Pausanias, Description of Greece, Φωκικά, Λοκρῶν Ὀζόλων, chapter 26

(파우사니아스, Description of Greece, Φωκικά, Λοκρῶν Ὀζόλων, chapter 26)

τῶν δὲ γυναικῶν τῶν μεταξὺ τῆσ τε Αἴθρασ καὶ Νέστοροσ, εἰσὶν ἄνωθεν τούτων αἰχμάλωτοι καὶ αὗται Κλυμένη τε καὶ Κρέουσα καὶ Ἀριστομάχη καὶ Ξενοδίκη. Κλυμένην μὲν οὖν Στησίχοροσ ἐν Ἰλίου πέρσιδι κατηρίθμηκεν ἐν ταῖσ αἰχμαλώτοισ· ὡσαύτωσ δὲ καὶ Ἀριστομάχην ἐποίησεν ἐν Νόστοισ θυγατέρα μὲν Πριάμου, Κριτολάου δὲ γυναῖκα εἶναι τοῦ Ἱκετάονοσ· Ξενοδίκησ δὲ μνημονεύσαντα οὐκ οἶδα οὔτε ποιητὴν οὔτε ὅσοι λόγων συνθέται. ἐπὶ δὲ τῇ Κρεούσῃ λέγουσιν ὡσ ἡ θεῶν μήτηρ καὶ Ἀφροδίτη δουλείασ ἀπὸ Ἑλλήνων αὐτὴν ἐρρύσαντο, εἶναι γὰρ δὴ καὶ Αἰνείου τὴν Κρέουσαν γυναῖκα· Λέσχεωσ δὲ καὶ ἔπη τὰ Κύπρια διδόασιν Εὐρυδίκην γυναῖκα Αἰνείᾳ. γεγραμμέναι δὲ ἐπὶ κλίνησ ὑπὲρ ταύτασ Δηινόμη τε καὶ Μητιόχη καὶ Πεῖσίσ ἐστι καὶ Κλεοδίκη·

τούτων ἐν Ἰλιάδι καλουμένῃ μικρᾷ μόνησ ἐστὶ τὸ ὄνομα τῆσ Δηινόμησ, τῶν δ’ ἄλλων ἐμοὶ δοκεῖν συνέθηκε τὰ ὀνόματα ὁ Πολύγνωτοσ. γέγραπται δὲ καὶ Ἐπειὸσ γυμνὸσ καταβάλλων ἐσ ἔδαφοσ τῶν Τρώων τὸ τεῖχοσ· ἀνέχει δὲ ὑπὲρ αὐτὸ κεφαλὴ τοῦ ἵππου μόνη τοῦ δουρείου. κεφαλῇ κράνοσ·

λόφοσ δὲ ἐπὶ τῷ κράνει πεποίηται.

καὶ Ὀδυσσεύσ τέ ἐστι καὶ ἐνδέδυκε θώρακα Ὀδυσσεύσ. Αἰάσ δὲ ὁ Οἰλέωσ ἔχων ἀσπίδα βωμῷ προσέστηκεν, ὀμνύμενοσ ὑπὲρ τοῦ ἐσ Κασσάνδραν τολμήματοσ· ἡ δὲ κάθηταί τε ἡ Κασσάνδρα χαμαὶ καὶ τὸ ἄγαλμα ἔχει τῆσ Ἀθηνᾶσ, εἴγε δὴ ἀνέτρεψεν ἐκ βάθρων τὸ ξόανον, ὅτε ἀπὸ τῆσ ἱκεσίασ αὐτὴν ὁ Αἰάσ ἀφεῖλκε. γεγραμμένοι δὲ καὶ οἱ παῖδέσ εἰσιν οἱ Ἀτρέωσ, ἐπικείμενοι καὶ οὗτοι κράνη, Μενελάῳ δὲ ἀσπίδα ἔχοντι δράκων ἐπὶ τῇ ἀσπίδι ἐστὶν εἰργασμένοσ τοῦ ἐν Αὐλίδι φανέντοσ ἐπὶ τοῖσ ἱερείοισ τέρατοσ ἕνεκα. ὑπὸ τούτοισ <τοῖσ> τὸν Αἰάντα ἐξορκοῦσιν, κατ’ εὐθὺ δὲ τοῦ ἵππου <τοῦ> παρὰ τῷ Νέστορι Νεοπτόλεμοσ ἀπεκτονώσ ἐστιν Ἔλασον, ὅστισ δὴ ὁ Ἔλασοσ. οὗτοσ μὲν δὴ ὀλίγον ἐμπνέοντι ἔτι εἴκασται·

Ἀστύνοον δέ, οὗ δὴ ἐποιήσατο καὶ Λέσχεωσ μνήμην, πεπτωκότα ἐσ γόνυ ὁ Νεοπτόλεμοσ ξίφει παίει. Νεοπτόλεμον δὲ μόνον τοῦ Ἑλληνικοῦ φονεύοντα ἔτι τοὺσ Τρῶασ ἐποίησεν ὁ Πολύγνωτοσ, ὅτι ὑπὲρ τοῦ Νεοπτολέμου τὸν τάφον ἡ γραφὴ πᾶσα ἔμελλεν αὐτῷ γενήσεσθαι. τοῦ δὲ Ἀχιλλέωσ τῷ παιδὶ Ὅμηροσ μὲν Νεοπτόλεμον ὄνομα ἐν ἁπάσῃ οἱ τίθεται τῇ ποιήσει· τὰ δὲ Κύπρια ἔπη φησὶν ὑπὸ Λυκομήδουσ μὲν Πύρρον, Νεοπτόλεμον δὲ ὄνομα ὑπὸ Φοίνικοσ αὐτῷ τεθῆναι, ὅτι Ἀχιλλεὺσ ἡλικίᾳ ἔτι νέοσ πολεμεῖν ἤρξατο. γέγραπται δὲ βωμόσ τε καὶ ὑπὸ δείματοσ παῖσ μικρὸσ ἐχόμενοσ τοῦ βωμοῦ·

κεῖται δὲ καὶ θώραξ ἐπὶ τῷ βωμῷ χαλκοῦσ. κατὰ δὴ ἐμὲ σπάνιον τῶν θωράκων τὸ σχῆμα ἦν τούτων, τὸ δὲ ἀρχαῖον ἔφερον αὐτούσ. δύο ἦν χαλκᾶ ποιήματα, τὸ μὲν στέρνῳ καὶ τοῖσ ἀμφὶ τὴν γαστέρα ἁρμόζον, τὸ δὲ ὡσ νώτου σκέπην εἶναι ‐ γύαλα ἐκαλοῦντο ‐ · τὸ μὲν ἔμπροσθεν τὸ δὲ ὄπισθεν προσῆγον, ἔπειτα περόναι συνῆπτον πρὸσ ἄλληλα.

ἀσφάλειαν δὲ ἀποχρῶσαν ἐδόκει παρέχεσθαι καὶ ἀσπίδοσ χωρίσ·

ἐπὶ τούτῳ καὶ Ὅμηροσ Φόρκυνα τὸν Φρύγα οὐκ ἔχοντα ἀσπίδα ἐποίησεν, ὅτι αὐτῷ γυαλοθώραξ ἦν. ἐγὼ δὲ γραφῇ μεμιμημένον τοῦτον ἐθεασάμην ὑπὸ τοῦ Πολυγνώτου, καὶ ἐν Ἀρτέμιδοσ τῆσ Ἐφεσίασ Καλλιφῶν ὁ Σάμιοσ Πατρόκλῳ τοῦ θώρακοσ τὰ γύαλα ἁρμοζούσασ ἔγραψε γυναῖκασ. τοῦ βωμοῦ δὲ ἐπέκεινα Λαοδίκην ἔγραψεν ἑστῶσαν.

ταύτην οὔτε ὑπὸ ποιητοῦ κατειλεγμένην ἐν ταῖσ αἰχμαλώτοισ ταῖσ Τρῳάσιν εὑρ́ισκον οὔτε ἄλλωσ ἐφαίνετο ἔχειν μοι τὸ εἰκὸσ ἢ ἀφεθῆναι τὴν Λαοδίκην ὑπὸ Ἑλλήνων. Ὅμηροσ μέν γε ἐδήλωσεν ἐν Ἰλιάδι Μενελάου καὶ Ὀδυσσέωσ ξενίαν παρὰ Ἀντήνορι καὶ ὡσ Ἑλικάονι ἡ Λαοδίκη συνοικοίη τῷ Ἀντήνοροσ· Λέσχεωσ δὲ τετρωμένον τὸν Ἑλικάονα ἐν τῇ νυκτομαχίᾳ γνωρισθῆναί τε ὑπὸ Ὀδυσσέωσ καὶ ἐξαχθῆναι ζῶντα ἐκ τῆσ μάχησ φησίν.

ἕποιτο ἂν οὖν τῇ Μενελάου καὶ Ὀδυσσέωσ κηδεμονίᾳ περὶ οἶκον τὸν Ἀντήνοροσ μηδὲ ἐσ τοῦ Ἑλικάονοσ τὴν γυναῖκα ἔργον δυσμενὲσ ὑπὸ Ἀγαμέμνονοσ καὶ Μενελάου γενέσθαι· Εὐφορίων δὲ ἀνὴρ Χαλκιδεὺσ σὺν οὐδενὶ εἰκότι τὰ ἐσ τὴν Λαοδίκην ἐποίησεν. ἐφεξῆσ δὲ τῇ Λαοδίκῃ ὑποστάτησ τε λίθου καὶ λουτήριόν ἐστιν ἐπὶ τῷ ὑποστάτῃ χαλκοῦν, Μέδουσα δὲ κατέχουσα ταῖσ χερσὶν ἀμφοτέραισ τὸ ὑπόστατον ἐπὶ τοῦ ἐδάφουσ κάθηται·

ἐν δὲ ταῖσ Πριάμου θυγατράσιν ἀριθμήσαι τισ ἂν καὶ ταύτην κατὰ τοῦ Ἱμεραίου τὴν ᾠδήν.

παρὰ δὲ τὴν Μέδουσαν ἐν χρῷ κεκαρμένη πρεσβῦτισ ἢ ἄνθρωπόσ ἐστιν εὐνοῦχοσ, παιδίον δὲ ἐν τοῖσ γόνασιν ἔχει γυμνόν· τὸ δὲ τὴν χεῖρα ὑπὸ δείματοσ ἐπίπροσθε τῶν ὀφθαλμῶν πεποίηται.

일치하는 문장이 없습니다.

SEARCH

MENU NAVIGATION