헬라어 문장 검색 - Παυσαν́Δεσξριπ́8́24́

(파우사니아스, Description of Greece, Ἀρκαδικά, chapter 24)

Ψωφῖδοσ δὲ οἱ μέν φασιν οἰκιστὴν γενέσθαι Ψώφιδα τὸν Ἄρρωνοσ τοῦ Ἐρυμάνθου τοῦ Ἀρίστα τοῦ Παρθάονοσ τοῦ Περιφήτου τοῦ Νυκτίμου· τοῖσ δέ ἐστιν εἰρημένα θυγατέρα Ψωφῖδα εἶναι Ξάνθου τοῦ Ἐρυμάνθου τοῦ Ἀρκάδοσ. τάδε μὲν οὖν οὕτω κατὰ τὴν Ἀρκάδων ἐσ τοὺσ βασιλέασ ἔχει μνήμην· ὁ δὲ ἀληθέστατοσ τῶν λόγων ἐστὶν Ἔρυκοσ τοῦ ἐν Σικανίᾳ δυναστεύσαντοσ παῖδα εἶναι τὴν Ψωφῖδα, ᾗ <συγγενόμενοσ Ἡρακλῆσ ἀγαγέσθαι μὲν αὐτὴν> ἐσ τὸν οἶκον οὐκ ἠξίου, καταλείπει δὲ ἔχουσαν ἐν τῇ γαστρὶ παρὰ Λυκόρτᾳ, ξένῳ μὲν ὄντι αὐτοῦ, παροικοῦντι δὲ ἐν πόλει Φηγίᾳ, πρὸ δὲ τοῦ Φηγέωσ τῆσ βασιλείασ Ἐρυμάνθῳ καλουμένῃ·

ἐπιτραφέντεσ δὲ αὐτόθι Ἐχέφρων καὶ Πρόμαχοσ Ἡρακλέουσ τε ὄντεσ καὶ τῆσ γυναικὸσ τῆσ Σικανῆσ μετέθεντο τῇ Φηγίᾳ τὸ ὄνομα Ψωφῖδα ἀπὸ τῆσ μητρόσ. ἔστι δὲ καὶ Ζακυνθίων τῇ ἀκροπόλει Ψωφὶσ ὄνομα, ὅτι ναυσὶν ἐσ τὴν νῆσον ἐπεραιώθη πρῶτοσ καὶ ἐγένετο οἰκιστὴσ ἀνὴρ Ψωφίδιοσ, Ζάκυνθοσ τε ὁ Δαρδάνου.

Σειρῶν μὲν δὴ σταδίοισ ἐστὶν ἀπωτέρω τριάκοντα ἡ Ψωφίσ·

παρὰ δὲ αὐτὴν ὅ τε Ἀροάνιοσ ποταμὸσ καὶ ὀλίγον ἀπωτέρω τῆσ πόλεωσ Ἐρύμανθοσ ῥέουσιν. ἔχει δὲ τὰσ πηγὰσ ὁ Ἐρύμανθοσ ἐν ὄρει Λαμπείᾳ, τὸ δὲ ὄροσ τοῦτο ἱερὸν εἶναι Πανὸσ λέγεται·

εἰή δ’ ἂν τοῦ ὄρουσ τοῦ Ἐρυμάνθου μοῖρα ἡ Λάμπεια. ἐποίησε δὲ Ὅμηροσ ὡσ ἐν Ταϋγέτῳ τε καὶ Ἐρυμάνθῳ θηρευτὴσ οὖν τῆσ Λαμπείασ ὁ Ἐρύμανθοσ, καὶ Ἀρκαδίαν διεξελθὼν ἐν δεξιᾷ μὲν τὸ ὄροσ ἔχων τὴν Φολόην, ἐν ἀριστερᾷ δὲ πάλιν Θέλπουσαν χώραν, κάτεισιν ἐσ τὸν Ἀλφειόν. λέγεται δὲ ὡσ Ἡρακλῆσ κατὰ πρόσταγμα Εὐρυσθέωσ παρὰ τῷ Ἐρυμάνθῳ θηράσειεν ὗν μεγέθει καὶ ἀλκῇ τοὺσ ἄλλουσ ὑπερηρκότα.

Κυμαῖοι δὲ οἱ ἐν Ὀπικοῖσ συὸσ ὀδόντασ ἀνακειμένουσ παρὰ σφίσιν ἐν Ἀπόλλωνοσ ἱερῷ λόγῳ μὲν λέγουσιν ὡσ οἱ ὀδόντεσ ὑὸσ εἰε͂ν τοῦ Ἐρυμανθίου, τῷ λόγῳ δὲ αὐτῶν οὐδὲ ἐπ’ ὀλίγον μέτεστι τοῦ εἰκότοσ. Ψωφιδίοισ δὲ ἐν τῇ πόλει τοῦτο μὲν Ἀφροδίτησ ἱερὸν Ἐρυκίνησ ἐστὶν ἐπίκλησιν ‐ ἧσ ἐρείπια ἐφ’ ἡμῶν ἐλείπετο αὐτοῦ μόνα, ἐλέγοντο δὲ οἱ Ψωφῖδοσ αὐτὸ ἱδρύσασθαι παῖδεσ, καὶ ἐν τῷ λόγῳ τὸ εἰκὸσ πρόσεστι·

Προμάχου δὲ καὶ Ἐχέφρονοσ τῶν Ψωφῖδοσ οὐκ ἐπιφανῆ κατ’ ἐμὲ ἔτι ἦν τὰ ἡρῷα.

τέθαπται δὲ καὶ Ἀλκμαίων ἐν Ψωφῖδι ὁ Ἀμφιαράου, καί οἱ τὸ μνῆμά ἐστιν οἴκημα οὔτε μεγέθει <μέγα> οὔτε ἄλλωσ κεκοσμημένον· περὶ δὲ αὐτὸ κυπάρισσοι πεφύκασιν ἐσ τοσοῦτον ὕψοσ ἀνήκουσαι, ὥστε καὶ τὸ ὄροσ τὸ πρὸσ τῇ Ψωφῖδι κατεσκιάζετο ὑπ’ αὐτῶν.

ταύτασ οὐκ ἐθέλουσιν ἐκκόπτειν ἱερὰσ τοῦ Ἀλκμαίωνοσ νομίζοντεσ· καλοῦνται δὲ ὑπὸ τῶν ἐπιχωρίων παρθένοι. ὁ δὲ Ἀλκμαίων ἡνίκα τὴν μητέρα ἀποκτείνασ ἔφυγεν ἐξ Ἄργουσ, τότε ἐσ τὴν Ψωφῖδα ἐλθών, Φηγίαν ἔτι ἀπὸ τοῦ Φηγέωσ ὀνομαζομένην, συνῴκησεν Ἀλφεσιβοίᾳ τῇ Φηγέωσ θυγατρὶ καὶ αὐτῇ δῶρα ὡσ τὸ εἰκὸσ καὶ ἄλλα καὶ τὸν ὁρ́μον δίδωσιν.

ὡσ δὲ οἰκοῦντι αὐτῷ παρὰ τοῖσ Ἀρκάσιν οὐδὲν ἐγίνετο ἡ νόσοσ ῥᾴων, κατέφυγεν ἐπὶ τὸ μαντεῖον τὸ ἐν Δελφοῖσ, καὶ αὐτὸν ἡ Πυθία διδάσκει τὸν Ἐριφύλησ ἀλάστορα ἐσ ταύτην οἱ μόνην χώραν οὐ συνακολουθήσειν, ἥτισ ἐστὶ νεωτάτη καὶ ἡ θάλασσα τοῦ μητρῴου μιάσματοσ ἀνέφηνεν ὕστερον αὐτήν. καὶ ὁ μὲν ἐξευρὼν τοῦ Ἀχελῴου τὴν πρόσχωσιν ἐνταῦθα ᾤκησε, καὶ γυναῖκα ἔσχε Καλλιρόην τοῦ Ἀχελῴου θυγατέρα λόγῳ τῷ Ἀκαρνάνων, καί οἱ παῖδεσ Ἀκαρνάν τε καὶ Ἀμφότεροσ ἐγένοντο·

ἀπὸ δὲ τοῦ Ἀκαρνᾶνοσ τοῖσ ἐν τῇ ἠπείρῳ ταύτῃ τὸ ὄνομα τὸ νῦν γενέσθαι λέγουσι τὰ πρὸ τούτου Κούρησι καλουμένοισ. ἐσ ἐπιθυμίασ δὲ ἀνοήτουσ πολλοὶ μὲν ἄνδρεσ, γυναῖκεσ δὲ ἔτι πλέον ἐξοκέλλουσιν. ἐπεθύμησεν ἡ Καλλιρόη τῆσ Ἐριφύλησ οἱ γενέσθαι τὸν ὁρ́μον καὶ δι’ αὐτὸ ἐσ τὴν Φηγίαν τὸν Ἀλκμαίωνα ἔστειλεν ἄκοντα, καὶ αὐτὸν ὑπὸ Φηγέωσ τῶν παίδων Τημένου καὶ Ἀξίονοσ δολοφονηθέντα ἐπέλαβεν ἡ τελευτή.

τοῦ Φηγέωσ δὲ οἱ παῖδεσ τῷ Ἀπόλλωνι ἀναθεῖναι τῷ ἐν Δελφοῖσ λέγονται τὸν ὁρ́μον. καὶ ἐπὶ τούτων βασιλευόντων ἐν Φηγίᾳ τότε ἔτι καλουμένῃ τῇ πόλει Φηγίᾳ στρατεῦσαί φασιν Ἕλληνασ ἐσ Τροίαν·

σφᾶσ δὲ οἱ Ψωφίδιοι τοῦ στόλου φασὶν οὐ μετασχεῖν, ὅτι αὐτῶν τοῖσ βασιλεῦσιν οἱ Ἀργείων ἀπηχθάνοντο ἡγεμόνεσ, κατὰ γένοσ τε τῷ Ἀλκμαίωνι οἱ πολλοὶ προσήκοντεσ καὶ τῆσ ἐπιστρατείασ αὐτῷ κοινωνήσαντεσ <τῆσ> ἐσ Θήβασ. τὰσ δὲ Ἐχινάδασ νήσουσ ὑπὸ τοῦ Ἀχελῴου μὴ σφᾶσ ἤπειρον ἄχρι ἡμῶν ἀπειργάσθαι γέγονε δὴ αἰτία τὸ Αἰτωλῶν ἔθνοσ, γεγόνασι δὲ αὐτοί τε ἀνάστατοι καὶ ἡ γῆ σφισι πᾶσα ἠρήμωται·

ταῖσ Ἐχινάσιν οὖν ἅτε ἀσπόρου μενούσησ τῆσ Αἰτωλίασ οὐχ ὁμοίωσ ὁ Ἀχελῷοσ ἐπάγει τὴν ἰλύν. μαρτύριον δέ μοι τοῦ λόγου· ὁ γὰρ Μαίανδροσ διὰ τῆσ Φρυγῶν καὶ Καρῶν ἀρουμένησ ὅσα ἔτη ῥέων τὴν μεταξὺ Πριήνησ καὶ Μιλήτου θάλασσαν ἐν οὐ πολλῷ χρόνῳ πεποίηκεν ἤπειρον. Ψωφιδίοισ δὲ καὶ παρὰ τῷ Ἐρυμάνθῳ ναόσ ἐστιν Ἐρυμάνθου καὶ ἄγαλμα.

ποιεῖται δὲ πλὴν τοῦ Αἰγυπτίου Νείλου ποταμοῖσ τοῖσ ἄλλοισ λίθου λευκοῦ τὰ ἀγάλματα· τῷ Νείλῳ δέ, ἅτε διὰ τῆσ Αἰθιόπων κατιόντι ἐσ θάλασσαν, μέλανοσ λίθου τὰ ἀγάλματα ἐργάζεσθαι νομίζουσιν. ὃν δὲ ἤκουσα ἐν Ψωφῖδι ἐπὶ Ἀγλαῷ λόγον ἀνδρὶ Ψωφιδίῳ κατὰ Κροῖσον τὸν Λυδὸν ὄντι ἡλικίαν, ὡσ ὁ Ἀγλαὸσ τὸν χρόνον τοῦ βίου πάντα γένοιτο εὐδαίμων, οὔ με ἔπειθεν ὁ λόγοσ.

ναῦσ ἧσσον ἂν χειμασθείη νεὼσ ἄλλησ·

ἄνδρα δὲ συμφορῶν ἀεὶ στάντα ἐκτὸσ ἢ τὰ πάντα οὐρίῳ ναῦν χρησαμένην πνεύματι οὐκ ἔστιν ὅπωσ δυνησόμεθα ἐξευρεῖν, ἐπεὶ καὶ Ὅμηροσ κατακείμενον παρὰ τῷ Διὶ ἀγαθῶν πίθον, τὸν δὲ ἕτερον κακῶν ἐποίησεν, ὑπὸ τοῦ ἐν Δελφοῖσ θεοῦ δεδιδαγμένοσ, ὃσ αὐτόν ποτε Ὅμηρον κακοδαίμονά τε προσεῖπε καὶ ὄλβιον ὡσ φύντα ἐπὶ ἀμφοτέροισ ὁμοίωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀρκαδικά, chapter 24

(파우사니아스, Description of Greece, Ἀρκαδικά, chapter 24)

상위

목록

SEARCH

MENU NAVIGATION