헬라어 문장 검색 - Παυσαν́Δεσξριπ́8́10́

(파우사니아스, Description of Greece, Ἀρκαδικά, chapter 10)

ἐσ Ἀρκαδίαν δὲ τὴν ἄλλην εἰσὶν ἐκ Μαντινείασ ὁδοί· ὁπόσα δὲ ἐφ’ ἑκάστησ αὐτῶν μάλιστα ἦν θέασ ἄξια, ἐπέξειμι καὶ ταῦτα. ἰόντι ἐσ Τεγέαν ἐστὶν ἐν ἀριστερᾷ τῆσ λεωφόρου παρὰ τοῖσ Μαντινέων τείχεσι χωρίον ἐσ τῶν ἵππων τὸν δρόμον καὶ οὐ πόρρω τούτου στάδιον, ἔνθα ἐπὶ τῷ Ἀντίνῳ τὸν ἀγῶνα τιθέασιν. ὑπὲρ δὲ τοῦ σταδίου τὸ ὄροσ ἐστὶ τὸ Ἀλήσιον, διὰ τὴν ἄλην ὥσ φασι καλούμενον τὴν Ῥέασ, καὶ Δήμητροσ ἄλσοσ ἐν τῷ ὄρει. παρὰ δὲ τοῦ ὄρουσ τὰ ἔσχατα τοῦ Ποσειδῶνόσ ἐστι τοῦ Ἱππίου τὸ ἱερόν, οὐ πρόσω σταδίου Μαντινείασ.

τὰ δὲ ἐσ τὸ ἱερὸν τοῦτο ἐγώ τε ἀκοὴν γράφω καὶ ὅσοι μνήμην ἄλλοι περὶ αὐτοῦ πεποίηνται. τὸ μὲν δὴ ἱερὸν τὸ ἐφ’ ἡμῶν ᾠκοδομήσατο Ἀδριανὸσ βασιλεύσ, ἐπιστήσασ τοῖσ ἐργαζομένοισ ἐπόπτασ ἄνδρασ, ὡσ μήτε ἐνίδοι τισ ἐσ τὸ ἱερὸν τὸ ἀρχαῖον μήτε τῶν ἐρειπίων τι αὐτοῦ μετακινοῖτο· πέριξ δὲ ἐκέλευε τὸν ναὸν σφᾶσ οἰκοδομεῖσθαι τὸν καινόν. τὰ δὲ ἐξ ἀρχῆσ τῷ Ποσειδῶνι τὸ ἱερὸν τοῦτο Ἀγαμήδησ λέγονται καὶ Τροφώνιοσ ποιῆσαι, δρυῶν ξύλα ἐργασάμενοι καὶ ἁρμόσαντεσ πρὸσ ἄλληλα· ἐσόδου δὲ ἐσ αὐτὸ εἴργοντεσ ἀνθρώπουσ ἔρυμα μὲν πρὸ τῆσ ἐσόδου προεβάλοντο οὐδέν, μίτον δὲ διατείνουσιν ἐρεοῦν, τάχα μέν που τοῖσ τότε ἄγουσι τὰ θεῖα ἐν τιμῇ δεῖμα καὶ τοῦτο ἔσεσθαι νομίζοντεσ, τάχα δ’ ἄν τι μετείη καὶ ἰσχύοσ τῷ μίτῳ.

φαίνεται δὲ καὶ Αἴπυτοσ ὁ Ἱππόθου μήτε πηδήσασ ὑπὲρ τὸν μίτον μήτε ὑποδύσ, διακόψασ δὲ αὐτὸν ἐσελθὼν ἐσ τὸ ἱερόν· καὶ ποιήσασ οὐχ ὅσια ἐτυφλώθη τε ἐμπεσόντοσ ἐσ τοὺσ ὀφθαλμοὺσ αὐτῷ τοῦ κύματοσ καὶ αὐτίκα ἐπιλαμβάνει τὸ χρεὼν αὐτόν. θαλάσσησ δὲ ἀναφαίνεσθαι κῦμα ἐν τῷ ἱερῷ λόγοσ ἐστὶν ἀρχαῖοσ·

ἐοικότα δὲ καὶ Ἀθηναῖοι λέγουσιν ἐσ τὸ κῦμα τὸ ἐν ἀκροπόλει καὶ Καρῶν οἱ Μύλασα ἔχοντεσ ἐσ τοῦ θεοῦ τὸ ἱερόν, ὃν φωνῇ τῇ ἐπιχωρίᾳ καλοῦσιν Ὀσογῶα. Ἀθηναίοισ μὲν δὴ σταδίουσ μάλιστα εἴκοσιν ἀφέστηκε τῆσ πόλεωσ ἡ πρὸσ Φαληρῷ θάλασσα, ὡσαύτωσ δὲ καὶ Μυλασεῦσιν ἐπίνειον σταδίουσ ὀγδοήκοντα ἀπέχον ἐστὶν ἀπὸ τῆσ πόλεωσ· Μαντινεῦσι δὲ ἐκ μακροτάτων τε ἡ θάλασσα ἄνεισι <καὶ> ἐκφανέστατα δὴ κατὰ τοῦ θεοῦ γνώμην. πέραν δὲ τοῦ ἱεροῦ τοῦ Ποσειδῶνοσ τρόπαιόν ἐστι λίθου πεποιημένον ἀπὸ Λακεδαιμονίων καὶ Ἄγιδοσ·

λέγεται δὲ καὶ ὁ τρόποσ τῆσ μάχησ. τὸ μὲν δεξιὸν εἶχον οἱ Μαντινεῖσ αὐτοί, στρατιάν τε ἀπὸ πάσησ ἡλικίασ καὶ στρατηγὸν παρεχόμενοι Ποδάρην ἀπόγονον τρίτον Ποδάρου τοῦ Θηβαίοισ ἐναντία ἀγωνισαμένου, παρῆν δέ σφισι καὶ μάντισ Ἠλεῖοσ Θρασύβουλοσ Αἰνέου τῶν Ιἀμιδῶν ‐ οὗτοσ ὁ ἀνὴρ νίκην τε τοῖσ Μαντινεῦσι προηγόρευσε καὶ αὐτόσ σφισι τοῦ ἔργου μετέσχεν ‐ · ἐπὶ δὲ τῷ εὐωνύμῳ πᾶν τὸ ἄλλο Ἀρκαδικὸν ἐτάσσοντο, ἄρχοντεσ δὲ κατὰ πόλεισ τε ἦσαν καὶ Μεγαλοπολιτῶν Λυδιάδησ καὶ Λεωκύδησ·

Ἀράτῳ δὲ ἐπετέτραπτο καὶ Σικυωνίοισ τε καὶ Ἀχαιοῖσ τὸ μέσον. Λακεδαιμόνιοι δὲ καὶ Ἆγισ ἐπεξέτειναν τὴν φάλαγγα, ὡσ τῶν ἐναντίων τῷ στρατεύματι ἀντιπαρήκοιεν· τὸ μέσον δὲ Ἆγισ καὶ οἱ περὶ τὸν βασιλέα εἶχον. Ἄρατοσ δὲ ἀπὸ συγκειμένου πρὸσ τοὺσ Ἀρκάδασ ὑπέφευγεν αὐτόσ τε καὶ ὁ σὺν αὐτῷ στρατὸσ οἱᾶ δὴ τῶν Λακεδαιμονίων σφίσιν ἐγκειμένων·

ὑποφεύγοντεσ δὲ ἅμα τὸ σύνταγμα σφῶν ἠρέμα ἐποίουν μηνοειδέσ.

Λακεδαιμόνιοι δὲ καὶ Ἆγισ νίκην τε ἤλπιζον καὶ τοῖσ περὶ τὸν Ἄρατον ἐνέκειντο ἀθρόοι μᾶλλον· ἐπηκολούθουν δέ σφισι καὶ οἱ ἀπὸ τῶν κεράτων, Ἄρατον καὶ τὴν σὺν αὐτῷ στρατιὰν τρέψασθαι μέγα ἀγώνισμα ἡγούμενοι. ἔλαθόν τε δὴ κατὰ νώτου γενόμενοί σφισιν οἱ Ἀρκάδεσ καὶ οἱ Λακεδαιμόνιοι κυκλωθέντεσ τῆσ <τε> ἄλλησ στρατιᾶσ τὸ πολὺ ἀποβάλλουσι καὶ βασιλεὺσ ἔπεσεν Ἆγισ Εὐδαμίδου.

φανῆναι δὲ καὶ τὸν Ποσειδῶνα ἀμύνοντά σφισιν ἔφασαν οἱ Μαντινεῖσ, καὶ τοῦδε ἕνεκα τρόπαιον ἐποιήσαντο ἀνάθημα τῷ Ποσειδῶνι. πολέμῳ δὲ καὶ ἀνθρώπων φόνοισ παρεῖναι θεοὺσ ἐποίησαν μὲν ὅσοισ τὰ ἡρώων ἐμέλησεν ἐν Ἰλίῳ παθήματα, ᾄδεται δὲ ὑπὸ Ἀθηναίων ὡσ θεοί σφισιν ἐν Μαραθῶνι καὶ ἐν Σαλαμῖνι τοῦ ἔργου μετάσχοιεν·

ἐκδηλότατα δὲ ὁ Γαλατῶν στρατὸσ ἀπώλετο ἐν Δελφοῖσ ὑπὸ τοῦ θεοῦ καὶ ἐναργῶσ ὑπὸ δαιμόνων. οὕτω καὶ Μαντινεῦσιν ἕπεται οὐκ ἄνευ τοῦ Ποσειδῶνοσ τὸ κράτοσ γενέσθαι σφίσι. Λεωκύδουσ δὲ τοῦ Μεγαλοπολιτῶν ὁμοῦ Λυδιάδῃ στρατηγήσαντοσ πρόγονον ἔνατον Ἀρκεσίλαον οἰκοῦντα ἐν Λυκοσούρᾳ λέγουσιν οἱ Ἀρκάδεσ ὡσ ἴδοι τὴν ἱερὰν τῆσ καλουμένησ Δεσποίνησ ἔλαφον πεπονηκυῖαν ὑπὸ γήρωσ·

τῇ δὲ ἐλάφῳ ταύτῃ ψάλιόν τε εἶναι περὶ τὸν τράχηλον καὶ γράμματα ἐπὶ τῷ ψαλίῳ, νεβρὸσ ἐὼν ἑάλων, ὅτ’ ἐσ Ἴλιον ἦν Ἀγαπήνωρ. οὗτοσ μὲν δὴ ἐπιδείκνυσιν ὁ λόγοσ ἔλαφον εἶναι πολλῷ καὶ ἐλέφαντοσ μακροβιώτερον θηρίον·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Pausanias, Description of Greece, Ἀρκαδικά, chapter 10

(파우사니아스, Description of Greece, Ἀρκαδικά, chapter 10)

상위

목록

SEARCH

MENU NAVIGATION