헬라어 문장 검색 - Παυσαν́Δεσξριπ́8́29́

(파우사니아스, Description of Greece, Ἀρκαδικά, chapter 29)

διαβάντων δὲ Ἀλφειὸν χώρα τε καλουμένη Τραπεζουντία καὶ πόλεώσ ἐστιν ἐρείπια Τραπεζοῦντοσ. καὶ αὖθισ ἐπὶ τὸν Ἀλφειὸν ἐν ἀριστερᾷ καταβαίνοντι ἐκ Τραπεζοῦντοσ, οὐ πόρρω τοῦ ποταμοῦ Βάθοσ ἐστὶν ὀνομαζόμενον, ἔνθα ἄγουσι τελετὴν διὰ ἔτουσ τρίτου θεαῖσ Μεγάλαισ·

καὶ πηγή τε αὐτόθι ἐστὶν Ὀλυμπιὰσ καλουμένη, τὸν ἕτερον τῶν ἐν αὐτῶν οὐκ ἀπορρέουσα, καὶ πλησίον τῆσ πηγῆσ πῦρ ἄνεισι. λέγουσι δὲ οἱ Ἀρκάδεσ τὴν λεγομένην γιγάντων μάχην καὶ θεῶν ἐνταῦθα καὶ οὐκ ἐν τῇ Θρᾳκίᾳ γενέσθαι Παλλήνῃ, καὶ θύουσιν ἀστραπαῖσ αὐτόθι καὶ θυέλλαισ τε καὶ βρονταῖσ. γιγάντων δὲ ἐν μὲν Ἰλιάδι οὐδεμίαν ἐποιήσατο Ὅμηροσ μνήμην·

ἐν Ὀδυσσείᾳ δὲ ἔγραψε μὲν ὡσ ταῖσ Ὀδυσσέωσ ναυσὶ Λαιστρυγόνεσ ἐπέλθοιεν γίγασι καὶ οὐκ ἀνδράσιν εἰκασμένοι, ἐποίησε δὲ καὶ τὸν βασιλέα τῶν Φαιάκων λέγοντα εἶναι τοὺσ Φαίακασ θεῶν ἐγγὺσ ὥσπερ Κύκλωπασ καὶ τὸ γιγάντων ἔθνοσ. ἔν τε οὖν τούτοισ δηλοῖ θνητοὺσ ὄντασ καὶ οὐ θεῖον γένοσ τοὺσ γίγαντασ καὶ σαφέστερον ἐν τῷδε ἔτι,ὅσ ποθ’ ὑπερθύμοισι γιγάντεσσιν βασίλευεν· ἀλλ’ ὁ μὲν ὤλεσε λαὸν ἀτάσθαλον, ὤλετο δ’ αὐτόσ. ἐθέλουσι δ’ αὐτῷ λαὸσ ἐν τοῖσ ἔπεσιν ἀνθρώπων οἱ πολλοὶ καλεῖσθαι. δράκοντασ δὲ ἀντὶ ποδῶν τοῖσ γίγασιν εἶναι, πολλαχῇ τε ὁ λόγοσ ἄλλῃ καὶ ἐν τῷδε ἐδείχθη μάλιστα ὡσ ἔστιν εὐήθησ.

Ὀρόντην τὸν Σύρων ποταμὸν οὐ τὰ πάντα ἐν ἰσοπέδῳ μέχρι θαλάσσησ ῥέοντα, ἀλλὰ ἐπὶ κρημνόν τε ἀπορρῶγα καὶ ἐσ κάταντεσ ἀπ’ αὐτοῦ φερόμενον, ἠθέλησεν ὁ Ῥωμαίων βασιλεὺσ ἀναπλεῖσθαι ναυσὶν ἐκ θαλάσσησ ἐσ Ἀντιόχειαν πόλιν· ὀρυξάμενοσ ἐπιτήδειον ἐσ τὸν ἀνάπλουν, ἐξέτρεψεν ἐσ τοῦτο τὸν ποταμόν.

ἀναξηρανθέντοσ δὲ τοῦ ἀρχαίου ῥεύματοσ, κεραμεᾶ τε ἐν αὐτῷ σορὸσ πλέον ἢ ἑνόσ τε καὶ δέκα εὑρέθη πηχῶν καὶ ὁ νεκρὸσ μέγεθόσ τε ἦν κατὰ τὴν σορὸν καὶ ἄνθρωποσ διὰ παντὸσ τοῦ σώματοσ.

τοῦτον τὸν νεκρὸν <ὁ> ἐν Κλάρῳ ὁ θεόσ, ἀφικομένων ἐπὶ τὸ χρηστήριον τῶν Σύρων, εἶπεν Ὀρόντην εἶναι, γένουσ δὲ αὐτὸν εἶναι τοῦ Ἰνδῶν. εἰ δὲ τὴν γῆν τὸ ἀρχαῖον οὖσαν ὑγρὰν ἔτι καὶ ἀνάπλεων νοτίδοσ θερμαίνων ὁ ἥλιοσ τοὺσ πρώτουσ ἐποίησεν ἀνθρώπουσ, ποίαν εἰκόσ ἐστιν ἄλλην χώραν ἢ προτέραν τῆσ Ἰνδῶν ἢ μείζονασ ἀνεῖναι τοὺσ ἀνθρώπουσ, ἥ γε καὶ ἐσ ἡμᾶσ ἔτι καὶ ὄψεωσ τῷ παραλόγῳ καὶ μεγέθει διάφορα ἐκτρέφει θηρία; τοῦ δὲ χωρίου τοῦ ὀνομαζομένου Βάθουσ σταδίουσ ὡσ δέκα ἀφέστηκεν <ἡ> καλουμένη Βασιλίσ·

ταύτησ ἐγένετο οἰκιστὴσ Κύψελοσ ὁ Κρεσφόντῃ τῷ Ἀριστομάχου τὴν θυγατέρα ἐκδούσ· ἐπ’ ἐμοῦ δὲ ἐρείπια ἡ Βασιλὶσ ἦν καὶ Δήμητροσ ἱερὸν ἐν αὐτοῖσ ἐλείπετο Ἐλευσινίασ. ἐντεῦθεν δὲ προϊὼν τὸν Ἀλφειὸν αὖθισ διαβήσῃ καὶ ἐπὶ Θωκνίαν ἀφίξῃ, τὸ ὄνομα ἀπὸ Θώκνου τοῦ Λυκάονοσ ἔχουσαν, ἐσ ἅπαν δὲ ἐφ’ ἡμῶν ἔρημον· ἐλέγετο δὲ ὁ Θῶκνοσ ἐν τῷ λόφῳ κτίσαι τὴν πόλιν. ποταμὸσ δὲ ὁ Ἀμίνιοσ ῥέων παρὰ τὸν λόφον ἐσ τὸν Ἑλισσόντα ἐκδίδωσι, καὶ οὐ πολὺ ἄπωθεν ἐσ τὸν Ἀλφειὸν ὁ Ἑλισσών.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀρκαδικά, chapter 29

(파우사니아스, Description of Greece, Ἀρκαδικά, chapter 29)

상위

목록

SEARCH

MENU NAVIGATION