Pausanias, Description of Greece, Φωκικά, Λοκρῶν Ὀζόλων, chapter 35

(파우사니아스, Description of Greece, Φωκικά, Λοκρῶν Ὀζόλων, chapter 35)

ἐσ Ἄβασ δὲ ἀφικέσθαι καὶ ἐσ Υἅμπολιν ἔστι μὲν καὶ ἐξ Ἐλατείασ ὀρεινὴν ὁδὸν ἐν δεξιᾷ τοῦ Ἐλατέων ἄστεωσ, ἡ δὲ ἐπὶ Ὀποῦντα λεωφόροσ ἡ ἐξ Ὀρχομενοῦ καὶ ἐσ ταύτασ φέρει τὰσ πόλεισ. ἰόντι οὖν ἐσ Ὀποῦντα ἐξ Ὀρχομενοῦ καὶ ἐκτραπέντι οὐ πολὺ ἐπ’ ἀριστερὰν ὁδόσ <ἐστιν> ἡ ἐσ Ἄβασ. οἱ δὲ ἐν ταῖσ Ἄβαισ ἐσ γῆν τὴν Φωκίδα ἀφικέσθαι λέγουσιν ἐξ Ἄργουσ καὶ τὸ ὄνομα ἀπὸ Ἄβαντοσ τοῦ οἰκιστοῦ λαβεῖν τὴν πόλιν, τὸν δὲ Λυγκέωσ τε καὶ Ὑπερμήστρασ τῆσ Δαναοῦ παῖδα εἶναι. Ἀπόλλωνοσ δὲ ἱερὰσ νενομίκασιν εἶναι τὰσ Ἄβασ ἐκ παλαιοῦ, καὶ χρηστήριον καὶ αὐτόθι ἦν Ἀπόλλωνοσ. θεῷ δὲ τῷ ἐν Ἄβαισ οὐχ ὁμοίωσ Ῥωμαῖοί τε ἀπένειμαν τὰ ἐσ τιμὴν καὶ ὁ Πέρσησ·

ἀλλὰ Ῥωμαῖοι μὲν εὐσεβείᾳ τῇ ἐσ τὸν Ἀπόλλωνα Ἀβαίοισ δεδώκασιν αὐτονόμουσ σφᾶσ εἶναι, στρατιὰ δὲ ἡ μετὰ Ξέρξου κατέπρησε καὶ τὸ ἐν Ἄβαισ ἱερόν. Ἑλλήνων δὲ τοῖσ ἀντιστᾶσι τῷ βαρβάρῳ τὰ κατακαυθέντα ἱερὰ μὴ ἀνιστάναι σφίσιν ἔδοξεν, ἀλλὰ ἐσ τὸν πάντα ὑπολείπεσθαι χρόνον τοῦ ἔχθουσ ὑπομνήματα· καὶ τοῦδε ἕνεκα οἵ τε ἐν τῇ Ἁλιαρτίᾳ ναοὶ καὶ Ἀθηναίοισ τῆσ Ἥρασ ἐπὶ ὁδῷ τῇ Φαληρικῇ καὶ ὁ ἐπὶ Φαληρῷ τῆσ Δήμητροσ καὶ κατ’ ἐμὲ ἔτι ἡμίκαυτοι μένουσι.

τοιαύτην θέαν καὶ τοῦ ἐν Ἄβαισ ἱεροῦ τότε γε εἶναι δοκῶ, ἐσ ὃ ἐν τῷ πολέμῳ τῷ Φωκικῷ βιασθέντασ μάχῃ Φωκέων ἄνδρασ καὶ ἐσ Ἄβασ ἐκπεφευγότασ αὐτούσ τε οἱ Θηβαῖοι τοὺσ ἱκέτασ καὶ τὸ ἱερόν, δεύτερον δὴ οὗτοι μετὰ Μήδουσ, ἔδοσαν πυρί·

εἱστήκει δ’ οὖν καὶ ἐσ ἐμὲ ἔτι οἰκοδομημάτων ἀσθενέστατον ὁπόσα δὴ ἡ φλὸξ ἐλυμήνατο, ἅτε ἐπὶ τῷ Μηδικῷ προλωβησαμένῳ πυρὶ αὖθισ ὑπὸ τοῦ Βοιωτίου πυρὸσ κατειργασμένον. παρὰ δὲ τὸν ναὸν τὸν μέγαν ἐστὶν ἄλλοσ ναόσ, ἀποδέων ἐκείνου μέγεθοσ·

βασιλεὺσ δὲ Ἀδριανὸσ ἐποίησε τῷ Ἀπόλλωνι· τὰ δὲ ἀγάλματα ἀρχαιότερα καὶ αὐτῶν ἐστιν Ἀβαίων ἀνάθημα, χαλκοῦ δὲ εἴργασται καὶ ὁμοίωσ ἐστὶν ὀρθά, Ἀπόλλων καὶ Λητώ τε καὶ Ἄρτεμισ. Ἀβαίοισ δὲ ἔστι μὲν θέατρον, ἔστι δὲ καὶ ἀγορά σφισι, κατασκευῆσ ἀμφότερα ἀρχαίασ. ἐπανελθόντα δὲ ἐσ τὴν ὁδὸν τὴν ἐσ Ὀποῦντα εὐθεῖαν Υἅμπολισ τὸ ἀπὸ τούτου σε ἐκδέξεται.

τῶν δὲ ἐνταῦθα ἀνθρώπων καὶ αὐτὸ κατηγορεῖ τὸ ὄνομα οἵτινεσ ἦσαν ἐξ ἀρχῆσ καὶ ὁπόθεν ἐξαναστάντεσ ἀφίκοντο ἐσ ταύτην τὴν χώραν· Υἅντεσ γὰρ οἱ ἐκ Θηβῶν Κάδμον καὶ τὸν σὺν ἐκείνῳ φυγόντεσ στρατὸν ἀφίκοντο ἐνταῦθα. προσχώρων ἐκαλοῦντο Υἅντων πόλισ, χρόνῳ μέντοι ὕστερον Υἅμπολιν ἐξενίκησεν ὀνομασθῆναι.

ἅτε δὲ καὶ βασιλέωσ Ξέρξου καταπρήσαντοσ τὴν πόλιν καὶ αὖθισ Φιλίππου κατασκάψαντοσ, ὅμωσ τὰ ὑπολειπόμενα ἦν ἀγορᾶσ τε ἀρχαίασ κατασκευὴ καὶ βουλευτήριον, οἴκημα οὐ μέγα, καὶ θέατρον οὐ πόρρω τῶν πυλῶν.

Ἀδριανὸσ δὲ βασιλεὺσ στοὰν ᾠκοδομήσατο, καὶ ἐπώνυμοσ ἡ στοὰ τοῦ ἀναθέντοσ βασιλέωσ ἐστί. φρέαρ δέ σφισίν ἐστιν ἕν· ἀπὸ τούτου μόνου καὶ πίνουσι καὶ λούονται, ἀπ’ ἄλλου δὲ ἔχουσιν οὐδενὸσ πλήν γε δὴ ὡρ́ᾳ χειμῶνοσ τὸ ἐκ τοῦ θεοῦ. σέβονται δὲ μάλιστα Ἄρτεμιν, καὶ ναὸσ Ἀρτέμιδόσ ἐστιν αὐτοῖσ·

τὸ δὲ ἄγαλμα ὁποῖόν τί ἐστιν οὐκ ἐδήλωσα· δὶσ γὰρ καὶ οὐ πλέον ἑκάστου ἐνιαυτοῦ τὸ ἱερὸν ἀνοιγνύναι νομίζουσιν. ὁπόσα δ’ ἂν τῶν βοσκημάτων ἱερὰ ἐπονομάσωσιν εἶναι τῇ Ἀρτέμιδι, ἄνευ νόσου ταῦτα καὶ πιότερα τῶν ἄλλων ἐκτρέφεσθαι λέγουσιν. ἐσβολὴ δὲ ἐκ Χαιρωνείασ ἐσ γῆν τὴν Φωκίδα οὐ μόνον ἡ εὐθεῖά ἐστιν ἐσ Δελφοὺσ ἡ διά τε Πανοπέωσ καὶ παρὰ τὴν Δαυλίδα καὶ ὁδὸν τὴν Σχιστήν·

φέρει δὲ ἐκ Χαιρωνείασ καὶ ἑτέρα τραχεῖά τε ὁδὸσ καὶ ὀρεινὴ τὰ πλέονα ἐσ πόλιν Φωκέων Στῖριν· μῆκοσ δὲ εἴκοσι στάδιοι τῆσ ὁδοῦ καὶ ἑκατόν. οἱ δὲ ἐνταῦθά φασιν οὐ Φωκεῖσ, Ἀθηναῖοι δὲ εἶναι τὰ ἄνωθεν, καὶ ἐκ τῆσ Ἀττικῆσ ὁμοῦ Πετεῷ τῷ Ὀρνέωσ ἀφικέσθαι διωχθέντι ὑπὸ Αἰγέωσ ἐξ Ἀθηνῶν· ὅτι δὲ τῷ Πετεῷ τὸ πολὺ ἐκ τοῦ δήμου τοῦ Στιρέων ἠκολούθησεν, ἐπὶ τούτῳ κληθῆναι τὴν πόλιν Στῖριν. Στιρίταισ δέ ἐστιν ἐπὶ ὑψηλοῦ καὶ πετρώδουσ ἡ οἴκησισ·

σπανίζουσιν οὖν κατὰ τοῦτο ὕδατοσ θέρουσ ὡρ́ᾳ·

φρέατα γὰρ αὐτόθι οὔτε πολλὰ οὔτε ὕδωρ παρεχόμενά ἐστιν ἐπιτήδειον. ταῦτα μὲν δὴ λουτρά σφισι καὶ ὑποζυγίοισ ποτὸν γίνεται, τὸ δὲ ὕδωρ οἱ ἄνθρωποι τὸ πότιμον ὅσον στάδια τέσσαρα ὑποκαταβαίνοντεσ λαμβάνουσιν ἐκ πηγῆσ· ἡ δὲ ἐν πέτραισ ἐστὶν ὀρωρυγμένη, καὶ ἀρύονται κατιόντεσ ἐσ τὴν πηγήν. Δήμητροσ δὲ ἐπίκλησιν Στιρίτιδοσ ἱερόν ἐστιν ἐν Στῖρι·

πλίνθου μὲν τῆσ ὠμῆσ τὸ ἱερόν, λίθου δὲ τοῦ Πεντελῆσι τὸ ἄγαλμα, δᾷδασ ἡ θεὸσ ἔχουσα. παρὰ δὲ αὐτῇ κατειλημμένον ταινίαισ ἄγαλμα ἀρχαῖόν ἐστιν ἄλλο ὁπόσα Δήμητροσ ἐσ τιμήν.

일치하는 문장이 없습니다.

SEARCH

MENU NAVIGATION