헬라어 문장 검색 - Παυσαν́Δεσξριπ́8́30́

(파우사니아스, Description of Greece, Ἀρκαδικά, chapter 30)

ὁ δὲ Ἑλισσὼν οὗτοσ ἀρχόμενοσ ἐκ κώμησ ὁμωνύμου ‐ καὶ γὰρ τῇ κώμῃ τὸ ὄνομα Ἑλισσών ἐστι ‐ τήν τε Διπαιέων καὶ τὴν Λυκαιᾶτιν χώραν, τρίτα δὲ αὐτὴν διεξελθὼν Μεγάλην πόλιν, <εἴκοσι> σταδίοισ ἀπωτέρω Μεγαλοπολιτῶν τοῦ ἄστεωσ κάτεισιν ἐσ τὸν Ἀλφειόν. πλησίον δὲ ἤδη τῆσ πόλεωσ Ποσειδῶνόσ ἐστιν Ἐπόπτου ναόσ· ἐλείπετο δὲ τοῦ ἀγάλματοσ ἡ κεφαλή.

διαιροῦντοσ δὲ τὴν Μεγάλην πόλιν τοῦ ποταμοῦ τοῦ Ἑλισσόντοσ, καθὰ δὴ καὶ Κνίδον καὶ Μιτυλήνην δίχα οἱ εὔριποι νέμουσιν, ἐν μέρει τῷ πρὸσ ἄρκτουσ, δεξιῷ δὲ κατὰ τὸ μετέωρον τοῦ ποταμοῦ, πεποίηταί σφισιν ἀγορά.

περίβολοσ δέ ἐστιν ἐν ταύτῃ λίθων καὶ ἱερὸν Λυκαίου Διόσ, ἔσοδοσ δὲ ἐσ αὐτὸ οὐκ ἔστι· τὰ γὰρ ἐντόσ ἐστι δὴ σύνοπτα, βωμοί τέ εἰσι τοῦ θεοῦ καὶ τράπεζαι δύο καὶ ἀετοὶ ταῖσ τραπέζαισ ἴσοι καὶ ἄγαλμα Πανὸσ λίθου πεποιημένον· ἐπίκλησισ δὲ Σινόεισ ἐστὶν αὐτῷ, τήν τε ἐπίκλησιν γενέσθαι τῷ Πανὶ ἀπὸ νύμφησ Σινόησ λέγουσι, ταύτην δὲ σὺν ἄλλαισ τῶν νυμφῶν καὶ ἰδίᾳ γενέσθαι τροφὸν τοῦ Πανόσ.

ἔστι δὲ πρὸ τοῦ τεμένουσ τούτου χαλκοῦν ἄγαλμα Ἀπόλλωνοσ θέασ ἄξιον, μέγεθοσ μὲν ἐσ πόδασ δώδεκα, ἐκομίσθη δὲ ἐκ τῆσ Φιγαλέων συντέλεια ἐσ κόσμον τῇ Μεγάλῃ πόλει. τὸ δὲ χωρίον ἔνθα τὸ ἄγαλμα ἵδρυτο ἐξ ἀρχῆσ ὑπὸ Φιγαλέων, ὀνομάζεται Βᾶσσαι·

τῷ θεῷ δὲ ἡ ἐπίκλησισ ἠκολούθηκε μὲν ἐκ τῆσ Φιγαλέων, ἐφ’ ὅτῳ δὲ ὄνομα ἔσχεν Ἐπικούριοσ, δηλώσει μοι τὰ ἐσ Φιγαλέασ τοῦ λόγου. ἔστι δὲ ἐν δεξιᾷ τοῦ Ἀπόλλωνοσ ἄγαλμα οὐ μέγα Μητρὸσ θεῶν, τοῦ ναοῦ δέ, ὅτι μὴ οἱ κίονεσ, ἄλλο ὑπόλοιπον οὐδέν. πρὸ δὲ τοῦ ναοῦ τῆσ Μητρὸσ ἀνδριὰσ μὲν οὐδείσ ἐστι, δῆλα δὲ ἦν τὰ βάθρα, ἐφ’ ὧν ἀνδριάντεσ ποτὲ ἑστήκεσαν.

ἐλεγεῖον δὲ ἐπὶ ἑνὸσ γεγραμμένον τῶν βάθρων Διοφάνουσ φησὶν εἶναι τὴν εἰκόνα, Διαίου μὲν υἱοῦ, συντάξαντοσ δὲ ἀνδρὸσ πρώτου Πελοπόννησον τὴν πᾶσαν ἐσ τὸν ὀνομασθέντα Ἀχαϊκὸν σύλλογον.

στοὰν δὲ τῆσ ἀγορᾶσ ὀνομαζομένην Φιλίππειον οὐ Φίλιπποσ ἐποίησεν ὁ Ἀμύντου, χαριζόμενοι δέ οἱ Μεγαλοπολῖται τὴν ἐπωνυμίαν διδόασιν αὐτῷ τοῦ οἰκοδομήματοσ.

Ἑρμοῦ δὲ Ἀκακησίου πρὸσ αὐτῇ ναὸσ κατεβέβλητο, καὶ οὐδὲν ἐλείπετο ὅτι μὴ χελώνη λίθου. ταύτησ δὲ ἔχεται τῆσ Φιλιππείου μέγεθοσ ἀποδέουσα ἑτέρα στοά, Μεγαλοπολίταισ δὲ αὐτόθι ᾠκοδομημένα ἐστὶ τὰ ἀρχεῖα, ἀριθμὸν οἰκήματα ἕξ· ἐν ἑνὶ δέ ἐστιν αὐτῶν Ἐφεσίασ ἄγαλμα Ἀρτέμιδοσ καὶ ἐν ἑτέρῳ χαλκοῦσ Πὰν πηχυαῖοσ ἐπίκλησιν Σκολείτασ. μετεκομίσθη δὲ ἀπὸ λόφου τοῦ Σκολείτα·

καὶ ὁ λόφοσ οὗτοσ τοῦ τείχουσ ἐστὶν ἐντόσ, ἀπὸ δὲ αὐτοῦ κάτεισιν ὕδωρ ἐσ τὸν Ἑλισσόντα ἐκ πηγῆσ. τῶν ἀρχείων δὲ ὄπισθε ναὸσ Τύχησ καὶ ἄγαλμα λίθου πεποίηται ποδῶν πέντε οὐκ ἀποδέον. στοὰν δὲ ἥντινα καλοῦσι Μυρόπωλιν, ἔστι μὲν τῆσ ἀγορᾶσ, ᾠκοδομήθη δὲ ἀπὸ λαφύρων, ἡνίκα τὸ πταῖσμα ἐγένετο Ἀκροτάτῳ τῷ Κλεομένουσ καὶ Λακεδαιμονίων τοῖσ συστρατεύσασι, μαχεσαμένοισ πρὸσ Ἀριστόδημον τυραννίδα ἐν Μεγάλῃ πόλει τότε ἔχοντα. Μεγαλοπολίταισ δὲ ἐπὶ τῆσ ἀγορᾶσ ἐστιν ὄπισθεν τοῦ περιβόλου τοῦ ἀνειμένου τῷ Λυκαίῳ Διὶ ἀνὴρ ἐπειργασμένοσ ἐπὶ στήλῃ, Πολύβιοσ Λυκόρτα·

γένοιτο Ῥωμαίων καὶ παύσειεν αὐτοὺσ ὀργῆσ <τῆσ> ἐσ τὸ Ἑλληνικόν.

συνέγραψε δὲ ὁ Πολύβιοσ οὗτοσ καὶ ἄλλα ἔργα Ῥωμαίων καὶ ὡσ Καρχηδονίοισ κατέστησαν ἐσ πόλεμον, αἰτία τε ἥτισ ἐγένετο αὐτοῦ καὶ ὡσ ὀψὲ οὐκ ἄνευ κινδύνων μεγάλων Ῥωμαῖοι Σκιπίωνι ὅν τινα Καρχηδονιακὸν ὀνομάζουσι τέλοσ τε ἐπιθέντα τῷ πολέμῳ καὶ τὴν Καρχηδόνα καταβαλόντα ἐσ ἔδαφοσ. ὅσα μὲν δὴ Πολυβίῳ παραινοῦντι ὁ Ῥωμαῖοσ ἐπείθετο, ἐσ ὀρθὸν ἐχώρησεν αὐτῷ·

ἃ δὲ οὐκ ἠκροᾶτο διδάσκοντοσ, γενέσθαι οἱ λέγουσιν ἁμαρτήματα. Ἑλλήνων δὲ ὁπόσαι πόλεισ ἐσ τὸ Ἀχαϊκὸν συνετέλουν, παρὰ Ῥωμαίων εὑρ́αντο αὗται Πολύβιόν σφισι πολιτείασ τε καταστήσασθαι καὶ νόμουσ θεῖναι. τῆσ δ’ εἰκόνοσ τοῦ Πολυβίου τὸ βουλευτήριόν ἐστιν ἐν ἀριστερᾷ. τοῦτο μὲν δή ἐστιν ἐνταῦθα, στοὰν δὲ τῆσ ἀγορᾶσ Ἀριστάνδρειον ἐπίκλησιν ἄνδρα τῶν ἀστῶν Ἀρίστανδρον οἰκοδομῆσαι λέγουσι.

ταύτησ τῆσ στοᾶσ ἐστιν ἐγγυτάτω ὡσ πρὸσ ἥλιον ἀνίσχοντα ἱερὸν Σωτῆροσ ἐπίκλησιν Διόσ· κεκόσμηται δὲ πέριξ κίοσι. καθεζομένῳ δὲ τῷ Διὶ ἐν θρόνῳ παρεστήκασι τῇ μὲν ἡ Μεγάλη πόλισ, ἐν ἀριστερᾷ δὲ Ἀρτέμιδοσ Σωτείρασ ἄγαλμα. ταῦτα μὲν λίθου τοῦ Πεντελησίου Ἀθηναῖοι Κηφισόδοτοσ καὶ Ξενοφῶν εἰργάσαντο·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀρκαδικά, chapter 30

(파우사니아스, Description of Greece, Ἀρκαδικά, chapter 30)

상위

목록

SEARCH

MENU NAVIGATION