헬라어 문장 검색 - Παυσαν́Δεσξριπ́8́17́

(파우사니아스, Description of Greece, Ἀρκαδικά, chapter 17)

μετὰ δὲ τοῦ Αἰπύτου τὸν τάφον ὄροσ τε ὑψηλότατον ὀρῶν τῶν ἐν Ἀρκαδίᾳ Κυλλήνη καὶ Ἑρμοῦ Κυλληνίου κατερριμμένοσ ναόσ ἐστιν ἐπὶ κορυφῆσ τοῦ ὄρουσ· δῆλα δέ ἐστιν ἀπὸ Κυλλῆνοσ τοῦ Ἐλάτου τῷ τε ὄρει τὸ ὄνομα καὶ ἡ ἐπίκλησισ γεγενημένη τῷ θεῷ. τοῖσ δὲ ἀνθρώποισ τὸ ἀρχαῖον, ὁπόσα καὶ ἡμεῖσ καταμαθεῖν ἐδυνήθημεν, τοσάδε ἦν ἀφ’ ὧν τὰ ξόανα ἐποιοῦντο, ἔβενοσ, κυπάρισσοσ, αἱ κέδροι, τὰ δρύινα, ἡ μῖλαξ, ὁ λωτόσ·

τῷ δὲ Ἑρμῇ τῷ Κυλληνίῳ τούτων μὲν ἀπὸ οὐδενόσ, θύου δὲ πεποιημένον τὸ ἄγαλμά ἐστιν, ὀκτὼ δὲ εἶναι ποδῶν μάλιστα αὐτὸ εἰκάζομεν. παρέχεται δὲ καὶ θαῦμα τοιόνδε ἡ Κυλλήνη·

κόσσυφοι γὰρ οἱ ὄρνιθεσ <ὁλόλευκοί> εἰσιν ἐν αὐτῇ· οἱ δὲ ὑπὸ Βοιωτῶν καλούμενοι γένοσ ἄλλο πού τί εἰσιν ὀρνίθων, οὐκ ᾠδικόν. ἀετοὺσ μὲν οὖν ὀνομαζομένουσ κυκνίασ μάλιστα ἐοικότασ κύκνῳ λευκότητα οἶδα ἐν Σιπύλῳ θεασάμενοσ περὶ λίμνην καλουμένην Ταντάλου· ὗσ δὲ ἀγρίουσ λευκοὺσ καὶ ἄρκτουσ τῶν Θρᾳκίων λευκὰσ ἤδη που καὶ ἄνδρεσ ἐκτήσαντο ἰδιῶται· λαγῲ δὲ καὶ ἔλαφοι, τὸ μὲν Λιβυκὸν θρέμμα οἱ λαγῴ εἰσιν <οἱ> λευκοί, ἐλάφουσ δὲ ἐν Ῥώμῃ λευκὰσ εἶδόν τε καὶ ἰδὼν θαῦμα ἐποιησάμην, ὁπόθεν δὲ ἢ τῶν ἠπείρων οὖσαι ἢ νησιώτιδεσ ἐκομίσθησαν, οὐκ ἐπῆλθεν ἐρέσθαι μοι.

τάδε μὲν ἡμῖν λελέχθω τῶν ἐν Κυλλήνῃ κοσσύφων ἕνεκα, ὡσ μὴ τοῖσ ῥηθεῖσιν ἐσ τὴν χρόαν αὐτῶν ἀπιστοίη μηδείσ· ἔχεται δὲ ἄλλο ὄροσ Κυλλήνησ Χελυδόρεα, ἔνθα εὑρὼν χελώνην Ἑρμῆσ ἐκδεῖραι τὸ θηρίον καὶ ἀπ’ αὐτῆσ λέγεται ποιήσασθαι λύραν.

ἐνταῦθα Φενεάταισ καὶ Πελληνεῦσιν ὁρ́οι τῆσ γῆσ εἰσι, καὶ τοῦ ὄρουσ τῶν Χελυδορέων οἱ Ἀχαιοὶ τὸ πλέον νέμονται. ἐκ Φενεοῦ δὲ ἰόντι ἐπὶ τὴν ἑσπέρασ καὶ ἡλίου δυσμῶν ἡ μὲν ἀριστερὰ τῶν ὁδῶν ἐσ πόλιν ἄγει Κλείτορα, ἐν δεξιᾷ δὲ ἐπὶ Νώνακριν καὶ τὸ ὕδωρ τῆσ Στυγόσ.

τὸ μὲν δὴ ἀρχαῖον ἡ Νώνακρισ πόλισμα ἦν Ἀρκάδων καὶ ἀπὸ τῆσ Λυκάονοσ γυναικὸσ τὸ ὄνομα εἰλήφει· τὰ δὲ ἐφ’ ἡμῶν ἐρείπια ἦν, οὐδὲ τούτων τὰ πολλὰ ἔτι δῆλα. τῶν δὲ ἐρειπίων οὐ πόρρω κρημνόσ ἐστιν ὑψηλόσ, οὐχ ἕτερον δ’ ἐσ τοσοῦτον ἀνήκοντα ὕψουσ οἶδα· καὶ ὕδωρ κατὰ τοῦ κρημνοῦ στάζει, καλοῦσι δὲ Ἕλληνεσ αὐτὸ ὕδωρ Στυγόσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀρκαδικά, chapter 17

(파우사니아스, Description of Greece, Ἀρκαδικά, chapter 17)

상위

목록

SEARCH

MENU NAVIGATION