헬라어 문장 검색 - Παυσαν́Δεσξριπ́10́11́

(파우사니아스, Description of Greece, Φωκικά, Λοκρῶν Ὀζόλων, chapter 11)

πλησίον δὲ τοῦ ἀναθήματοσ τοῦ Ταραντίνων Σικυωνίων ἐστὶ θησαυρόσ· χρήματα δὲ οὔτε ἐνταῦθα ἴδοισ ἂν οὔτε ἐν ἄλλῳ τῶν θησαυρῶν. Κνίδιοι δὲ ἐκόμισαν ἀγάλματα ἐσ Δελφοὺσ Τριόπαν οἰκιστὴν τῆσ Κνίδου παρεστῶτα ἵππῳ καὶ Λητὼ καὶ Ἀπόλλωνά τε καὶ Ἄρτεμιν ἀφιέντασ τῶν βελῶν ἐπὶ Τιτυόν· ὁ δὲ καὶ τετρωμένοσ ἐστὶν ἤδη τὸ σῶμα. ταῦτα ἕστηκε παρὰ τὸν Σικυωνίων θησαυρόν·

ἐποιήθη δὲ καὶ ὑπὸ Σιφνίων ἐπὶ αἰτίᾳ τοιᾷδε θησαυρόσ. Σιφνίοισ ἡ νῆσοσ χρυσοῦ μέταλλα ἤνεγκε, καὶ αὐτοὺσ τῶν προσιόντων ἐκέλευσεν ὁ θεὸσ ἀποφέρειν δεκάτην ἐσ Δελφούσ· οἱ δὲ τὸν θησαυρὸν ᾠκοδομήσαντο καὶ ἀπέφερον τὴν δεκάτην. ὡσ δὲ ὑπὸ ἀπληστίασ ἐξέλιπον τὴν φοράν, ἐπικλύσασα ἡ θάλασσα ἀφανῆ τὰ μέταλλά σφισιν ἐποίησεν. ἀνέθεσαν δὲ καὶ ἀνδριάντασ Λιπαραῖοι ναυμαχίᾳ κρατήσαντεσ Τυρρηνῶν.

οἱ δὲ Λιπαραῖοι οὗτοι Κνιδίων μὲν ἦσαν ἄποικοι, τῆσ δὲ ἀποικίασ ἡγεμόνα γενέσθαι φασὶν ἄνδρα Κνίδιον· ὄνομα δὲ εἶναί οἱ Πένταθλον Ἀντίοχοσ ὁ Ξενοφάνουσ Συρακούσιοσ ἐν τῇ Σικελιώτιδι συγγραφῇ φησι. πόλιν αὐτοὶ μὲν ἐκπίπτουσιν ὑπὸ Ἐλύμων καὶ Φοινίκων πολέμῳ πιεσθέντεσ, τὰσ νήσουσ δὲ ἔσχον ἐρήμουσ ἔτι ἢ ἀναστήσαντεσ τοὺσ ἐνοικοῦντασ, ἃσ καὶ κατὰ τὰ τὰ ἔπη τὰ Ὁμήρεια Αἰόλου καὶ ἐσ ἡμᾶσ ἔτι ὀνομάζουσι.

τούτων Λιπάραν μὲν κτίσαντεσ πόλιν ἐνταῦθα οἰκοῦσιν, Ιἕραν δὲ καὶ Στρογγύλην καὶ Διδύμασ γεωργοῦσι διαβαίνοντεσ ναυσὶν ἐσ αὐτάσ.

ἐν δὲ τῇ Στρογγύλῃ καὶ πῦρ δῆλόν ἐστιν ἀνιὸν ἐκ τῆσ γῆσ· καὶ ἐν Ιἕρᾳ δὲ πῦρ τε αὐτόματον ἐπὶ ἄκρασ ἀνακαίεται τῆσ νήσου καὶ ἐπὶ θαλάσσῃ λουτρά ἐστιν ἐπιτήδεια, <εἰ> δέξεταί σε ἠπίωσ τὸ ὕδωρ, ἐπεὶ ἄλλωσ γε χαλεπὸν ὑπὸ ζεστότητόσ ἐστιν ἐμβαίνεσθαι. οἱ δὲ θησαυροὶ Θηβαίων ἀπὸ ἔργου τῶν ἐσ πόλεμον, καὶ Ἀθηναίων ἐστὶν ὡσαύτωσ·

Κνιδίουσ δὲ οὐκ οἶδα εἰ ἐπὶ νίκῃ τινὶ ἢ ἐσ ἐπίδειξιν εὐδαιμονίασ ᾠκοδομήσαντο, ἐπεὶ Θηβαίοισ γε ἀπὸ ἔργου τοῦ ἐν Λεύκτροισ καὶ Ἀθηναίοισ ἀπὸ τῶν ἐσ Μαραθῶνα ἀποβάντων ὁμοῦ Δάτιδί εἰσιν οἱ θησαυροί. Κλεωναῖοι δὲ ἐπιέσθησαν μὲν κατὰ τὸ αὐτὸ Ἀθηναίοισ ὑπὸ νόσου τῆσ λοιμώδουσ, κατὰ δὲ μάντευμα ἐκ Δελφῶν ἔθυσαν τράγον ἀνίσχοντι ἔτι τῷ ἡλίῳ, καὶ ‐ εὑρ́αντο γὰρ λύσιν τοῦ κακοῦ ‐ τράγον χαλκοῦν ἀποπέμπουσι τᾷ Ἀπόλλωνι. Ποτιδαιατῶν δὲ τῶν ἐν Θρᾴκῃ καὶ Συρακουσίων, τῶν μέν ἐστιν ὁ θησαυρὸσ ἀπὸ τοῦ Ἀττικοῦ τοῦ μεγάλου πταίσματοσ, Ποτιδαιᾶται δὲ εὐσεβείασ τῆσ ἐσ τὸν θεὸν ἐποίησαν. ᾠκοδόμησαν δὲ καὶ Ἀθηναῖοι στοὰν ἀπὸ χρημάτων ἃ ἐν τῷ πολέμῳ σφίσιν ἐγένετο ἀπό τε Πελοποννησίων καὶ ὅσαι Πελοποννησίοισ ἦσαν τοῦ Ἑλληνικοῦ σύμμαχοι.

ἀνάκειται δὲ καὶ πλοίων τὰ ἄκρα κοσμήματα καὶ ἀσπίδεσ χαλκαῖ·

τὸ δὲ ἐπίγραμμα τὸ ἐπ’ αὐτοῖσ ἀριθμεῖ τὰσ πόλεισ ἀφ’ ὧν οἱ Ἀθηναῖοι τὰ ἀκροθίνια ἀπέστειλαν, τήν τε Ἠλείων καὶ Λακεδαιμονίων Σικυῶνά τε καὶ Μέγαρα καὶ Πελληνέασ Ἀχαιῶν Ἀμβρακίαν τε καὶ Λευκάδα καὶ αὐτὴν Κόρινθον· γενέσθαι δὲ ἀπὸ τῶν ναυμαχιῶν τούτων καὶ θυσίαν Θησεῖ καὶ τῷ Ποσειδῶνι ἐπὶ τῷ ὀνομαζομένῳ Ῥίῳ. καί μοι φαίνεται τὸ ἐπίγραμμα ἐσ Φορμίωνα τὸν Ἀσωπίχου ἔχειν καὶ ἐσ τοῦ Φορμίωνοσ τὰ ἔργα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Pausanias, Description of Greece, Φωκικά, Λοκρῶν Ὀζόλων, chapter 11

(파우사니아스, Description of Greece, Φωκικά, Λοκρῶν Ὀζόλων, chapter 11)

상위

목록

SEARCH

MENU NAVIGATION