헬라어 문장 검색 - Παυσαν́Δεσξριπ́10́13́

(파우사니아스, Description of Greece, Φωκικά, Λοκρῶν Ὀζόλων, chapter 13)

βίσωνοσ δὲ ταύρου τῶν Παιονικῶν χαλκοῦ πεποιημένην κεφαλὴν Δρωπίων Λέοντοσ ἔπεμψεν ἐσ Δελφοὺσ βασιλεὺσ Παιόνων. οὗτοι οἱ βίσωνεσ χαλεπώτατοι θηρίων εἰσὶν ἁλίσκεσθαι ζῶντεσ, καὶ δίκτυα οὐκ ἂν οὕτω γένοιτο ἰσχυρὰ <ὡσ ἀντισχεῖν> τῇ ἐμβολῇ.

θηρεύονται δὲ οὗτοι τρόπον τοιόνδε. ἐπειδὰν χωρίον οἱ ἀγρεύοντεσ πρανὲσ εὑρ́ωσι καθῆκον ἐσ κοιλότητα, πρῶτα μὲν φράγματι ἰσχυρῷ πέριξ ὠχυρώσαντο, δεύτερον δὲ τὸ κάταντεσ καὶ τὸ περὶ τῷ πέρατι ὁμαλὸν αὐτοῦ νεοδάρτοισ βύρσαισ κατεστόρεσαν· ἢν δὲ τύχωσιν ἀποροῦντεσ βυρσῶν, τότε καὶ τὰ αὐᾶ τῶν δερμάτων ὑπὸ ἐλαίου σφίσιν ὀλισθηρὰ ποιεῖται. τὸ δὲ ἐντεῦθεν οἱ μάλιστα ἱππεύειν ἀγαθοὶ συνελαύνουσιν ἐσ τὸ εἰρημένον χωρίον τοὺσ βίσωνασ·

οἱ δὲ εὐθὺσ ἐν ταῖσ πρώταισ τῶν βυρσῶν ὀλισθόντεσ κατὰ τοῦ πρανοῦσ κυλίνδονται, ἑώσ κατενεχθῶσιν ἐσ τὸ ὁμαλόν. ἐρριμμένοι δὲ ἐνταῦθα ἠμέληνται κατ’ ἀρχάσ· τετάρτῃ δὲ ἢ πέμπτῃ μάλιστα ἡμέρᾳ τῶν μὲν ἤδη τοῦ θυμοῦ τὸ πολὺ ὁ λιμὸσ ἀφαιρεῖ καὶ ἡ ταλαιπωρία, οἱ δέ σφισιν, οἷσ τέχνη τιθασεύειν, προσφέρουσιν ἔτι κειμένοισ πίτυοσ τῆσ ἡμέρου καρπὸν προεκλέξαντεσ ἐκ τῶν ἐλαχίστων ἐλύτρων· ἑτέρασ δὲ οὐκ ἂν τροφῆσ τό γε παραυτίκα ἅψαιτο τὰ θηρία·

τέλοσ δὲ διαλαβόντεσ δεσμοῖσ ἄγουσι. καὶ τοὺσ μὲν τρόπον αἱροῦσι τὸν εἰρημένον, τοῦ βίσωνοσ δὲ τῆσ κεφαλῆσ καταντικρὺ τῆσ χαλκῆσ ἀνδριάσ ἐστι θώρακά τε ἐνδεδυκὼσ καὶ χλαμύδα ἐπὶ τῷ θώρακι·

Ἀνδρίων δὲ ἀνάθημα οἱ Δελφοὶ λέγουσιν Ἀνδρέα εἶναι τὸν οἰκιστήν. σφᾶσ οἱ Ἐπικνημίδιοι διείργουσι ‐ καὶ ἀεὶ πολεμίων ὄντων.

ἀνέθεσαν δὲ καὶ οἱ ἐν Φαρσάλῳ Θεσσαλοὶ καὶ Μακεδόνων οἱ ὑπὸ τῇ Πιερίᾳ πόλιν Δῖον οἰκοῦντεσ Κυρηναῖοί τε τοῦ Ἑλληνικοῦ τοῦ ἐν Λιβύῃ, οὗτοι μὲν τὸ ἁρ́μα καὶ ἐπὶ τῷ ἁρ́ματι ἄγαλμα Ἄμμωνοσ, Μακεδόνεσ δὲ οἱ ἐν Δίῳ τὸν Ἀπόλλωνα ὃσ εἰλημμένοσ ἐστὶ τῆσ ἐλάφου, Φαρσάλιοι δὲ Ἀχιλλέα τε ἐπὶ ἵππῳ καὶ ὁ Πάτροκλοσ συμπαραθεῖν οἱ καὶ τῷ ἵππῳ.

Κορίνθιοι δὲ οἱ Δωριεῖσ ᾠκοδόμησαν θησαυρὸν καὶ οὗτοι· καὶ ὁ χρυσὸσ ὁ ἐκ Λυδῶν ἀνέκειτο ἐνταῦθα.

τὸ δὲ ἄγαλμα τοῦ Ἡρακλέουσ ἀνάθημά ἐστι Θηβαίων, ὅτε Φωκεῦσιν ἐπολέμησαν τὸν ἱερὸν καλούμενον πόλεμον. εἰσὶ καὶ εἰκόνεσ χαλκαῖ Φωκέων ἀναθέντων, ἡνίκα δευτέρᾳ συμβολῇ τὸ ἱππικὸν ἐτρέψαντο τὸ ἐκ Θεσσαλίασ. Φλιάσιοι δὲ ἐκόμισαν ἐσ Δελφοὺσ Δία τε χαλκοῦν καὶ ὁμοῦ τῷ Διὶ ἄγαλμα Αἰγίνησ. ἐκ δὲ Μαντινείασ τῆσ Ἀρκάδων Ἀπόλλων χαλκοῦσ ἐστιν ἀνάθημα· οὗτοσ οὐ πόρρω τοῦ Κορινθίων ἐστὶ θησαυροῦ. Ἡρακλῆσ δὲ καὶ Ἀπόλλων ἔχονται τοῦ τρίποδοσ καὶ ἐσ μάχην περὶ αὐτοῦ καθίστανται·

Λητὼ μὲν δὴ καὶ Ἄρτεμισ Ἀπόλλωνα, Ἀθηνᾶ δὲ Ἡρακλέα ἐπέχουσι τοῦ θυμοῦ. Φωκέων καὶ τοῦτό ἐστιν ἀνάθημα, ὅτε σφίσιν ἐπὶ τοὺσ Θεσσαλοὺσ Τελλίασ ἡγήσατο Ἠλεῖοσ. τὰ μὲν δὴ ἄλλα ἀγάλματα Δίυλλόσ τε ἐν κοινῷ καὶ Ἀμυκλαῖοσ, τὴν δὲ Ἀθηνᾶν καὶ Ἄρτεμιν Χίονίσ ἐστιν εἰργασμένοσ· Κορινθίουσ δὲ εἶναί φασιν αὐτούσ. λέγεται δὲ ὑπὸ Δελφῶν Ἡρακλεῖ τῷ Ἀμφιτρύωνοσ ἐλθόντι ἐπὶ τὸ χρηστήριον τὴν πρόμαντιν Ξενόκλειαν οὐκ ἐθελῆσαί οἱ χρᾶν διὰ τοῦ Ἰφίτου τὸν φόνον·

τὸν δὲ ἀράμενον τὸν τρίποδα ἐκ τοῦ ναοῦ φέρειν ἔξω, εἰπεῖν τε δὴ τὴν πρόμαντιν·

ἄλλοσ ἄρ’ Ἡρακλέησ Τιρύνθιοσ, οὐχὶ Κανωβεύσ· πρότερον γὰρ ἔτι ὁ Αἰγύπτιοσ Ἡρακλῆσ ἀφίκετο ἐσ Δελφούσ. τότε δὲ ὁ Ἀμφιτρύωνοσ τόν τε τρίποδα ἀποδίδωσι τῷ Ἀπόλλωνι καὶ παρὰ τῆσ Ξενοκλείασ ὁπόσα ἐδεῖτο ἐδιδάχθη. παραδεξάμενοι δὲ οἱ ποιηταὶ τὸν λόγον μάχην Ἡρακλέουσ πρὸσ Ἀπόλλωνα ὑπὲρ τρίποδοσ ᾄδουσιν. ἐν κοινῷ δὲ ἀνέθεσαν ἀπὸ ἔργου τοῦ Πλαταιᾶσιν οἱ Ἕλληνεσ χρυσοῦν τρίποδα δράκοντι ἐπικείμενον χαλκῷ.

ὅσον μὲν δὴ χαλκὸσ ἦν τοῦ ἀναθήματοσ, σῶον καὶ ἐσ ἐμὲ ἔτι ἦν· οὐ μέντοι κατὰ τὰ αὐτὰ καὶ τὸν χρυσὸν οἱ Φωκέων ὑπελίποντο ἡγεμόνεσ. Ταραντῖνοι δὲ καὶ ἄλλην δεκάτην ἐσ Δελφοὺσ ἀπὸ βαρβάρων Πευκετίων ἀπέστειλαν·

τέχνη μὲν τὰ ἀναθήματα Ὀνάτα τοῦ Αἰγινήτου καὶ Ἀγελάδα ἐστὶ τοῦ Ἀργείου, εἰκόνεσ δὲ καὶ πεζῶν καὶ ἱππέων, βασιλεὺσ Ιἀπύγων Ὦπισ ἥκων τοῖσ Πευκετίοισ σύμμαχοσ. οὗτοσ μὲν δὴ εἴκασται τεθνεῶτι ἐν τῇ μάχῃ, οἱ δὲ αὐτῷ κειμένῳ ἐφεστηκότεσ ὁ ἡρ́ωσ Τάρασ ἐστὶ καὶ Φάλανθοσ ὁ ἐκ Λακεδαίμονοσ, καὶ οὐ πόρρω τοῦ Φαλάνθου δελφίσ· πρὶν γὰρ δὴ ἐσ Ἰταλίαν ἀφικέσθαι, καὶ ναυαγίᾳ τε ἐν τῷ πελάγει τῷ Κρισαίῳ τὸν Φάλανθον χρήσασθαι καὶ ὑπὸ δελφῖνοσ ἐκκομισθῆναί φασιν ἐσ τὴν γῆν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Φωκικά, Λοκρῶν Ὀζόλων, chapter 13

(파우사니아스, Description of Greece, Φωκικά, Λοκρῶν Ὀζόλων, chapter 13)

상위

목록

SEARCH

MENU NAVIGATION