헬라어 문장 검색 - Παυσαν́Δεσξριπ́8́09́

(파우사니아스, Description of Greece, Ἀρκαδικά, chapter 9)

ἔστι δὲ Μαντινεῦσι ναὸσ διπλοῦσ μάλιστά που κατὰ μέσον τοίχῳ διειργόμενοσ· τοῦ ναοῦ δὲ τῇ μὲν ἄγαλμά ἐστιν Ἀσκληπιοῦ, τέχνη δὲ Ἀλκαμένουσ, τὸ δὲ ἕτερον Λητοῦσ ἐστιν ἱερὸν καὶ τῶν παίδων· Πραξιτέλησ δὲ τὰ ἀγάλματα εἰργάσατο τρίτῃ μετὰ Ἀλκαμένην ὕστερον γενεᾷ. τούτων πεποιημένα ἐστὶν ἐπὶ τῷ βάθρῳ Μοῦσαι καὶ Μαρσύασ αὐλῶν. ἐνταῦθα ἀνὴρ ἐπείργασται στήλῃ Πολύβιοσ ὁ Λυκόρτα· καὶ τοῦ μὲν ἐπιμνησθησόμεθα καὶ ἐν τοῖσ ἔπειτα, Μαντινεῦσι δέ ἐστι καὶ ἄλλα ἱερά, τὸ μὲν Σωτῆροσ Διόσ, τὸ δὲ Ἐπιδώτου καλουμένου·

ἐπιδιδόναι γὰρ δὴ ἀγαθὰ αὐτὸν ἀνθρώποισ. ἔστι δὲ καὶ Διοσκούρων καὶ ἑτέρωθι Δήμητροσ καὶ Κόρησ ἱερόν· πῦρ δὲ ἐνταῦθα καίουσι, ποιούμενοι φροντίδα μὴ λάθῃ σφίσιν ἀποσβεσθέν. καὶ Ἥρασ πρὸσ τῷ θεάτρῳ ναὸν ἐθεασάμην· Πραξιτέλησ δὲ τὰ ἀγάλματα αὐτήν τε καθημένην ἐν θρόνῳ καὶ παρεστώσασ ἐποίησεν Ἀθηνᾶν καὶ Ἥβην παῖδα Ἥρασ.

πρὸσ δὲ τῆσ Ἥρασ τῷ βωμῷ καὶ Ἀρκάδοσ τάφοσ τοῦ Καλλιστοῦσ ἐστι· ἐπηγάγοντο ἐκ Μαινάλου, χρησμοῦ σφισιν ἐλθόντοσ ἐκ Δελφῶν·

ἔστι δὲ Μαιναλίη δυσχείμεροσ, ἔνθα τε κεῖταιἈρκάσ, ἀφ’ οὗ δὴ πάντεσ ἐπίκλησιν καλέονται,οὗ τρίοδοσ καὶ τετράοδοσ καὶ πεντακέλευθοσ.

ἔνθα σ’ ἐγὼ κέλομαι στείχειν καὶ ἐύφρονι θυμῷἈρκάδ’ ἀειραμένουσ κατάγειν εἰσ ἄστυ ἐραννόν· ἔνθα τε δὴ τέμενόσ τε θυηλάσ τ’ Ἀρκάδι τεύχειν. τὸ δὲ χωρίον τοῦτο, ἔνθα ὁ τάφοσ ἐστὶ τοῦ Ἀρκάδοσ, καλοῦσιν Ἡλίου βωμούσ. τοῦ θεάτρου δὲ οὐ πόρρω μνήματα προήκοντά ἐστιν ἐσ δόξαν, τὸ μὲν Ἑστία καλουμένη κοινή, περιφερὲσ σχῆμα ἔχουσα·

Ἀντινόην δὲ αὐτόθι ἐλέγετο κεῖσθαι τὴν Κηφέωσ· τῷ δὲ στήλη τε ἐφέστηκε καὶ ἀνὴρ ἱππεὺσ ἐπειργασμένοσ ἐστὶν ἐπὶ τῇ στήλῃ, Γρύλοσ ὁ Ξενοφῶντοσ. τοῦ θεάτρου δὲ ὄπισθεν ναοῦ τε Ἀφροδίτησ ἐπίκλησιν Συμμαχίασ ἐρείπια καὶ ἄγαλμα ἐλείπετο·

τὸ δὲ ἐπίγραμμα <τὸ> ἐπὶ τῷ βάθρῳ τὴν ἀναθεῖσαν τὸ ἄγαλμα ἐδήλου θυγατέρα εἶναι Πασέου Νικίππην. τὸ δὲ ἱερὸν κατεσκευάσαντο τοῦτο οἱ Μαντινεῖσ ὑπόμνημα ἐσ τοὺσ ἔπειτα τῆσ ὁμοῦ Ῥωμαίοισ ἐπ’ Ἀκτίῳ ναυμαχίασ. σέβουσι δὲ καὶ Ἀθηνᾶν Ἀλέαν, καὶ ἱερόν τε καὶ ἄγαλμα Ἀθηνᾶσ ἐστιν Ἀλέασ αὐτοῖσ. ἐνομίσθη δὲ καὶ Ἀντίνουσ σφίσιν εἶναι θεόσ·

τῶν δὲ ἐν Μαντινείᾳ νεώτατόσ ἐστιν ὁ τοῦ Ἀντίνου ναόσ. οὗτοσ ἐσπουδάσθη περισσῶσ δή τι ὑπὸ βασιλέωσ Ἀδριανοῦ· ἐγὼ δὲ μετ’ ἀνθρώπων μὲν ἔτι αὐτὸν ὄντα οὐκ εἶδον, ἐν δὲ ἀγάλμασιν εἶδον καὶ ἐν γραφαῖσ. ἔχει μὲν δὴ γέρα καὶ ἑτέρωθι, καὶ ἐπὶ τῷ Νείλῳ πόλισ Αἰγυπτίων ἐστὶν ἐπώνυμοσ Ἀντίνου· τιμὰσ δὲ ἐν Μαντινείᾳ κατὰ τοιόνδε ἔσχηκε.

γένοσ ἦν ὁ Ἀντίνουσ ἐκ Βιθυνίου τῆσ ὑπὲρ Σαγγαρίου ποταμοῦ· οἱ δὲ Βιθυνιεῖσ Ἀρκάδεσ τέ εἰσι καὶ Μαντινεῖσ τὰ ἄνωθεν. τούτων ἕνεκα ὁ βασιλεὺσ κατεστήσατο αὐτῷ καὶ ἐν Μαντινείᾳ τιμάσ, καὶ τελετή τε κατὰ ἔτοσ ἕκαστον καὶ ἀγών ἐστιν αὐτῷ διὰ ἔτουσ πέμπτου.

οἶκοσ δέ ἐστιν ἐν τῷ γυμνασίῳ Μαντινεῦσιν ἀγάλματα ἔχων Ἀντίνου καὶ ἐσ τἄλλα θέασ ἄξιοσ λίθων ἕνεκα οἷσ κεκόσμηται καὶ ἀπιδόντι ἐσ τὰσ γραφάσ· αἱ δὲ Ἀντίνου εἰσὶν αἱ πολλαί, Διονύσῳ μάλιστα εἰκασμέναι. καὶ δὴ καὶ τῆσ ἐν Κεραμεικῷ γραφῆσ, ἣ τὸ ἔργον εἶχε τὸ Ἀθηναίων ἐν Μαντινείᾳ, καὶ ταύτησ αὐτόθι ἐστὶ μίμημα. Μαντινεῦσι δὲ ἐν τῇ ἀγορᾷ γυναικόσ τε εἰκὼν χαλκῆ ‐ καὶ Μαντινεῖσ καλοῦσι Διομένειαν Ἀρκάδοσ ‐ καὶ ἡρῷόν ἐστι Ποδάρου·

φασὶ δὲ ἀποθανεῖν αὐτὸν ἐν τῇ πρὸσ Ἐπαμινώνδαν καὶ Θηβαίουσ μάχῃ. γενεαῖσ δὲ τρισὶν ἐμοῦ πρότερον μετέθεσαν τοῦ τάφου τὸ ἐπίγραμμα ἐσ ἄνδρα ἀπόγονον μὲν ἐκείνου Ποδάρου καὶ ὁμώνυμον, γεγονότα δὲ καθ’ ἡλικίαν ὡσ πολιτείασ ἤδη Ῥωμαίων μετειληφέναι. Ποδάρην δὲ ἐπ’ ἐμοῦ τὸν ἀρχαῖον ἐτίμων οἱ Μαντινεῖσ, λέγοντεσ ὡσ ἄριστοσ μὲν καὶ αὐτῶν καὶ τῶν συμμάχων γένοιτο ἐν τῇ μάχῃ Γρύλοσ ὁ Ξενοφῶντοσ, ἐπὶ δὲ τῷ Γρύλῳ Κηφισόδωροσ Μαραθώνιοσ, οὗτοσ δὲ τηνικαῦτα Ἀθηναίοισ ἐτύγχανεν ἱππαρχῶν·

τρίτα δὲ ἀνδραγαθίασ Ποδάρῃ νέμουσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀρκαδικά, chapter 9

(파우사니아스, Description of Greece, Ἀρκαδικά, chapter 9)

상위

목록

SEARCH

MENU NAVIGATION