헬라어 문장 검색 - Παυσαν́Δεσξριπ́10́15́

(파우사니아스, Description of Greece, Φωκικά, Λοκρῶν Ὀζόλων, chapter 15)

Φρύνησ δὲ εἰκόνα ἐπίχρυσον Πραξιτέλησ μὲν εἰργάσατο ἐραστὴσ καὶ οὗτοσ, ἀνάθημα δὲ αὐτῆσ Φρύνησ ἐστὶν ἡ εἰκών. τὰ δὲ ἐφεξῆσ ταύτῃ, τὰ μὲν ἀγάλματα τοῦ Ἀπόλλωνοσ Ἐπιδαύριοι τὸ ἕτερον οἱ ἐν τῇ Ἀργολίδι ἀπὸ Μήδων, τὸ δὲ αὐτῶν Μεγαρεῖσ ἀνέθεσαν Ἀθηναίουσ μάχῃ πρὸσ Νισαίᾳ κρατήσαντεσ· Πλαταιέων δὲ βοῦσ ἐστιν, ἡνίκα ἐν τῇ σφετέρᾳ καὶ οὗτοι Μαρδόνιον τὸν Γωβρύου μετὰ Ἑλλήνων ἠμύναντο ἄλλων. καὶ αὖθισ δύο Ἀπόλλωνοσ, τὸ μὲν Ἡρακλεωτῶν <τῶν> πρὸσ τῷ Εὐξείνῳ, τὸ δὲ Ἀμφικτυόνων ἐστίν, ὅτε Φωκεῦσιν ἐπεργαζομένοισ τοῦ θεοῦ τὴν χώραν ἐπέβαλον χρημάτων ζημίαν· ὁ δὲ Ἀπόλλων οὗτοσ καλεῖται μὲν ὑπὸ Δελφῶν Σιτάλκασ, μέγεθοσ δὲ πέντε πηχῶν καὶ τριάκοντά ἐστι.

στρατηγοὶ δὲ οἱ πολλοὶ καὶ Ἀρτέμιδοσ, τὸ δὲ Ἀθηνᾶσ, δύο τε Ἀπόλλωνοσ ἀγάλματα ἔστιν Αἰτωλῶν, ἡνίκα σφίσιν ἐξειργάσθη τὰ ἐσ Γαλάτασ. στρατιὰν δὲ τὴν Κελτῶν, ὡσ ἐκ τῆσ Εὐρώπησ διαβήσοιτο ἐσ τὴν Ἀσίαν ἐπ’ ὀλέθρῳ τῶν πόλεων, Φαεννὶσ προεδήλωσεν ἐν τοῖσ χρησμοῖσ γενεᾷ πρότερον ἢ ἐπράχθη τὸ ἔργον· ἦ τότ’ ἀμειψάμενοσ στεινὸν πόρον Ἑλλησπόντου αὐδήσει Γαλατῶν ὀλοὸσ στρατόσ, οἵ ῥ’ ἀθεμίστωσἈσίδα πορθήσουσι·

θεὸσ δ’ ἔτι κύντερα θήσει<πάγχυ> μάλ’, οἳ ναίουσι παρ’ ἠϊόνεσσι θαλάσσησ ‐ εἰσ ὀλίγον· τάχα γάρ σφιν ἀοσσητῆρα Κρονίωνὁρμήσει, ταύροιο διοτρεφέοσ φίλον υἱόν,ὃσ πᾶσιν Γαλάτῃσιν ὀλέθριον ἦμαρ ἐφήσει. παῖδα δὲ εἶπε ταύρου τὸν ἐν Περγάμῳ βασιλεύσαντα Ἄτταλον· τὸν δὲ αὐτὸν τοῦτον καὶ ταυρόκερων προσείρηκε χρηστήριον. ἱππικοῦ δὲ ἡγεμόνασ ἀναβεβηκότασ ἐπὶ ἵππουσ Φεραῖοι παρὰ τῷ Ἀπόλλωνι ἔστησαν τρεψάμενοι τὴν Ἀττικὴν ἵππον.

τὸν δὲ φοίνικα ἀνέθεσαν Ἀθηναῖοι τὸν χαλκοῦν, καὶ αὐτὸν καὶ Ἀθηνᾶσ ἄγαλμα ἐπίχρυσον ἐπὶ τῷ φοίνικι, ἀπὸ ἔργων ὧν ἐπ’ Εὐρυμέδοντι ἐν ἡμέρᾳ τῇ αὐτῇ τὸ μὲν πεζῇ, τὸ δὲ ναυσὶν ἐν τῷ ποταμῷ κατώρθωσαν.

τούτου τοῦ ἀγάλματοσ ἐνιαχοῦ τὸν ἐπ’ αὐτῷ χρυσὸν ἐθεώμην λελυμασμένον. ἐγὼ μὲν δὴ τὸ ἔγκλημα ἐσ κακούργουσ τε ἦγον καὶ φῶρασ ἀνθρώπουσ·

Κλειτόδημοσ δέ, ὁπόσοι τὰ Ἀθηναίων ἐπιχώρια ἔγραψαν ὁ ἀρχαιότατοσ, οὗτοσ ἐν τῷ λόγῳ φησὶ τῷ Ἀττικῷ, ὅτε Ἀθηναῖοι παρεσκευάζοντο ἐπὶ Σικελίᾳ τὸν στόλον, ὡσ ἔθνοσ τι ἄπειρον κοράκων κατῆρε τότε ἐσ Δελφούσ, καὶ περιέκοπτόν τε τοῦ ἀγάλματοσ τούτου καὶ ἀπέρρησσον τοῖσ ῥάμφεσιν ἀπ’ αὐτοῦ τὸν χρυσόν· λέγει δὲ καὶ ὡσ τὸ δόρυ καὶ τὰσ γλαῦκασ καὶ ὅσοσ καρπὸσ ἐπὶ τῷ φοίνικι ἐπεποίητο ἐσ μίμησιν τῆσ ὀπώρασ, κατακλάσαιεν καὶ ταῦτα οἱ κόρακεσ. Ἀθηναίοισ μὲν δὴ καὶ ἄλλα σημεῖα μὴ ἐκπλεῦσαι σφᾶσ ἀπαγορεύοντα ἐσ Σικελίαν διηγήσατο ὁ Κλειτόδημοσ, Κυρηναῖοι δὲ ἀνέθεσαν ἐν Δελφοῖσ Βάττον ἐπὶ ἁρ́ματι, ὃσ ἐσ Λιβύην ἤγαγε σφᾶσ ναυσὶν ἐκ Θήρασ.

ἡνίοχοσ μὲν τοῦ ἁρ́ματόσ ἐστι Κυρήνη, ἐπὶ δὲ τῷ ἁρ́ματι Βάττοσ τε καὶ Λιβύη στεφανοῦσά ἐστιν αὐτόν·

ἐποίησε δὲ Ἀμφίων Ἀκέστοροσ Κνώσσιοσ. ἐπεὶ δὲ ᾤκισε Βάττοσ τὴν Κυρήνην, λέγεται καὶ τῆσ φωνῆσ γενέσθαι οἱ τοιόνδε ἰάμα·

ἐπιὼν τῶν Κυρηναίων τὴν χώραν ἐν τοῖσ ἐσχάτοισ αὐτῆσ ἐρήμοισ ἔτι οὖσι θεᾶται λέοντα, καὶ αὐτὸν τὸ δεῖμα τὸ ἐκ τῆσ θέασ βοῆσαι σαφὲσ καὶ μέγα ἠνάγκασεν. οὐ πόρρω δὲ τοῦ Βάττου καὶ ἄλλον ἔστησαν οἱ Ἀμφικτύονεσ Ἀπόλλωνα ἀπὸ τοῦ ἀδικήματοσ τοῦ ἐσ τὸν θεὸν τῶν Φωκέων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Φωκικά, Λοκρῶν Ὀζόλων, chapter 15

(파우사니아스, Description of Greece, Φωκικά, Λοκρῶν Ὀζόλων, chapter 15)

상위

목록

SEARCH

MENU NAVIGATION