헬라어 문장 검색 - Παυσαν́Δεσξριπ́10́14́

(파우사니아스, Description of Greece, Φωκικά, Λοκρῶν Ὀζόλων, chapter 14)

οἱ δὲ πελέκεισ Περικλύτου τοῦ Εὐθυμάχου Τενεδίου ἀνδρὸσ ἐπὶ λόγῳ ἀνάθημά εἰσιν ἀρχαίῳ. Κύκνον παῖδα εἶναι Ποσειδῶνοσ καὶ βασιλεύειν φασὶν ἐν Κολώναισ· αἱ δὲ ᾠκοῦντο ἐν τῇ γῇ τῇ Τρῳάδι αἱ Κολῶναι κατὰ νῆσον κείμεναι Λεύκοφρυν.

ἔχοντοσ δὲ θυγατέρα ὄνομα Ἡμιθέαν τοῦ Κύκνου καὶ υἱὸν καλούμενον Τέννην ἐκ Προκλείασ ‐ ἣ Κλυτίου μὲν ἦν θυγάτηρ, ἀδελφὴ δὲ Καλήτοροσ, ὃν Ὅμηροσ ἐν Ἰλιάδι ἀποθανεῖν φησιν ὑπὸ Αἰάντοσ, ὅτε ὑπὸ τὴν Πρωτεσιλάου ναῦν ἔφερεν ὁ Καλήτωρ τὸ πῦρ ‐ ταύτησ οὖν προαποθανούσησ ἡ ἐπεισελθοῦσα Φιλονόμη ἡ Κραγάσου ‐ διήμαρτε γὰρ ἐρασθεῖσα τοῦ Τέννου ‐ ψεύδεται πρὸσ τὸν ἄνδρα ὡσ αὐτὴ μὲν οὐκ ἐθέλουσα, τὸν δὲ αὑτῇ Τέννην συγγενέσθαι θελήσαντα·

καὶ ὁ Κύκνοσ πείθεται τῇ ἀπάτῃ, καὶ ἐσ λάρνακα ἐνθέμενοσ ὁμοῦ τῇ ἀδελφῇ Τέννην ἐσ θάλασσαν σφᾶσ ἀφίησι. σώζονταί τε δὴ πρὸσ τὴν νῆσον οἱ παῖδεσ τὴν Λεύκοφρυν καὶ ὄνομα ἡ νῆσοσ τὸ νῦν ἔσχεν ἀπὸ τοῦ Τέννου.

Κύκνοσ δὲ ‐ οὐ γὰρ τὸν πάντα ἔμελλε χρόνον ἀγνοήσειν ἀπατώμενοσ ‐ ἔπλει παρὰ τὸν υἱὸν ἄγνοιάν τε ὁμολογήσων τὴν αὑτοῦ καὶ παραιτησόμενοσ τὸ ἁμάρτημα· προσορμισαμένου δὲ τῇ νήσῳ καὶ ἐξάψαντοσ ἀπὸ τῆσ νεὼσ πρόσ τινα ἢ πέτραν ἢ δένδρον τοὺσ κάλουσ, Τέννησ πελέκει σφᾶσ ἀπέκοψεν ὑπὸ τοῦ θυμοῦ. ἐπὶ τούτῳ μὲν ἐσ τοὺσ ἀρνουμένουσ στερεῶσ λέγεσθαι καθέστηκεν ὡσ ὁ δεῖνα ὅστισ δὴ Τενεδίῳ πελέκει τόδε τι ἀποκόψειεν.

Τέννην μὲν ὑπὸ Ἀχιλλέωσ ἀποθανεῖν ἀμύνοντα τῇ οἰκείᾳ φασὶν Ἕλληνεσ· Τενέδιοι δὲ ἀνὰ χρόνον ὑπὸ ἀσθενείασ προσεχώρησαν τοῖσ Ἀλεξάνδρειαν ἐν τῇ ἠπείρῳ τῇ Τρῳάδι ἔχουσιν. Ἕλληνεσ δὲ οἱ ἐναντία βασιλέωσ πολεμήσαντεσ ἀνέθεσαν μὲν Δία ἐσ Ὀλυμπίαν χαλκοῦν, ἀνέθεσαν δὲ καὶ ἐσ Δελφοὺσ Ἀπόλλωνα ἀπὸ ἔργων τῶν ἐν ταῖσ ναυσὶν ἐπί τε Ἀρτεμισίῳ καὶ ἐν Σαλαμῖνι.

λέγεται δὲ καὶ ὡσ Θεμιστοκλῆσ ἀφίκοιτο ἐσ Δελφοὺσ λαφύρων τῶν Μηδικῶν κομίζων τῷ Ἀπόλλωνι·

ἐρωτήσαντα δὲ ὑπὲρ τῶν ἀναθημάτων εἰ ἐντὸσ ἀναθήσει τοῦ ναοῦ, ἐκέλευεν αὐτὸν ἡ Πυθία τὰ παράπαν ἀποφέρειν ἐκ τοῦ ἱεροῦ. καὶ ἔχει οὕτω τὰ ἐσ τοῦ τοῦ χρησμοῦ· μή μοι Περσῆοσ σκύλων περικαλλέα κόσμοννηῷ ἐγκαταθῇσ· οἶκόνδ’ ἀπόπεμπε τάχιστα. θαῦμα οὖν ἐποιούμεθα εἰ ἀπηξίωσεν ἐκείνου μόνου μὴ προσέσθαι τὰ ἀπὸ τῶν Μήδων.

καὶ οἱ μὲν ἀπώσασθαι ἂν τὸν θεὸν καὶ ἅπαντα ὁμοίωσ ἡγοῦντο ὅσα ἀπὸ τοῦ Πέρσου, εἰ ὥσπερ ὁ Θεμιστοκλῆσ καὶ οἱ ἄλλοι πρότερον ἢ ἀναθεῖναι σφᾶσ ἐπήροντο τὸν Ἀπόλλωνα· οἱ δὲ εἰδότα τὸν θεὸν ὅτι ἱκέτησ τοῦ Πέρσου γενήσοιτο ὁ Θεμιστοκλῆσ, ἐπὶ τούτῳ τὰ δῶρα ἔφασαν οὐκ ἐθελῆσαι λαβεῖν, ἵνα μὴ ἀναθέντι τὸ ἔχθοσ ἄπαυστον ποιήσῃ <τὸ> ἀπὸ τοῦ Μήδου. στρατείαν δὲ τὴν ἐπὶ τὴν Ἑλλάδα ἀπὸ τοῦ βαρβάρου ἔστιν εὑρεῖν προρρηθεῖσαν μὲν ἐν τοῖσ Βάκιδοσ χρησμοῖσ, πρότερον δ’ ἔτι Εὔκλῳ τὰ ἐσ αὐτὴν πεποιημένα ἐστίν. Δελφῶν δὲ ἀνάθημά ἐστιν αὐτῶν πλησίον τοῦ βωμοῦ τοῦ μεγάλου λύκοσ χαλκοῦσ.

λέγουσι δὲ τῶν τοῦ θεοῦ χρημάτων συλήσαντα ἄνθρωπον, τὸν μὲν ὁμοῦ τῷ χρυσίῳ κατακρύψαντα ἔχειν αὑτὸν ἔνθα τοῦ Παρνασσοῦ μάλιστα ἦν συνεχὲσ ὑπὸ ἀγρίων δένδρων, λύκον δὲ ἐπιθέσθαι οἱ καθεύδοντι, καὶ ἀποθανεῖν τε ὑπὸ τοῦ λύκου τὸν ἄνθρωπον καὶ ὡσ ἐσ τὴν πόλιν ὁσημέραι φοιτῶν ὠρύετο ὁ λύκοσ· ἐπεὶ δὲ οὐκ ἄνευ θεοῦ παραγίνεσθαί σφισιν ὑπελάμβανον, οὕτωσ ἐπακολουθοῦσι τῷ θηρίῳ, καὶ ἀνευρίσκουσί τε τὸ ἱερὸν χρυσίον καὶ ἀνέθεσαν λύκον τῷ θεῷ χαλκοῦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Pausanias, Description of Greece, Φωκικά, Λοκρῶν Ὀζόλων, chapter 14

(파우사니아스, Description of Greece, Φωκικά, Λοκρῶν Ὀζόλων, chapter 14)

상위

목록

SEARCH

MENU NAVIGATION