헬라어 문장 검색 - Παυσαν́Δεσξριπ́8́28́

(파우사니아스, Description of Greece, Ἀρκαδικά, chapter 28)

ἰόντι δὲ ἀπὸ τοῦ ποταμοῦ τῶν πηγῶν, πρῶτα μέν σε ἐκδέξεται Μάραθα χωρίον, μετὰ δὲ αὐτὸ Γόρτυσ κώμη τὰ ἐπ’ ἐμοῦ, τὰ δὲ ἔτι ἀρχαιότερα πόλισ. ἔστι δὲ αὐτόθι ναὸσ Ἀσκληπιοῦ λίθου Πεντελησίου, καὶ αὐτόσ τε οὐκ ἔχων πω γένεια καὶ Ὑγείασ ἄγαλμα· Σκόπα δὲ ἦν ἔργα. λέγουσι δὲ οἱ ἐπιχώριοι καὶ τάδε, ὡσ Ἀλέξανδροσ ὁ Φιλίππου τὸν θώρακα καὶ δόρυ ἀναθείη τῷ Ἀσκληπιῷ· καὶ ἐσ ἐμέ γε ἔτι ὁ θώραξ καὶ τοῦ δόρατοσ ἦν ἡ αἰχμή. τὴν δὲ Γόρτυνα ποταμὸσ διέξεισιν ὑπὸ μὲν τῶν περὶ τὰσ πηγὰσ ὀνομαζόμενοσ Λούσιοσ, ἐπὶ λουτροῖσ δὴ τοῖσ Διὸσ τεχθέντοσ·

οἱ δὲ ἀπωτέρω τῶν πηγῶν καλοῦσιν ἀπὸ τῆσ κώμησ Γορτύνιον.

οὗτοσ ὁ Γορτύνιοσ ὕδωρ ψυχρότατον παρέχεται ποταμῶν. Ἴστρον μέν γε καὶ Ῥῆνον, ἔτι δὲ Ὕπανίν τε καὶ Βορυσθένην καὶ ὅσων ἄλλων ἐν ὡρ́ᾳ χειμῶνοσ τὰ ῥεύματα πήγνυται, τούτουσ μὲν χειμερίουσ κατὰ ἐμὴν δόξαν ὀρθῶσ ὀνομάσαι τισ ἄν, οἳ ῥέουσι μὲν διὰ γῆσ τὸ πολὺ τοῦ χρόνου νειφομένησ, ἀνάπλεωσ δὲ κρυμοῦ καὶ ὁ περὶ αὐτούσ ἐστιν ἀήρ· ὅσοι δὲ γῆν διεξίασιν εὖ τῶν ὡρῶν ἔχουσαν καὶ θέρουσ σφίσι τὸ ὕδωρ πινόμενόν τε καὶ λουομένουσ ἀνθρώπουσ ἀναψύχει, χειμῶνοσ δὲ ἀνιαρὸν οὐκ ἔστι, τούτουσ ἐγώ φημι παρέχεσθαι σφᾶσ ὕδωρ ψυχρόν.

ψυχρὸν μὲν δὴ ὕδωρ καὶ Κύδνου τοῦ διεξιόντοσ Ταρσεῖσ καὶ Μέλανοσ τοῦ παρὰ Σίδην τὴν Παμφύλων· Ἄλεντοσ δὲ τοῦ ἐν Κολοφῶνι καὶ ἐλεγείων ποιηταὶ τὴν ψυχρότητα ᾄδουσι. Γορτύνιοσ δὲ προήκει καὶ ἐσ πλέον ψυχρότητοσ, μάλιστα δὲ ὡρ́ᾳ θέρουσ. ἔχει μὲν δὴ τὰσ πηγὰσ ἐν Θεισόᾳ τῆ Μεθυδριεῦσιν ὁμόρῳ· καθότι δὲ τῷ Ἀλφειῷ τὸ ῥεῦμα ἀνακοινοῖ, καλοῦσι Ῥαιτέασ. τῇ χώρᾳ δὲ τῇ Θεισόᾳ προσεχὴσ κώμη Τεῦθίσ ἐστι·

πάλαι δὲ ἦν πόλισμα ἡ Τεῦθισ. ἐπὶ δὲ τοῦ πολέμου τοῦ πρὸσ Ἰλίῳ ἰδίᾳ παρείχοντο οἱ ἐνταῦθα ἡγεμόνα· ὄνομα δὲ αὐτῷ Τεῦθιν, οἱ δὲ Ὄρνυτόν φασιν εἶναι. καὶ ὀπίσω τοὺσ Ἀρκάδασ ὧν ἦρχεν ἀπάξειν ἔμελλεν.

ἐνταῦθα Ἀθηνᾶν λέγουσι Μέλανι τῷ Ὦποσ εἰκασμένην ἀποτρέπειν τῆσ ὁδοῦ Τεῦθιν τῆσ οἴκαδε·

ὁ δέ, ἅτε οἰδοῦντοσ αὐτῷ τοῦ θυμοῦ, παίει τὴν θεὸν τῷ δόρατι ἐσ τὸν μηρόν, ἀπήγαγε δὲ καὶ ἐκ τῆσ Αὐλίδοσ ὀπίσω τὸν στρατόν. ἀναστρέψασ δὲ ἐσ τὴν οἰκείαν, τὴν θεὸν ἔδοξεν αὐτὴν τετρωμένην φανῆναί οἱ τὸν μηρόν· τὸ δὲ ἀπὸ τούτου κατέλαβε Τεῦθιν φθινώδησ νόσοσ, μόνοισ τε Ἀρκάδων τοῖσ ἐνταῦθα οὐκ ἀπεδίδου καρπὸν οὐδένα ἡ γῆ. χρόνῳ δὲ ὕστερον ἄλλα τε ἐχρήσθη σφίσιν ἐκ Δωδώνησ, ὁποῖα δρῶντεσ ἱλάσεσθαι τὴν θεὸν ἔμελλον, καὶ ἄγαλμα ἐποιήσαντο Ἀθηνᾶσ ἔχον τραῦμα ἐπὶ τοῦ μηροῦ.

τοῦτο καὶ αὐτὸσ τὸ ἄγαλμα εἶδον, τελαμῶνι πορφυρῷ τὸν μηρὸν κατειλημένον. καὶ ἄλλα ἐν Τεύθιδι, Ἀφροδίτησ τε ἱερὸν καὶ Ἀρτέμιδόσ ἐστι. ταῦτα μὲν δὴ ἐνταῦθά ἐστι·

κατὰ δὲ τὴν ὁδὸν τὴν ἐκ Γόρτυνοσ ἐσ Μεγάλην πόλιν πεποίηται μνῆμα τοῖσ ἀποθανοῦσιν ἐν τῇ πρὸσ Κλεομένην μάχῃ. τὸ δὲ μνῆμα τοῦτο ὀνομάζουσιν οἱ Μεγαλοπολῖται Παραιβασίον, ὅτι ἐσ αὐτοὺσ παρεσπόνδησεν ὁ Κλεομένησ. Παραιβασίου δὲ ἔχεται πεδίον ἑξήκοντα σταδίων μάλιστα· καὶ πόλεωσ ἐρείπια Βρένθησ ἐστὶν ἐν δεξιᾷ τῆσ ὁδοῦ, καὶ ποταμὸσ ἔξεισιν αὐτόθεν Βρενθεάτησ καὶ ὅσον σταδίουσ προελθόντι πέντε κάτεισιν ἐσ τὸν Ἀλφειόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀρκαδικά, chapter 28

(파우사니아스, Description of Greece, Ἀρκαδικά, chapter 28)

상위

목록

SEARCH

MENU NAVIGATION