Pausanias, Description of Greece, Φωκικά, Λοκρῶν Ὀζόλων, chapter 1

(파우사니아스, Description of Greece, Φωκικά, Λοκρῶν Ὀζόλων, chapter 1)

γῆσ δὲ τῆσ Φωκίδοσ, ὅσον μὲν περὶ Τιθορέαν καὶ Δελφούσ ἐστιν αὐτῆσ, ἐκ παλαιοτάτου φανερὰ τὸ ὄνομα τοῦτο εἰληφυῖά ἐστιν ἀπὸ ἀνδρὸσ Κορινθίου Φώκου τοῦ Ὀρνυτίωνοσ· ἔτεσι δ’ ὕστερον οὐ πολλοῖσ ἐξενίκησε καὶ ἁπάσῃ γενέσθαι τῇ ἐφ’ ἡμῶν καλουμένῃ Φωκίδι, Αἰγινητῶν ναυσὶν ἐσ τὴν χώραν διαβάντων ὁμοῦ Φώκῳ τῷ Αἰακοῦ. τὰ μὲν δὴ ἀπαντικρὺ Πελοποννήσου καὶ τὰ ἐπὶ Βοιωτίασ καθήκουσιν ἐπὶ θάλασσαν οἱ Φωκεῖσ, τῇ μὲν ἐσ Κίρραν τὸ ἐπίνειον Δελφῶν, τῇ δ’ ἐπὶ Ἀντίκυραν πόλιν·

τὰ δὲ πρὸσ τοῦ Λαμιακοῦ κόλπου Λοκροὶ σφᾶσ παραθαλασσίουσ οἱ Ὑποκνημίδιοι κωλύουσιν εἶναι· οὗτοι γὰρ δή εἰσιν οἱ ταύτῃ τὴν Φωκίδα ὑπεροικοῦντεσ, Σκαρφεῖσ μὲν τὰ ἐπέκεινα Ἐλατείασ, ὑπὲρ δὲ Υἅμπολιν καὶ Ἄβασ οἱ πόλιν τε Ὀποῦντα καὶ Ὀπουντίων ἐπίνειον νεμόμενοι Κῦνον. τὰ δὲ ἐπιφανέστατα Φωκεῦσίν ἐστιν ἐν κοινῷ·

πολέμου γὰρ τοῦ πρὸσ Ἰλίῳ μετεσχήκασι, καὶ Θεσσαλῶν ἐναντία ἐπολέμησαν πρότερον ἔτι ἢ ἐλάσαι τὸν Μῆδον ἐπὶ Ἕλληνασ, ὅτε δὴ καὶ ἐπεδείξαντο οἱ Φωκεῖσ ἔργα ἐσ μνήμην. κατὰ γὰρ τὴν Υἅμπολιν, ᾗ τοὺσ Θεσσαλοὺσ προσεδέχοντο ἐμβαλεῖν σφισιν ἐσ τὴν χώραν, ὑδρίασ κεράμου πεποιημένασ κατορύξαντεσ καὶ ἐπ’ αὐτὰσ γῆν ἐπιφορήσαντεσ ὑπέμενον τὴν ἵππον τῶν Θεσσαλῶν· οἱ δέ, ἅτε οὐ προπεπυσμένοι τῶν Φωκέων τὴν τέχνην, ἐπελάσαντεσ τοὺσ ἵππουσ λανθάνουσιν ἐπὶ τὰσ ὑδρίασ.

ἐνταῦθα ἀπεχωλοῦντο μὲν οἱ ἵπποι τῶν ποδῶν ἐσπιπτόντων σφίσιν ἐσ τὰσ ὑδρίασ, ἐκτείνοντο δὲ καὶ ἀπέπιπτον οἱ ἄνδρεσ ἀπὸ τῶν ἵππων. ὡσ δὲ οἱ Θεσσαλοὶ μείζονι ἢ τὰ πρότερα ἐσ τοὺσ Φωκέασ χρώμενοι τῇ ὀργῇ συνελέχθησαν ἀπὸ τῶν πόλεων πασῶν καὶ ἐσ τὴν Φωκίδα ἐστρατεύοντο, ἐνταῦθα οἱ Φωκεῖσ ἐν οὐ μικρῷ ποιούμενοι δείματι τήν τε ἄλλην τῶν Θεσσαλῶν ἐσ τὸν πόλεμον παρασκευὴν καὶ οὐχ ἥκιστα τῆσ ἵππου τὸ πλῆθοσ καὶ ὁμοῦ τῷ ἀριθμῷ τὴν ἐσ τοὺσ ἀγῶνασ τῶν τε ἵππων καὶ αὐτῶν μελέτην τῶν ἱππέων, ἀποστέλλουσιν ἐσ Δελφοὺσ αἰτοῦντεσ τὸν θεὸν ἐκφυγεῖν τὸν ἐπιόντα κίνδυνον·

καὶ αὐτοῖσ ἀφίκετο μάντευμα· συμβαλέω θνητόν τε καὶ ἀθάνατον μαχέσασθαι,νίκην δ’ ἀμφοτέροισ δώσω, θνητῷ δέ νυ μᾶλλον. ταῦτα ὡσ ἐπύθοντο οἱ Φωκεῖσ, λογάδασ τριακοσίουσ καὶ Γέλωνα ἐπ’ αὐτοῖσ ἄρχοντα ἀποστέλλουσιν ἐσ τοὺσ πολεμίουσ ἄρτι ἀρχομένησ νυκτόσ, προστάξαντέσ σφισι κατοπτεῦσαί τε τὰ τῶν Θεσσαλῶν ὅντινα ἀφανέστατον δύναιντο τρόπον καὶ αὖθισ ἐσ τὸ στράτευμα ἐπανήκειν κατὰ τῶν ὁδῶν τὴν μάλιστα ἄγνωστον, μηδὲ ἑκόντασ μάχησ ἄρχειν.

οὗτοι ὑπὸ τῶν Θεσσαλῶν οἱ λογάδεσ ἀπώλοντο ἀθρόοι καὶ αὐτοὶ καὶ ὁ ἡγούμενόσ σφισι Γέλων, συμπατούμενοί τε ὑπὸ τῶν ἵππων καὶ ὑπὸ τῶν ἀνδρῶν φονευόμενοι. κατάπληξιν τοῖσ ἐπὶ <τοῦ> στρατοπέδου τῶν Φωκέων τηλικαύτην ἐνεποίησεν, ὥστε καὶ τὰσ γυναῖκασ καὶ παῖδασ καὶ ὅσα τῶν κτημάτων ἄγειν ἦν σφίσιν ἢ φέρειν, ἔτι δὲ καὶ ἐσθῆτα καὶ χρυσόν τε καὶ ἄργυρον καὶ τὰ ἀγάλματα τῶν θεῶν ἐσ ταὐτὸ συλλέξαντεσ πυρὰν ὡσ μεγίστην ἐποίησαν, καὶ ἐπ’ αὐτοῖσ ἀριθμὸν τριάκοντα ἄνδρασ ἀπολείπουσι·

προσετέτακτο δὲ τοῖσ ἀνδράσιν, εἰ ἡττᾶσθαι τοὺσ Φωκέασ συμβαίνοι τῇ μάχῃ, τότε δὴ προαποσφάξαι μὲν τὰσ γυναῖκάσ τε καὶ παῖδασ καὶ ὡσ ἱερεῖα ἀναθέντασ ταῦτά τε καὶ τὰ χρήματα ἐπὶ τὴν πυρὰν καὶ ἐνέντασ πῦρ οὕτωσ ἤδη διαφθαρῆναι καὶ αὐτοὺσ ἤτοι ὑπ’ ἀλλήλων ἢ ἐσ τὴν ἵππον τῶν Θεσσαλῶν ἐσπίπτοντασ.

ἀντὶ τούτου μὲν ἅπαντα τὰ ἀνάλγητα βουλεύματα ἀπόνοια ὑπὸ Ἑλλήνων ὀνομάζεται Φωκική, τότε δὲ οἱ Φωκεῖσ ἐποιοῦντο αὐτίκα ἐπὶ τοὺσ Θεσσαλοὺσ ἔξοδον· στρατηγοὶ δὲ ἦσάν σφισι Ῥοῖόσ τε Ἀμβροσσεὺσ καὶ Υἁμπολίτησ Δαϊφάντησ, οὗτοσ μὲν δὴ ἐπὶ τῇ ἵππῳ, δυνάμεωσ δὲ τῆσ πεζῆσ ὁ Ἀμβροσσεύσ.

ὁ δὲ χώραν <ἐν> τοῖσ ἄρχουσιν ἔχων τὴν μεγίστην μάντισ ἦν <Τελλίασ> ὁ Ἠλεῖοσ, καὶ ἐσ τὸν Τελλίαν τοῖσ Φωκεῦσι τῆσ σωτηρίασ ἀπέκειντο αἱ ἐλπίδεσ. ὡσ δὲ ἐσ χεῖρασ συνῄεσαν, ἐνταῦθα τοῖσ Φωκεῦσιν ἐγίνετο ἐν ὀφθαλμοῖσ τὰ ἐσ τὰσ γυναῖκασ καὶ ἐσ τὰ τέκνα δόξαντα, τήν τε σωτηρίαν οὐκ ἐν βεβαίῳ σφίσιν ἑώρων σαλεύουσαν καὶ τούτων ἕνεκα ἐσ παντοῖα ἀφικνοῦντο τολμήματα·

προσγενομένου δὲ καὶ τοῦ ἐκ θεῶν εὐμενοῦσ νίκην τῶν τότε ἀνείλοντο ἐπιφανεστάτην. τό τε λόγιον τὸ γεγενημένον τοῖσ Φωκεῦσι παρὰ τοῦ Ἀπόλλωνοσ καὶ τοῖσ πᾶσιν Ἕλλησιν ἐγνώσθη·

τὸ γὰρ σύνθημα κατὰ τὰ αὐτὰ ὑπὸ τῶν στρατηγούντων ἐδίδοτο ἐν ταῖσ μάχαισ Θεσσαλοῖσ μὲν Ἀθηνᾶσ Ἰτωνίασ, τοῖσ δὲ ὁ ἐπώνυμοσ Φῶκοσ. ἀπὸ τούτου δὲ τοῦ ἔργου καὶ ἀναθήματα οἱ Φωκεῖσ ἀπέστειλαν ἐσ Δελφοὺσ Ἀπόλλωνα καὶ Τελλίαν τότε τὸν μάντιν καὶ ὅσοι μαχομένοισ ἄλλοι σφίσιν ἐστρατήγησαν, σὺν δὲ αὐτοῖσ καὶ ἡρ́ωασ τῶν ἐπιχωρίων· ἔργα δὲ αἱ εἰκόνεσ Ἀριστομέδοντόσ εἰσιν Ἀργείου. εὑρέθη δὲ καὶ ὕστερον τοῖσ Φωκεῦσιν οὐκ ἀποδέον σοφίᾳ τῶν προτέρων.

ὡσ γὰρ δὴ τὰ στρατόπεδα ἀντεκάθητο περὶ τὴν ἐσ τὴν Φωκίδα ἐσβολήν, λογάδεσ Φωκέων πεντακόσιοι φυλάσσοντεσ πλήρη τὸν κύκλον τῆσ σελήνησ ἐπιχειροῦσιν ἐν τῇ νυκτὶ τοῖσ Θεσσαλοῖσ, αὐτοί τε ἀληλιμμένοι γύψῳ καὶ ἐνδεδυκότεσ ὅπλα λευκὰ ἐπὶ τῇ γύψῳ. ἐνταῦθα ἐξεργασθῆναι φόνον τῶν Θεσσαλῶν λέγεται πλεῖστον, θειότερόν τι ἡγουμένων ἢ κατὰ ἔφοδον πολεμίων τὸ ἐν τῇ νυκτὶ συμβαῖνον. ὁ δὲ Ἠλεῖοσ ἦν Τελλίασ ὃσ καὶ ταῦτα τοῖσ Φωκεῦσιν ἐμηχανήσατο ἐσ τοὺσ Θεσσαλούσ.

일치하는 문장이 없습니다.

SEARCH

MENU NAVIGATION