헬라어 문장 검색 - Παυσαν́Δεσξριπ́10́10́

(파우사니아스, Description of Greece, Φωκικά, Λοκρῶν Ὀζόλων, chapter 10)

τῷ βάθρῳ δὲ τῷ ὑπὸ τὸν ἵππον τὸν δούρειον δὴ ἐπίγραμμα μέν ἐστιν ἀπὸ δεκάτησ τοῦ Μαραθωνίου ἔργου τεθῆναι τὰσ εἰκόνασ· εἰσὶ δὲ Ἀθηνᾶ τε καὶ Ἀπόλλων καὶ ἀνὴρ τῶν στρατηγησάντων Μιλτιάδησ· ἐκ δὲ τῶν ἡρώων καλουμένων Ἐρεχθεύσ τε καὶ Κέκροψ καὶ Πανδίων, οὗτοι μὲν δὴ καὶ Λεώσ τε καὶ Ἀντίοχοσ ὁ ἐκ Μήδασ Ἡρακλεῖ γενόμενοσ τῆσ Φύλαντοσ, ἔτι δὲ Αἰγεύσ τε καὶ παίδων τῶν Θησέωσ Ἀκάμασ, οὗτοι μὲν καὶ φυλαῖσ Ἀθήνῃσιν ὀνόματα κατὰ μάντευμα ἔδοσαν τὸ ἐκ Δελφῶν· ὁ δὲ Μελάνθου Κόδροσ καὶ Θησεὺσ καὶ Νηλεύσ ἐστιν, οὗτοι δὲ οὐκέτι τῶν ἐπωνύμων εἰσί. τοὺσ μὲν δὴ κατειλεγμένουσ Φειδίασ ἐποίησε, καὶ ἀληθεῖ λόγῳ δεκάτη καὶ οὗτοι τῆσ μάχησ εἰσίν·

Ἀντίγονον δὲ καὶ τὸν παῖδα Δημήτριον καὶ Πτολεμαῖον τὸν Αἰγύπτιον χρόνῳ ὕστερον ἀπέστειλαν ἐσ Δελφούσ, τὸν μὲν Αἰγύπτιον καὶ εὐνοίᾳ τινὶ ἐσ αὐτόν, τοὺσ δὲ Μακεδόνασ τῷ ἐσ αὐτοὺσ δέει.

πλησίον δὲ τοῦ ἵππου καὶ ἄλλα ἀναθήματά ἐστιν Ἀργείων, οἱ ἡγεμόνεσ τῶν ἐσ Θήβασ ὁμοῦ Πολυνείκει στρατευσάντων, Ἄδραστόσ τε ὁ Ταλαοῦ καὶ Τυδεὺσ Οἰνέωσ καὶ οἱ ἀπόγονοι Προίτου καὶ Καπανεὺσ Ἱππόνου καὶ Ἐτέοκλοσ ὁ Ἴφιοσ, Πολυνείκησ τε καὶ ὁ Ἱππομέδων ἀδελφῆσ Ἀδράστου παῖσ·

Ἀμφιαράου δὲ καὶ ἁρ́μα ἐγγὺσ πεποίηται καὶ ἐφεστηκὼσ Βάτων ἐπὶ τῷ ἁρ́ματι ἡνίοχόσ τε τῶν ἵππων καὶ τῷ Ἀμφιαράῳ καὶ ἄλλωσ προσήκων κατὰ οἰκειότητα· τελευταῖοσ δὲ Ἀλιθέρσησ ἐστὶν αὐτῶν. οὗτοι μὲν δὴ Ὑπατοδώρου καὶ Ἀριστογείτονόσ εἰσιν ἔργα, καὶ ἐποίησαν σφᾶσ, ὡσ αὐτοὶ Ἀργεῖοι λέγουσιν, ἀπὸ τῆσ νίκησ ἥντινα ἐν Οἰνόῃ τῇ Ἀργείᾳ αὐτοί τε καὶ Ἀθηναίων ἐπίκουροι Λακεδαιμονίουσ ἐνίκησαν.

ἀπὸ δὲ τοῦ αὐτοῦ ἐμοὶ δοκεῖν ἔργου καὶ τοὺσ Ἐπιγόνουσ ὑπὸ Ἑλλήνων καλουμένουσ ἀνέθεσαν οἱ Ἀργεῖοι· κεῖνται γὰρ δὴ εἰκόνεσ καὶ τούτων, Σθένελοσ καὶ Ἀλκμαίων, κατὰ ἡλικίαν ἐμοὶ δοκεῖν πρὸ Ἀμφιλόχου τετιμημένοσ, ἐπὶ δὲ αὐτοῖσ Πρόμαχοσ καὶ Θέρσανδροσ καὶ Αἰγιαλεύσ τε καὶ Διομήδησ· ἐν μέσῳ δὲ Διομήδουσ καὶ τοῦ Αἰγιαλέωσ ἐστὶν Εὐρύαλοσ. ἀπαντικρὺ δὲ αὐτῶν ἀνδριάντεσ τε εἰσὶν ἄλλοι·

τούτουσ δὲ ἀνέθεσαν οἱ Ἀργεῖοι τοῦ οἰκισμοῦ τοῦ Μεσσηνίων Θηβαίοισ καὶ Ἐπαμινώνδᾳ μετασχόντεσ. ἡρώων δέ εἰσιν αἱ εἰκόνεσ, Δαναὸσ μὲν βασιλέων ἰσχύσασ τῶν ἐν Ἄργει μέγιστον, Ὑπερμήστρα δὲ ἅτε καθαρὰ χεῖρασ μόνη τῶν ἀδελφῶν·

παρὰ δὲ αὐτὴν καὶ ὁ Λυγκεὺσ καὶ ἅπαν τὸ ἐφεξῆσ αὐτῶν γένοσ τὸ ἐσ Ἡρακλέα τε καὶ ἔτι πρότερον καθῆκον ἐσ Περσέα. Ταραντίνων δὲ οἱ ἵπποι οἱ χαλκοῖ καὶ αἰχμάλωτοι γυναῖκεσ ἀπὸ Μεσσαπίων εἰσίν, ὁμόρων τῇ Ταραντίνων βαρβάρων, Ἀγελάδα δὲ ἔργα τοῦ Ἀργείου.

Τάραντα δὲ ἀπῴκισαν μὲν Λακεδαιμόνιοι, οἰκιστὴσ δὲ ἐγένετο Σπαρτιάτησ Φάλανθοσ. στελλομένῳ δὲ ἐσ ἀποικίαν τῷ Φαλάνθῳ λόγιον ἦλθεν ἐκ Δελφῶν· ὑετοῦ αὐτὸν αἰσθόμενον ὑπὸ αἴθρᾳ, τηνικαῦτα καὶ χώραν κτήσεσθαι καὶ πόλιν. τὸ μὲν δὴ παραυτίκα οὔτε ἰδίᾳ τὸ μάντευμα ἐπισκεψάμενοσ οὔτε πρὸσ τῶν ἐξηγητῶν τινα ἀνακοινώσασ κατέσχε ταῖσ ναυσὶν ἐσ Ἰταλίαν·

ὡσ δέ οἱ νικῶντι τοὺσ βαρβάρουσ οὐκ ἐγίνετο οὔτε τινὰ ἑλεῖν τῶν πόλεων οὔτε ἐπικρατῆσαι χώρασ, ἐσ ἀνάμνησιν ἀφικνεῖτο τοῦ χρησμοῦ, καὶ ἀδύνατα ἐνόμιζέν οἱ τὸν θεὸν χρῆσαι· μὴ γὰρ ἄν ποτε ἐν καθαρῷ καὶ αἰθρίῳ τῷ ἀέρι ὑσθῆναι. καὶ αὐτὸν ἡ γυνὴ ἀθύμωσ ἔχοντα ‐ ἠκολουθήκει γὰρ οἴκοθεν ‐ τά τε ἄλλα ἐφιλοφρονεῖτο καὶ ἐσ τὰ γόνατα ἐσθεμένη τὰ αὑτῆσ τοῦ ἀνδρὸσ τὴν κεφαλὴν ἐξέλεγε τοὺσ φθεῖρασ· καί πωσ ὑπὸ εὐνοίασ δακρῦσαι παρίσταται τῇ γυναικὶ ὁρώσῃ τοῦ ἀνδρὸσ ἐσ οὐδὲν προχωροῦντα τὰ πράγματα. προέχει δὲ ἀφειδέστερον τῶν δακρύων καὶ ‐ ἔβρεχε γὰρ τοῦ Φαλάνθου τὴν κεφαλήν ‐ συνίησί τε τῆσ μαντείασ ‐ ὄνομα γὰρ δὴ ἦν Αἴθρα τῇ γυναικί ‐ καὶ οὕτω τῇ ἐπιούσῃ νυκτὶ Τάραντα τῶν βαρβάρων εἷλε μεγίστην καὶ εὐδαιμονεστάτην τῶν ἐπὶ θαλάσσῃ πόλεων.

Τάραντα δὲ τὸν ἡρ́ω Ποσειδῶνόσ φασι καὶ ἐπιχωρίασ νύμφησ παῖδα εἶναι, ἀπὸ δὲ τοῦ ἡρ́ωοσ τεθῆναι τὰ ὀνόματα τῇ πόλει τε καὶ τῷ ποταμῷ·

καλεῖται γὰρ δὴ Τάρασ κατὰ τὰ αὐτὰ τῇ πόλει καὶ ὁ ποταμόσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Φωκικά, Λοκρῶν Ὀζόλων, chapter 10

(파우사니아스, Description of Greece, Φωκικά, Λοκρῶν Ὀζόλων, chapter 10)

상위

목록

SEARCH

MENU NAVIGATION