헬라어 문장 검색 - Παυσαν́Δεσξριπ́8́12́

(파우사니아스, Description of Greece, Ἀρκαδικά, chapter 12)

τοῦ τάφου δὲ τοῦ Ἐπαμινώνδα μάλιστά που σταδίου μῆκοσ Διὸσ ἀφέστηκεν ἱερὸν ἐπίκλησιν Χάρμωνοσ. Ἀρκάδων δὲ ἐν τοῖσ δρυμοῖσ εἰσιν αἱ δρῦσ διάφοροι, καὶ τὰσ μὲν πλατυφύλλουσ αὐτῶν, τὰσ δὲ φηγοὺσ καλοῦσιν· αἱ τρίται δὲ ἀραιὸν τὸν φλοιὸν καὶ οὕτω δή τι παρέχονται κοῦφον, ὥστε ἀπ’ αὐτοῦ καὶ ἐν θαλάσσῃ ποιοῦνται σημεῖα ἀγκύραισ καὶ δικτύοισ· ταύτησ τῆσ δρυὸσ τὸν φλοιὸν ἄλλοι τε Ιὤνων καὶ Ἑρμησιάναξ ὁ τὰ ἐλεγεῖα ποιήσασ φελλὸν ὀνομάζουσιν. ἐσ Μεθύδριον δὲ πόλιν μὲν οὐκέτι, κώμην δὲ ἐσ τὸ Μεγαλοπολιτικὸν συντελοῦσαν, ἐσ τοῦτό ἐστι τὸ Μεθύδριον ἐκ Μαντινείασ ὁδόσ.

δὲ αὐτῷ σπήλαιον, ἔνθα ᾤκησεν Ἀλκιμέδων, ἀνὴρ τῶν καλουμένων ἡρώων.

τούτου τοῦ Ἀλκιμέδοντοσ θυγατρὶ συγγενέσθαι Φιαλοῖ ὡσ Φιγαλεῖσ λέγουσιν Ἡρακλέα·

ὡσ δὲ ᾔσθετο αὐτὴν ὁ Ἀλκιμέδων τεκοῦσαν, ἐκτίθησιν ἀπολουμένην ἐσ τὸ ὄροσ, σὺν δὲ αὐτῇ καὶ τὸν παῖδα ὃν ἔτεκε· καλοῦσι δὲ Αἰχμαγόραν αὐτὸν οἱ Ἀρκάδεσ. ἀνακλαίοντοσ δὲ ὡσ ἐξέκειτο τοῦ παιδόσ, κίσσα ἡ ὄρνισ ἐπήκουέ τε ὀδυρομένου καὶ ἀπεμιμεῖτο τὰ κλαύματα· καί πωσ ὁ Ἡρακλῆσ ἐρχόμενοσ τὴν ὁδὸν ταύτην ἐπήκουσε τῆσ κίσσησ καὶ ‐ ἐνόμισε γὰρ παιδὸσ εἶναι καὶ οὐκ ὄρνιθοσ τὸν κλαυθμόν ‐ ἐτράπετο εὐθὺ τῆσ φωνῆσ·

γνωρίσασ δὲ αὐτήν τε ἔλυσεν ἀπὸ τῶν δεσμῶν καὶ τὸν παῖδα ἀνεσώσατο. ἐξ ἐκείνου δὲ ἡ πλησίον πηγὴ Κίσσα ἀπὸ τῆσ ὄρνιθοσ ὀνομάζεται. τεσσαράκοντα δὲ ἀπὸ τῆσ πηγῆσ στάδια ἀφέστηκε Πετροσάκα καλούμενον χωρίον· Μεγαλοπολιτῶν δὲ καὶ Μαντινέων ὁρ́οσ ἐστὶν ἡ Πετροσάκα. ἐπὶ δὲ ὁδοῖσ ταῖσ κατειλεγμέναισ δύο ἐσ Ὀρχομενόν εἰσιν ἄλλαι, καὶ τῇ μέν ἐστι καλούμενον Λάδα στάδιον, ἐσ ὃ ἐποιεῖτο Λάδασ μελέτην δρόμου, καὶ παρ’ αὐτὸ ἱερὸν Ἀρτέμιδοσ καὶ ἐν δεξιᾷ τῆσ ὁδοῦ γῆσ χῶμα ὑψηλόν·

Πηνελόπησ δὲ εἶναι τάφον φασίν, οὐχ ὁμολογοῦντεσ τὰ ἐσ αὐτὴν ποιήσει <τῇ> Θεσπρωτίδι ὀνομαζομένῃ. ἐν ταύτῃ μέν γέ ἐστι τῇ ποιήσει ἐπανήκοντι ἐκ Τροίασ Ὀδυσσεῖ τεκεῖν τὴν Πηνελόπην Πτολιπόρθην παῖδα·

τὸ μὲν παραυτίκα ἐσ Λακεδαίμονα ἀπελθεῖν, χρόνῳ δὲ ὕστερον ἐκ τῆσ Σπάρτησ ἐσ Μαντίνειαν μετοικῆσαι, καί οἱ τοῦ βίου τὴν τελευτὴν ἐνταῦθα συμβῆναι.

τοῦ τάφου δὲ ἔχεται τούτου πεδίον οὐ μέγα, καὶ ὄροσ ἐστὶν ἐν τῷ πεδίῳ τὰ ἐρείπια ἔτι Μαντινείασ ἔχον τῆσ ἀρχαίασ·

καλεῖται δὲ τὸ χωρίον τοῦτο ἐφ’ ἡμῶν Πτόλισ. κατὰ δὲ τὸ πρὸσ ἄρκτον αὐτῆσ προελθόντι ὁδὸν οὐ μακρὰν Ἀλαλκομενείασ ἐστὶ πηγή, τῆσ Πτόλεωσ δὲ μετὰ σταδίουσ τριάκοντα κώμησ τε ἐρείπια καλουμένησ Μαιρᾶσ <καὶ τάφοσ Μαιρᾶσ>, εἰ δὴ ἐνταῦθα καὶ μὴ ἐν τῇ Τεγεατῶν ἐτάφη· Τεγεάταισ γὰρ τοῦ λόγου τὸ εἰκὸσ καὶ οὐ Μαντινεῦσιν ἕπεται, Μαιρὰν τὴν Ἄτλαντοσ παρὰ σφίσι ταφῆναι. τάχα δ’ ἂν καὶ ἀπόγονοσ τῆσ Ἄτλαντοσ Μαιρᾶσ ἑτέρα Μαιρὰ ἀφίκοιτο ἐσ τὴν Μαντινικήν. λείπεται δὲ ἔτι τῶν ὁδῶν ἡ ἐσ Ὀρχομενόν, καθ’ ἥντινα Ἀγχισία τε ὄροσ καὶ Ἀγχίσου μνῆμά ἐστιν ὑπὸ τοῦ ὄρουσ τοῖσ ποσίν.

ὡσ γὰρ δὴ ἐκομίζετο ἐσ Σικελίαν ὁ Αἰνείασ, ἔσχε ταῖσ ναυσὶν ἐσ τὴν Λακωνικήν, καὶ πόλεών τε Ἀφροδισιάδοσ καὶ Ἤτιδοσ ἐγένετο οἰκιστὴσ καὶ τὸν πατέρα Ἀγχίσην κατὰ πρόφασιν δή τινα παραγενόμενον ἐσ τοῦτο τὸ χωρίον καὶ αὐτόθι τοῦ βίου τῇ τελευτῇ χρησάμενον ἔθαψεν ἐνταῦθα· καὶ τὸ ὄροσ τοῦτο ἀπὸ τοῦ Ἀγχίσου καλοῦσιν Ἀγχισίαν. τούτου δὲ συντελοῦσιν ἐσ πίστιν Αἰολέων οἱ Ἴλιον ἐφ’ ἡμῶν ἔχοντεσ, οὐδαμοῦ τῆσ σφετέρασ ἀποφαίνοντεσ μνῆμα Ἀγχίσου.

πρὸσ δὲ τοῦ Ἀγχίσου τῷ τάφῳ ἐρείπιά ἐστιν Ἀφροδίτησ ἱεροῦ, καὶ Μαντινέων ὁρ́οι πρὸσ Ὀρχομενίουσ καὶ ἐν ταῖσ Ἀγχισίαισ εἰσίν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀρκαδικά, chapter 12

(파우사니아스, Description of Greece, Ἀρκαδικά, chapter 12)

상위

목록

SEARCH

MENU NAVIGATION