헬라어 문장 검색 - Παυσαν́Δεσξριπ́10́07́

(파우사니아스, Description of Greece, Φωκικά, Λοκρῶν Ὀζόλων, chapter 7)

ἐοίκε δὲ ἐξ ἀρχῆσ τὸ ἱερὸν τὸ ἐν Δελφοῖσ ὑπὸ ἀνθρώπων ἐπιβεβουλεῦσθαι πλείστων ἤδη. πλεῖστον καὶ μάλιστα τοῦ θεοῦ τοῖσ χρήμασιν ἐπελθόντεσ οἱ ἐν Φωκεῦσι δυνάσται, καὶ ἡ Γαλατῶν στρατιά.

ἔμελλε δὲ ἄρα οὐδὲ τῆσ Νέρωνοσ ἐσ πάντα ὀλιγωρίασ ἀπειράτωσ ἕξειν, ὃσ τὸν Ἀπόλλωνα πεντακοσίασ θεῶν τε ἀναμὶξ ἀφείλετο καὶ ἀνθρώπων εἰκόνασ χαλκᾶσ. ἀρχαιότατον δὲ ἀγώνισμα γενέσθαι μνημονεύουσι καὶ ἐφ’ ᾧ πρῶτον ἆθλα ἔθεσαν, ᾆσαι ὕμνον ἐσ τὸν θεόν·

καὶ ᾖσε καὶ ἐνίκησεν ᾄδων Χρυσόθεμισ ἐκ Κρήτησ, οὗ δὴ ὁ πατὴρ λέγεται Καρμάνωρ καθῆραι Ἀπόλλωνα. Χρυσοθέμιδοσ δὲ ὕστερον Φιλάμμωνά τε ᾠδῇ μνημονεύουσι νικῆσαι καὶ ἐπ’ ἐκείνῳ Θάμυριν τὸν Φιλάμμωνοσ. Ὀρφέα δὲ σεμνολογίᾳ τῇ ἐπὶ τελεταῖσ καὶ ὑπὸ φρονήματοσ τοῦ ἄλλου καὶ Μουσαῖον τῇ ἐσ πάντα μιμήσει τοῦ Ὀρφέωσ οὐκ ἐθελῆσαί φασιν αὐτοὺσ ἐπὶ ἀγῶνι μουσικῆσ ἐξετάζεσθαι. φασὶ δὲ καὶ Ἐλευθῆρα ἀνελέσθαι Πυθικὴν νίκην μέγα καὶ ἡδὺ φωνοῦντα, ἐπεὶ ᾄδειν γε αὐτὸν οὐχ αὑτοῦ τὴν ᾠδήν.

λέγεται δὲ καὶ Ἡσίοδον ἀπελαθῆναι τοῦ ἀγωνίσματοσ ἅτε οὐ κιθαρίζειν ὁμοῦ τῇ ᾠδῇ δεδιδαγμένον. Ὅμηροσ δὲ ἀφίκετο μὲν ἐσ Δελφοὺσ ἐρησόμενοσ ὁπόσα καὶ ἐδεῖτο, ἔμελλε δὲ αὐτῷ καὶ κιθαρίζειν διδαχθέντι ἀχρεῖον τὸ μάθημα ὑπὸ τῶν ὀφθαλμῶν τῆσ συμφορᾶσ γενήσεσθαι. τῆσ δὲ τεσσαρακοστῆσ Ὀλυμπιάδοσ καὶ ὀγδόησ, ἣν Γλαυκίασ ὁ Κροτωνιάτησ ἐνίκησε, ταύτησ ἔτει τρίτῳ ἆθλα ἔθεσαν οἱ Ἀμφικτύονεσ κιθαρῳδίασ μὲν καθὰ καὶ ἐξ ἀρχῆσ, προσέθεσαν δὲ καὶ αὐλῳδίασ ἀγώνισμα καὶ αὐλῶν·

ἀνηγορεύθησαν δὲ νικῶντεσ Κεφαλήν τε Μελάμπουσ κιθαρῳδίᾳ καὶ αὐλῳδὸσ Ἀρκὰσ Ἐχέμβροτοσ, Σακάδασ δὲ Ἀργεῖοσ ἐπὶ τοῖσ αὐλοῖσ· Σακάδασ οὗτοσ καὶ ἄλλασ δύο τὰσ ἐφεξῆσ ταύτησ πυθιάδασ.

ἔθεσαν δὲ καὶ ἆθλα τότε ἀθληταῖσ πρῶτον, τά τε ἐν Ὀλυμπίᾳ πλὴν τεθρίππου καὶ αὐτοὶ νομοθετήσαντεσ δολίχου καὶ διαύλου παισὶν εἶναι δρόμον.

δευτέρᾳ δὲ πυθιάδι οὐκ ἐπὶ ἄθλοισ ἐκάλεσαν ἔτι ἀγωνίζεσθαι, στεφανίτην δὲ τὸν ἀγῶνα ἀπὸ τούτου κατεστήσαντο· καὶ αὐλῳδίαν <τό>τε κατέλυσαν, καταγνόντεσ οὐκ εἶναι τὸ ἄκουσμα εὔφημον· ἡ γὰρ αὐλῳδία μέλη τε ἦν αὐλῶν τὰ σκυθρωπότατα καὶ ἐλεγεῖα θρῆνοι προσᾳδόμενα τοῖσ αὐλοῖσ. μαρτυρεῖ δέ μοι καὶ τοῦ Ἐχεμβρότου τὸ ἀνάθημα, τρίπουσ χαλκοῦσ ἀνατεθεὶσ τῷ Ἡρακλεῖ τῷ ἐν Θήβαισ·

ἐπίγραμμα δὲ ὁ τρίπουσ εἶχεν· Ἐχέμβροτοσ Ἀρκὰσ θῆκε τῷ Ἡρακλεῖνικήσασ τόδ’ ἄγαλμ’ Ἀμφικτυόνων ἐν ἀέθλοισ,Ἕλλησι δ’ ἀείδων μέλεα καὶ ἐλέγουσ. κατὰ τοῦτο μὲν τῆσ αὐλῳδίασ ἐπαύσθη τὸ ἀγώνισμα· προσέθεσαν δὲ καὶ ἵππων δρόμον, ἀνηγορεύθη δὲ ἐπὶ τῷ ἁρ́ματι Κλεισθένησ ὁ Σικυῶνοσ τυραννήσασ. ὀγδόῃ δὲ πυθιάδι προσενομοθέτησαν κιθαριστὰσ τοὺσ ἐπὶ τῶν κρουμάτων τῶν ἀφώνων·

καὶ Τεγεάτησ ἐστεφανοῦτο Ἀγέλαοσ. τρίτῃ δὲ πυθιάδι ἐπὶ ταῖσ εἴκοσι προστιθέασιν ὁπλίτην δρόμον· καὶ ἐπ’ αὐτῷ Τιμαίνετοσ ἐκ Φλιοῦντοσ ἀνείλετο τὴν δάφνην, Ὀλυμπιάσιν ὕστερον πέντε ἢ Δαμάρετοσ Ἡραιεὺσ ἐνίκησεν. ὀγδόῃ δὲ ἐπὶ τεσσαράκοντα πυθιάδι καὶ συνωρίδοσ εἶναι κατεστήσαντο δρόμον· καὶ Ἐξηκεστίδου Φωκέωσ ἐνίκησεν ἡ συνωρίσ. πέμπτῃ δὲ πυθιάδι ἀπὸ ταύτησ πώλουσ ἔζευξαν ὑπὸ ἁρ́ματι· καὶ παρέδραμεν Ὀρφώνδα Θηβαίου τέθριππον.

παγκράτιον δ’ ἐν παισὶ καὶ συνωρίδα τε πώλων καὶ <πῶλον> κέλητα πολλοῖσ ἔτεσιν ὕστερον κατεδέξαντο Ἠλείων, τὸ μὲν πρώτῃ πυθιάδι ἐπὶ ταῖσ ἑξήκοντα, καὶ Ιὀλαί̈δασ ἐνίκα Θηβαῖοσ·

διαλιπόντεσ δὲ ἀπὸ ταύτησ μίαν κέλητι ἔθεσαν δρόμον πώλῳ, ἐνάτῃ δὲ ἐπὶ ταῖσ ἑξήκοντα συνωρίδι πωλικῇ, καὶ ἐπὶ μὲν τῷ πώλῳ τῷ κέλητι Λυκόρμασ ἀνηγορεύθη Λαρισαῖοσ, Πτολεμαῖοσ δὲ ἐπὶ τῇ συνωρίδι Μακεδών· ἔχαιρον γὰρ δὴ Μακεδόνεσ οἱ ἐν Αἰγύπτῳ καλούμενοι βασιλεῖσ, καθάπερ γε ἦσαν. δάφνησ δὲ στέφανοσ ἐπὶ τῶν Πυθίων τῇ νίκῃ κατ’ ἄλλο μὲν ἐμοὶ δοκεῖν ἐστιν οὐδέν, ὅτι δὲ τῆσ Λάδωνοσ θυγατρὸσ Ἀπόλλωνα ἐρασθῆναι κατέσχηκεν ἡ φήμη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Φωκικά, Λοκρῶν Ὀζόλων, chapter 7

(파우사니아스, Description of Greece, Φωκικά, Λοκρῶν Ὀζόλων, chapter 7)

상위

목록

SEARCH

MENU NAVIGATION