν αὐτῷ Λυκαίου Διόσ, ἔσοδοσ δὲ οὐκ ἔστιν ἐσ αὐτὸ ἀνθρώποισ· ὑπεριδόντα δὲ τοῦ νόμου καὶ ἐσελθόντα ἀνάγκη πᾶσα αὐτὸν ἐνιαυτοῦ πρόσω μὴ βιῶναι. καὶ τάδε ἔτι ἐλέγετο, τὰ ἐντὸσ τοῦ τεμένουσ γενόμενα ὁμοίωσ πάντα καὶ θηρία καὶ ἀνθρώπουσ οὐ παρέχεσθαι σκιάν· καὶ διὰ τοῦτο ἐσ τὸ τέμενοσ θηρίου καταφεύγοντοσ οὐκ ἐθέλει οἱ συνεσπίπτειν ὁ κυνηγέτησ, ἀλλὰ ὑπομένων ἐκτὸσ καὶ ὁρῶν τὸ θηρίον οὐδεμίαν ἀπ’ αὐτοῦ θεᾶται σκιάν. χρόνον μὲν δὴ τὸν ἴσον ἔπεισί τε ὁ ἥλιοσ τὸν ἐν τῷ οὐρανῷ καρκίνον καὶ ἐν Συήνῃ τῇ πρὸ Αἰθιοπίασ οὔτε ἀπὸ δένδρων οὔτε ἀπὸ τῶν ζῴων γενέσθαι σκιὰν ἔστι· τὸ δὲ ἐν τῷ Λυκαίῳ τέμενοσ τὸ αὐτὸ ἐσ τὰσ σκιὰσ ἀεί τε καὶ ἐπὶ πασῶν πέπονθε τῶν ὡρῶν. ἔστι δὲ ἐπὶ τῇ ἄκρᾳ τῇ ἀνωτάτω τοῦ ὄρουσ γῆσ χῶμα, Διὸσ τοῦ Λυκαίου βωμόσ, καὶ ἡ Πελοπόννησοσ τὰ πολλά ἐστιν ἀπ’ αὐτοῦ σύνοπτοσ·

πρὸ δὲ τοῦ βωμοῦ κίονεσ δύο ὡσ ἐπὶ ἀνίσχοντα ἑστήκασιν ἥλιον, ἀετοὶ δὲ ἐπ’ αὐτοῖσ ἐπίχρυσοι τά γε ἔτι παλαιότερα ἐπεποίηντο. ἐπὶ τούτου τοῦ βωμοῦ τῷ Λυκαίῳ Διὶ θύουσιν ἐν ἀπορρήτῳ· πολυπραγμονῆσαι δὲ οὔ μοι τὰ ἐσ τὴν θυσίαν ἡδὺ ἦν, ἐχέτω δὲ ὡσ ἔχει καὶ ὡσ ἔσχεν ἐξ ἀρχῆσ. ἔστι δὲ ἐν τοῖσ πρὸσ ἀνατολὰσ τοῦ ὄρουσ Ἀπόλλωνοσ ἱερὸν ἐπίκλησιν Παρρασίου·

τίθενται δὲ αὐτῷ καὶ Πύθιον ὄνομα. τῷ Ἐπικουρίῳ, θύσαντεσ δὲ ἐνταῦθα αὐτίκα τὸ ἱερεῖον κομίζουσιν ἐσ τὸ ἱερὸν τοῦ Ἀπόλλωνοσ τοῦ Παρρασίου σὺν αὐλῷ τε καὶ πομπῇ, καὶ τά τε μηρία ἐκτεμόντεσ καίουσι καὶ δὴ καὶ ἀναλίσκουσιν αὐτόθι τοῦ ἱερείου τὰ κρέα.

ταῦτα μὲν οὕτω ποιεῖν νομίζουσι, τοῦ Λυκαίου δὲ τὰ πρὸσ τῆσ ἄρκτου γῆ ἐστιν ἡ Θεισοαία·

οἱ δὲ ἄνθρωποι μάλιστα οἱ ταύτῃ νύμφην τὴν Θεισόαν ἄγουσιν ἐν τιμῇ. διὰ δὲ τῆσ χώρασ τῆσ Θεισοαίασ ῥέοντεσ ἐμβάλλουσιν ἐσ τὸν Ἀλφειὸν Μυλάων, ἐπὶ δὲ αὐτῷ Νοῦσ καὶ Ἀχελῷοσ καὶ Κέλαδόσ τε καὶ Νάλιφοσ. Ἀχελῴω δὲ τῷ Ἀρκάδι εἰσὶν ἄλλοι δύο ὁμώνυμοί τε αὐτῷ ποταμοὶ καὶ τὰ ἐσ δόξαν φανερώτεροι· τὸν μέν γε ἐπὶ τὰσ Ἐχινάδασ κατιόντα Ἀχελῷον διὰ τῆσ Ἀκαρνάνων καὶ δι’ Αἰτωλίασ ἔφησεν ἐν Ἰλιάδι Ὅμηροσ ποταμῶν τῶν πάντων ἄρχοντα εἶναι, ἕτερον δὲ Ἀχελῷον ῥέοντα ἐκ Σιπύλου τοῦ ὄρουσ ἐποιήσατο αὐτόν τε τὸν ποταμὸν καὶ τὸ ὄροσ τὸν Σίπυλον τοῦ λόγου προσθήκην τοῦ ἐσ Νιόβην·

τρίτῳ δ’ οὖν καὶ τῷ περὶ τὸ ὄροσ τὸ Λύκαιόν ἐστιν ὄνομα Ἀχελῷοσ. τῆσ Λυκοσούρασ δέ ἐστιν ἐν δεξιᾷ Νόμια ὄρη καλούμενα, καὶ Πανόσ τε ἱερὸν ἐν αὐτοῖσ ἐστι Νομίου καὶ τὸ χωρίον ὀνομάζουσι Μέλπειαν, τὸ ἀπὸ τῆσ σύριγγοσ μέλοσ ἐνταῦθα Πανὸσ εὑρεθῆναι λέγοντεσ.

κληθῆναι δὲ τὰ ὄρη Νόμια προχειρότατον μέν ἐστιν εἰκάζειν ἐπὶ τοῦ Πανὸσ ταῖσ νομαῖσ, αὐτοὶ δὲ οἱ Ἀρκάδεσ νύμφησ εἶναί φασιν ὄνομα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀρκαδικά, chapter 38

(파우사니아스, Description of Greece, Ἀρκαδικά, chapter 38)

상위

목록

SEARCH

MENU NAVIGATION