Pausanias, Description of Greece, Φωκικά, Λοκρῶν Ὀζόλων, chapter 34

(파우사니아스, Description of Greece, Φωκικά, Λοκρῶν Ὀζόλων, chapter 34)

Ἐλάτεια δὲ τῶν ἐν Φωκεῦσι μεγίστη πόλεών ἐστι τῶν ἄλλων μετά γε τοὺσ Δελφούσ· κεῖται δὲ κατὰ Ἀμφίκλειαν, καὶ ἐσ αὐτὴν ὀγδοήκοντα καὶ ἑκατὸν ὁδόσ ἐστιν ἐξ Ἀμφικλείασ σταδίων, πεδιὰσ ἡ πολλὴ καὶ αὖθισ οὐκ ἐπὶ πολὺ ἀνάντησ ἡ ἐγγυτάτω τοῦ Ἐλατέων ἄστεωσ. ῥεῖ δὲ ἐν τῇ πεδιάδι ὁ Κηφισόσ· ὀρνίθων.

Ἐλατεῦσι δὲ ἐξεγένετο μὲν Κάσσανδρον καὶ τὴν Μακεδόνων ἀπώσασθαι στρατιάν, ὑπῆρξε δὲ καὶ Ταξίλου Μιθριδάτῃ στρατηγοῦντοσ τὸν πόλεμόν σφισιν ἐκφυγεῖν·

ἀντὶ τούτου δὲ τοῦ ἔργου Ῥωμαῖοι δεδώκασιν αὐτοῖσ ἐλευθέρουσ ὄντασ ἀτελῆ νέμεσθαι τὴν χώραν. ἀμφισβητοῦσι δὲ οὗτοι ξενικοῦ γένουσ, καὶ Ἀρκάδεσ φασὶν εἶναι τὸ ἀρχαῖον· Ἔλατον γὰρ τὸν Ἀρκάδοσ, ἡνίκα ἐπὶ τὸ ἱερὸν Φλεγύαι τὸ ἐν Δελφοῖσ ἐστρατεύσαντο, ἀμῦναί τε τῷ θεῷ καὶ ἐν τῇ Φωκίδι ὁμοῦ τῷ στρατεύματι αὐτὸν καταμείναντα Ἐλατείασ οἰκιστὴν γενέσθαι. ἐν δὲ ταῖσ Φωκέων πόλεσιν ἃσ ὁ Μῆδοσ ἐνέπρησεν, ἀριθμῆσαι καὶ τὴν Ἐλάτειαν ἔστιν ἐν ταύταισ.

συμφοραὶ δὲ αἱ μὲν πρὸσ Φωκέασ τοὺσ ἄλλουσ γεγόνασί σφισιν ἐν κοινῷ, τὰσ δὲ καὶ ἰδίᾳ τοῖσ Ἐλατεῦσιν ἐκ Μακεδόνων παρεσκεύασεν ὁ δαίμων. καὶ ἐπὶ μὲν Κασσάνδρου πολεμήσαντοσ Ὀλυμπιόδωροσ κατέστη μάλιστα αἴτιοσ ἄπρακτον τοῖσ Μακεδόσι γενέσθαι πολιορκίαν· Φίλιπποσ δὲ ὁ Δημητρίου τόν τε ἐν Ἐλατείᾳ δῆμον πρὸσ τὸ ἔσχατον δέουσ ἤγαγε καὶ ὑπηγάγετο ἅμα τοὺσ δυνατωτέρουσ δωρεᾷ. Τίτοσ μὲν δὴ ὁ ἄρχων ὁ Ῥωμαίων ‐ τὸ γὰρ δὴ Ἑλληνικὸν ἅπαν ἐλευθερώσων ἀπέσταλτο ἐκ Ῥώμησ ‐ πολιτείαν τε Ἐλατεῦσιν ἀποδώσειν τὴν ἀρχαίαν ἐπηγγέλλετο καὶ δι’ ἀγγέλων ἐπεκηρυκεύετό σφισιν ἀπὸ Μακεδόνων ἀφίστασθαι·

οἱ δὲ ὑπὸ ἀγνωμοσύνησ ὁ δῆμοσ ἢ οἱ ἔχοντεσ τὰσ ἀρχὰσ Φιλίππῳ τε ἦσαν πιστοὶ καὶ ὑπὸ τοῦ Ῥωμαίου πολιορκίᾳ παρέστησαν. χρόνῳ δὲ οἱ Ἐλατεῖσ ὕστερον Ταξίλου τε Μιθριδάτῃ στρατηγοῦντοσ καὶ τῶν ἐκ τοῦ Πόντου βαρβάρων ἀντέσχον τῇ πολιορκίᾳ· ἐπὶ τούτῳ δὲ ἐλευθέρουσ εἶναι τῷ ἔργῳ δέδοταί σφισιν ὑπὸ Ῥωμαίων.

τὸ δὲ Κοστοβώκων τε τῶν λῃστικῶν τὸ κατ’ ἐμὲ τὴν Ἑλλάδα ἐπιδραμὸν ἀφίκετο καὶ ἐπὶ τὴν Ἐλάτειαν·

ἔνθα δὴ ἀνὴρ Μνησίβουλοσ λόχον τε περὶ αὑτὸν ἀνδρῶν συνέστησε καὶ καταφονεύσασ πολλοὺσ τῶν βαρβάρων ἔπεσεν ἐν τῇ μάχῃ. οὗτοσ ὁ Μνησίβουλοσ δρόμου νίκασ καὶ ἄλλασ ἀνείλετο καὶ Ὀλυμπιάδι πέμπτῃ πρὸσ ταῖσ τριάκοντά τε καὶ διακοσίαισ σταδίου καὶ τοῦ σὺν τῇ ἀσπίδι διαύλου· ἐν Ἐλατείᾳ δὲ κατὰ τὴν ὁδὸν τοῦ δρομέωσ Μνησιβούλου χαλκοῦσ ἕστηκεν ἀνδριάσ. ἡ δὲ ἀγορὰ αὐτή τέ ἐστι θέασ ἀξία καὶ ὁ Ἔλατοσ ἐπειργασμένοσ στήλῃ·

σαφῶσ δὲ οὐκ οἶδα εἴτε τιμῶντεσ οἱᾶ οἰκιστὴν εἴτε καὶ μνήματοσ ἐπίθημα ἐποιήσαντο τὴν στήλην. τῷ δὲ Ἀσκληπιῷ ναὸσ ᾠκοδόμηται καὶ ἄγαλμα γένεια ἔχον ἐστί· τοῖσ ἐργασαμένοισ τὸ ἄγαλμα ὀνόματα μὲν Τιμοκλῆσ καὶ Τιμαρχίδησ, γένουσ δέ εἰσι τοῦ Ἀττικοῦ. ἐπὶ τῷ πέρατι <δὲ> τῷ ἐν δεξιᾷ τῆσ πόλεωσ θέατρόν τέ ἐστι καὶ χαλκοῦν Ἀθηνᾶσ ἄγαλμα ἀρχαῖον· ταύτην τὴν θεὸν λέγουσιν ἀμῦναί σφισιν ἐπὶ τοὺσ ὁμοῦ Ταξίλῳ βαρβάρουσ. Ἐλατείασ δὲ ὅσον σταδίουσ εἴκοσιν ἀφέστηκεν Ἀθηνᾶσ ἐπίκλησιν Κραναίασ ἱερόν·

ἡ δὲ ὁδὸσ ἐπὶ τοσοῦτον ἀναντεστέρα ὡσ ἀνιᾶν τὸ μηδὲν καὶ λεληθέναι μᾶλλον αὐτῆσ τὸ ἄναντεσ. λόφοσ δὲ ἐπὶ τῆσ ὁδοῦ τῷ πέρατι τὰ πλείω μὲν ἀπότομοσ, οὐ μέντοι ἄγαν ἢ μεγέθουσ ἔχων ἐστὶν ἢ ὕψουσ· καὶ ἄλλοισ καὶ μάλιστα τῷ ἱερωμένῳ.

τὸν δὲ ἱερέα ἐκ παίδων αἱροῦνται τῶν ἀνήβων, πρόνοιαν ποιούμενοι πρότερον τῆσ ἱερωσύνησ ἐξήκειν οἱ τὸν χρόνον πρὶν ἢ ἡβῆσαι·

ἱερᾶται δὲ ἔτη συνεχῆ πέντε, ἐν οἷσ τήν τε ἄλλην δίαιταν ἔχει παρὰ τῇ θεῷ καὶ λουτρὰ αἱ ἀσάμινθοι κατὰ τρόπον εἰσὶν αὐτῷ τὸν ἀρχαῖον. τὸ δὲ ἄγαλμα ἐποίησαν μὲν καὶ τοῦτο οἱ Πολυκλέουσ παῖδεσ, ἔστι δὲ ἐσκευασμένον ὡσ ἐσ μάχην· καὶ ἐπείργασται τῇ ἀσπίδι τῶν Ἀθήνῃσι μίμημα ἐπὶ τῇ ἀσπίδι τῆσ καλουμένησ ὑπὸ Ἀθηναίων Παρθένου.

일치하는 문장이 없습니다.

SEARCH

MENU NAVIGATION