헬라어 문장 검색 - Παυσαν́Δεσξριπ́8́35́

(파우사니아스, Description of Greece, Ἀρκαδικά, chapter 35)

αὕτη μὲν ἐπὶ Μεσσήνην, ἑτέρα δὲ <ὁδὸσ> ἐκ Μεγάλησ πόλεωσ ἐπὶ Καρνάσιον ἄγει τὸ Μεσσηνίων· καὶ ταύτῃ πρῶτα μέν σε ὁ Ἀλφειὸσ ἐκδέξεται, καθότι καὶ Μαλοῦσ καὶ ὁ Σκῦροσ ἐσ αὐτὸν κατέρχονται προανακοινωσάμενοι τὸ ῥεῦμα. αὐτόθεν δὲ ἔχων τὸν Μαλοῦντα ἐν δεξιᾷ μετὰ σταδίουσ ὡσ τριάκοντα διαβήσῃ τε αὐτὸν καὶ ἀναβήσῃ δι’ ὁδοῦ προσαντεστέρασ ἐσ χωρίον καλούμενον Φαιδρίαν. Φαιδρίου δὲ ὡσ πέντε ἀπέχει καὶ δέκα σταδίουσ <τὸ> κατὰ Δέσποιναν ὀνομαζόμενον Ἑρμαῖον·

ὁρ́οι Μεσσηνίων πρὸσ Μεγαλοπολίτασ καὶ οὗτοι, καὶ ἀγάλματα οὐ μεγάλα Δεσποίνησ τε καὶ Δήμητροσ, ἔτι δὲ καὶ Ἑρμοῦ πεποίηται δὲ καὶ Ἡρακλέουσ· δοκεῖν δέ μοι καὶ τὸ ὑπὸ Δαιδάλου ποιηθὲν τῷ Ἡρακλεῖ ξόανον ἐν μεθορίῳ τῆσ Μεσσηνίασ καὶ Ἀρκάδων ἐνταῦθα εἱστήκει. ἡ δὲ ἐσ Λακεδαίμονα ἐκ Μεγάλησ πόλεωσ ὁδὸσ ἐπὶ μὲν τὸν Ἀλφειὸν στάδιοι τριάκοντά εἰσιν, ἀπὸ δὲ τοῦδε παρὰ ποταμὸν ὁδεύσασ Θειοῦντα ‐ κάτεισι δὲ καὶ ὁ Θειοῦσ οὗτοσ ἐσ τὸν Ἀλφειόν ‐ , ἀπολιπὼν οὖν τὸν Θειοῦντα ἐν ἀριστερᾷ σταδίοισ ἀπὸ τοῦ Ἀλφειοῦ τεσσαράκοντα ἥξεισ μάλιστα ἐσ Φαλαισίασ·

αἱ Φαλαισίαι σταδίουσ εἴκοσι τοῦ Ἑρμαίου τοῦ κατὰ Βελεμίναν.

λέγουσι μὲν δὴ οἱ Ἀρκάδεσ τὴν Βελεμίναν τῆσ σφετέρασ οὖσαν τὸ ἀρχαῖον ἀποτεμέσθαι Λακεδαιμονίουσ·

λέγειν δὲ οὐκ εἰκότα ἐφαίνοντό μοι καὶ ἄλλων ἕνεκα καὶ μάλιστα ὅτι μοι δοκοῦσι Θηβαῖοι μηδ’ ἂν τοῦτο ἐλασσουμένουσ περιιδεῖν τοὺσ Ἀρκάδασ, εἴ σφισιν ἔσεσθαι σὺν τῷ δικαίῳ τὸ ἐπανόρθωμα ἔμελλεν. εἰσὶ δὲ ἐκ Μεγάλησ πόλεωσ καὶ ἐσ τὰ χωρία ὁδοὶ τὰ ἐντὸσ Ἀρκαδίασ, ἐσ <μὲν> Μεθύδριον ἑβδομήκοντα στάδιοι καὶ ἑκατόν, τρισὶ δὲ ἀπὸ Μεγάλησ πόλεωσ ἀπωτέρω σταδίοισ καὶ δέκα Σκιάσ τε καλούμενον χωρίον καὶ Ἀρτέμιδοσ Σκιάτιδοσ ἐρείπιά ἐστιν ἱεροῦ·

ποιῆσαι δὲ αὐτὸ ἐλέγετο Ἀριστόδημοσ ὁ τυραννήσασ. ἐντεῦθεν μετὰ σταδίουσ ὡσ δέκα πόλεωσ Χαρισιῶν ὑπομνήματά ἐστιν οὐ πολλά, σταδίων δὲ ἄλλων δέκα ἐστὶν ἀπὸ Χαρισιῶν ἐσ Τρικολώνουσ ὁδόσ. πόλισ δὲ ἦσαν καὶ οἱ Τρικόλωνοί ποτε·

μένει δὲ αὐτόθι καὶ ἐσ ἡμᾶσ ἔτι ἐπὶ λόφου Ποσειδῶνοσ ἱερὸν καὶ ἄγαλμα τετράγωνον, καὶ δένδρων περὶ τὸ ἱερόν ἐστιν ἄλσοσ. ταύταισ μὲν δὴ οἱ Λυκάονοσ παῖδεσ ἐγένοντο οἰκισταί, Ζοιτίαν δὲ ἀπωτέρω μὲν Τρικολώνων πέντε που καὶ δέκα σταδίοισ, κειμένην δὲ οὐ κατ’ εὐθὺ ἀλλ’ ἐκ Τρικολώνων ἐν ἀριστερᾷ, Ζοιτέα οἰκίσαι τὸν Τρικολώνου λέγουσι· Παρωρεὺσ δὲ ὁ νεώτεροσ Τρικολώνου τῶν παίδων Παρωρίαν καὶ οὗτοσ ἔκτισεν, ἀπέχουσαν Ζοιτίασ σταδίουσ δέκα. ἔρημοι δὲ καὶ ἐσ ἐμὲ ἦσαν ἀμφότεραι·

μένει δὲ ἐν Ζοιτίᾳ Δήμητροσ ναὸσ καὶ Ἀρτέμιδοσ οἳ καὶ ἐσ ἐμὲ ἦσαν.

ἐρείπια δὲ πόλεων καὶ ἄλλα, Θυραίου μὲν σταδίοισ πέντε ἀπωτέρω Παρωρίασ καὶ δέκα, τὰ δὲ Ὑψοῦντόσ ἐστιν ἐν ὄρει κειμένῳ μὲν ὑπὲρ τοῦ πεδίου, καλουμένῳ δὲ Ὑψοῦντι. ἡ δὲ Θυραίου τε καὶ Ὑψοῦντοσ μεταξὺ ὀρεινὴ πᾶσά ἐστι καὶ θηριώδησ· Λυκάονοσ δὲ εἶναι Θυραῖόν τε καὶ Ὑψοῦντα προεδήλωσεν ἡμῖν ὁ λόγοσ. Τρικολώνων δέ ἐστιν ἐν δεξιᾷ πρῶτα μὲν ἀνάντησ ὁδὸσ ἐπὶ πηγὴν καλουμένουσ Κρουνούσ·

σταδίουσ δὲ ὡσ τριάκοντα καταβάντι ἐκ Κρουνῶν τάφοσ ἐστὶ Καλλιστοῦσ, χῶμα γῆσ ὑψηλόν, δένδρα ἔχον πολλὰ μὲν τῶν ἀκάρπων, πολλὰ δὲ καὶ ἥμερα. ἐπὶ δὲ ἄκρῳ τῷ χώματι ἱερόν ἐστιν Ἀρτέμιδοσ ἐπίκλησιν Καλλίστησ· δοκεῖν δέ μοι καὶ Πάμφωσ μαθών τι παρὰ Ἀρκάδων πρῶτοσ Ἄρτεμιν ἐν τοῖσ ἔπεσιν ὠνόμασε Καλλίστην. σταδίουσ δὲ αὐτόθεν μὲν πέντε καὶ εἴκοσι, Τρικολώνων δὲ ἑκατὸν τοὺσ σύμπαντασ ἀπέχουσα ἐπί γε τοῦ Ἑλισσόντοσ, κατὰ δὲ τὴν εὐθεῖαν Μεθυδρίου ‐ αὕτη γὰρ δὴ ἐκ Τρικολώνων ἔτι λείπεται ‐ Ἀνεμῶσά τέ ἐστι χωρίον καὶ ὄροσ Φάλανθον, ἐν αὐτῷ δὲ ἐρείπιά ἐστι Φαλάνθου πόλεωσ·

Ἀγελάου δὲ τοῦ Στυμφήλου παῖδα εἶναι τὸν Φάλανθον λέγουσιν. ὑπὲρ τούτου δὲ πεδίον τέ ἐστι Πώλου καλούμενον καὶ μετ’ αὐτὸ Σχοινοῦσ, ἀπὸ ἀνδρὸσ Βοιωτοῦ Σχοινέωσ ἔχων τὴν κλῆσιν.

εἰ δὲ ὁ Σχοινεὺσ ἀπεδήμησεν οὗτοσ παρὰ τοὺσ Ἀρκάδασ, εἰε͂ν ἂν καὶ οἱ τῆσ Ἀταλάντησ δρόμοι σύνεγγυσ τῷ Σχοινοῦντι ὄντεσ οἱ ἀπὸ τῆσ τούτου θυγατρὸσ τὸ ὄνομα εἰληφότεσ. ἑξῆσ δέ ἐστιν ἐμοὶ δοκεῖν καλούμενον, καὶ τοῖσ πᾶσιν Ἀρκαδίαν εἶναι τὴν χώραν φασὶν ἐνταῦθα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀρκαδικά, chapter 35

(파우사니아스, Description of Greece, Ἀρκαδικά, chapter 35)

상위

목록

SEARCH

MENU NAVIGATION