헬라어 문장 검색 - Παυσαν́Δεσξριπ́10́24́

(파우사니아스, Description of Greece, Φωκικά, Λοκρῶν Ὀζόλων, chapter 24)

ταῦτα μὲν δὴ οὕτω γενόμενα ἴστω τισ· ἐν δὲ τῷ προνάῳ τῷ ἐν Δελφοῖσ γεγραμμένα ἐστὶν ὠφελήματα ἀνθρώποισ ἐσ βίον, ἐγράφη δὲ ὑπὸ ἀνδρῶν οὓσ γενέσθαι σοφοὺσ λέγουσιν Ἕλληνεσ. οὗτοι δὲ ἦσαν ἐκ μὲν Ιὠνίασ Θαλῆσ τε Μιλήσιοσ καὶ Πριηνεὺσ Βίασ, Αἰολέων δὲ τῶν ἐν Λέσβῳ Πιττακὸσ Μιτυληναῖοσ, ἐκ δὲ Δωριέων τῶν ἐν τῇ Ἀσίᾳ Κλεόβουλοσ Λίνδιοσ, καὶ Ἀθηναῖόσ τε Σόλων καὶ Σπαρτιάτησ Χίλων· τὸν δὲ ἕβδομον Πλάτων ὁ Ἀρίστωνοσ ἀντὶ Περιάνδρου τοῦ Κυψέλου Μύσωνα κατείλοχε τὸν Χηνέα· κώμη δὲ ἐν τῇ Οἴτῃ τῷ ὄρει ᾠκοῦντο αἱ Χῆναι. οὗτοι οὖν οἱ ἄνδρεσ ἀφικόμενοι ἐσ Δελφοὺσ ἀνέθεσαν τῷ Ἀπόλλωνι τὰ ᾀδόμενα Γνῶθι σαυτὸν καὶ Μηδὲν ἄγαν. οὗτοι μὲν δὴ ἐνταῦθα ἔγραψαν τὰ εἰρημένα, θεάσαιο δ’ ἂν καὶ εἰκόνα Ὁμήρου χαλκῆν ἐπὶ στήλῃ καὶ ἐπιλέξει τὸ μάντευμα ὃ γενέσθαι τῷ Ὁμήρῳ λέγουσιν·

ὄλβιε καὶ δύσδαιμον ‐ ἔφυσ γὰρ ἐπ’ ἀμφοτέροισι ‐ ,πατρίδα δίζηαι. μητρὶσ δέ τοι, οὐ πατρίσ ἐστιν. <ἔστιν> Ιὄσ νῆσοσ μητρὸσ πατρίσ, ἥ σε θανόνταδέξεται. ἀλλὰ νέων παίδων αἴνιγμα φύλαξαι. τοῦ Ὁμήρου λέγοντεσ.

Κύπριοι δὲ ‐ οἰκειοῦνται γὰρ δὴ καὶ οὗτοι Ὅμηρον ‐ Θεμιστώ τε αὐτῷ μητέρα εἶναι τῶν τινα ἐπιχωρίων γυναικῶν λέγουσι καὶ ὑπὸ Εὔκλου προθεσπισθῆναι τὰ ἐσ τὴν γένεσιν τὴν Ὁμήρου φασὶν ἐν τοῖσδε·

καὶ τότ’ ἐν εἰναλίῃ Κύπρῳ μέγασ ἔσσετ’ ἀοιδόσ,ὅν τε Θεμιστὼ τέξει ἐπ’ ἀγροῦ δῖα γυναικῶννόσφι πολυκτεάνοιο πολύκλειτον Σαλαμῖνοσ. Κύπρον δὲ προλιπὼν διερόσ θ’ ὑπὸ κύμασιν ἀρθείσ,Ἑλλάδοσ εὐρυχόρου μοῦνοσ κακὰ πρῶτοσ ἀείσασἔσσεται ἀθάνατοσ καὶ ἀγήραοσ ἤματα πάντα. ταῦτα ἡμεῖσ ἀκούσαντέσ τε καὶ ἐπιλεξάμενοι τοὺσ χρησμοὺσ ἰδίᾳ δὲ οὐδένα αὐτῶν λόγον οὔτε ἐσ πατρίδα οὔτε περὶ ἡλικίασ Ὁμήρου γράφομεν. ἐν δὲ τῷ ναῷ πεποίηται μὲν Ποσειδῶνοσ βωμόσ, ὅτι τὸ μαντεῖον τὸ ἀρχαιότατον κτῆμα ἦν καὶ Ποσειδῶνοσ, ἕστηκε δὲ καὶ ἀγάλματα Μοιρῶν δύο·

ἀντὶ δὲ αὐτῶν τῆσ τρίτησ Ζεύσ τε Μοιραγέτησ καὶ Ἀπόλλων σφίσι παρέστηκε Μοιραγέτησ. θεάσαιο δ’ ἂν ἐνταῦθα καὶ ἑστίαν, ἐφ’ ᾗ Νεοπτόλεμον τὸν Ἀχιλλέωσ ὁ ἱερεὺσ ἀπέκτεινε τοῦ Ἀπόλλωνοσ· τὰ δὲ ἐσ τοῦ Νεοπτολέμου τὴν τελευτήν ἐστιν ἡμῖν ἑτέρωθι εἰρημένα. ἀνάκειται δὲ οὐ πόρρω τῆσ ἑστίασ θρόνοσ Πινδάρου·

σιδήρου μέν ἐστιν ὁ θρόνοσ, ἐπὶ δὲ αὐτῷ φασιν, ὁπότε ἀφίκοιτο ἐσ Δελφοὺσ, καθέζεσθαί τε τὸν Πίνδαρον καὶ ᾄδειν ὁπόσα τῶν ᾀσμάτων ἐσ Ἀπόλλωνά ἐστιν. ἐσ δὲ τοῦ ναοῦ τὸ ἐσωτάτω, παρίασί τε ἐσ αὐτὸ ὀλίγοι καὶ χρυσοῦν Ἀπόλλωνοσ ἕτερον ἄγαλμα ἀνάκειται. ἐξελθόντι δὲ τοῦ ναοῦ καὶ τραπέντι ἐσ ἀριστερὰ περίβολόσ ἐστι καὶ Νεοπτολέμου τοῦ Ἀχιλλέωσ ἐν αὐτῷ τάφοσ·

καί οἱ κατὰ ἔτοσ ἐναγίζουσιν οἱ Δελφοί. ἐπαναβάντι δὲ ἀπὸ τοῦ μνήματοσ λίθοσ ἐστὶν οὐ μέγασ· τούτου καὶ ἔλαιον ὁσημέραι καταχέουσι καὶ κατὰ ἑορτὴν ἑκάστην ἔρια ἐπιτιθέασι τὰ ἀργά· ἔστι δὲ καὶ δόξα ἐσ αὐτὸν δοθῆναι Κρόνῳ τὸν λίθον ἀντὶ τοῦ παιδόσ, καὶ ὡσ αὖθισ ἤμεσεν αὐτὸν ὁ Κρόνοσ. ἰοῦσι δὲ ὡσ ἐπὶ τὸν ναὸν αὖθισ μετὰ τοῦ λίθου τὴν θέαν ἐστὶν ἡ Κασσοτὶσ καλουμένη πηγή·

τεῖχοσ δὲ οὐ μέγα ἐπ’ αὐτῇ καὶ ἡ ἄνοδοσ διὰ τοῦ τείχουσ ἐστὶν ἐπὶ τὴν πηγήν. ταύτησ τῆσ Κασσοτίδοσ δύεσθαί τε κατὰ τῆσ γῆσ λέγουσι τὸ ὕδωρ καὶ ἐν τῷ ἀδύτῳ τοῦ θεοῦ τὰσ γυναῖκασ μαντικὰσ ποιεῖν· τὴν δὲ τῇ κρήνῃ δεδωκυῖαν τὸ ὄνομα τῶν περὶ τὸν Παρνασσὸν νυμφῶν φασιν εἶναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Pausanias, Description of Greece, Φωκικά, Λοκρῶν Ὀζόλων, chapter 24

(파우사니아스, Description of Greece, Φωκικά, Λοκρῶν Ὀζόλων, chapter 24)

상위

목록

SEARCH

MENU NAVIGATION