헬라어 문장 검색 - Παυσαν́Δεσξριπ́10́02́

(파우사니아스, Description of Greece, Φωκικά, Λοκρῶν Ὀζόλων, chapter 2)

ἐπεὶ δὲ ἐσ τὴν Εὐρώπην ὁ Περσῶν στρατὸσ διέβη, λέγεται τοὺσ Φωκέασ φρονῆσαι μὲν ὑπὸ ἀνάγκησ τὰ βασιλέωσ, αὐτομολῆσαι δὲ ἐκ τῶν Μήδων καὶ ἐσ τὸ Ἑλληνικὸν παρὰ τὸ ἔργον τὸ Πλαταιᾶσι παρατάξασθαι. χρόνῳ δὲ ὕστερον κατέλαβεν αὐτοὺσ ζημιωθῆναι χρήμασιν ὑπὸ Ἀμφικτυόνων· Θεσσαλοὶ κατὰ τὸ ἐκ παλαιοῦ μῖσοσ γενέσθαι τὴν ζημίαν τοῖσ Φωκεῦσιν ἦσαν οἱ πράξαντεσ.

ἐχόντων δὲ ἀθύμωσ αὐτῶν πρὸσ τῆσ ζημίασ τὸ μέγεθοσ, Φιλόμηλοσ σφᾶσ ὑπολαβὼν ὁ Θεοτίμου, Φωκέων οὐδενὸσ ἀξιώματι ὕστεροσ ‐ πατρὶσ δὲ αὐτῷ Λέδων τῶν ἐν Φωκεῦσιν ἦν πόλεων ‐ οὗτοσ οὖν ὁ Φιλόμηλοσ τήν τε ἔκτισιν αὐτοῖσ ἀδύνατον ἀπέφηνε τῶν χρημάτων καὶ ἀνέπειθε τὸ ἱερὸν καταλαβεῖν τὸ ἐν Δελφοῖσ, λέγων καὶ ἄλλα ἐπαγωγὰ καὶ ὡσ τὰ Ἀθηναίων καὶ ἐκ Λακεδαίμονοσ ἐπιτήδεια ἐξ ἀρχῆσ ἐστιν αὐτοῖσ, Θηβαίων δὲ καὶ εἴ τισ ἄλλοσ κατασταίη σφίσιν ἐσ πόλεμον, περιέσεσθαι καὶ ἀρετῇ σφᾶσ καὶ δαπάνῃ χρημάτων.

ταῦτα τοῦ Φιλομήλου λέγοντοσ οὐκ ἐγίνετο ἀκούσια τῷ πλήθει τῶν Φωκέων, εἴτε τὴν γνώμην σφίσι τοῦ θεοῦ βλάπτοντοσ εἴτε καὶ αὐτοῖσ πεφυκόσιν ἐπίπροσθεν εὐσεβείασ τὰ κέρδη ποιεῖσθαι.

τὴν δὲ τῶν Δελφῶν κατάληψιν ἐποιήσαντο οἱ Φωκεῖσ Ἡρακλείδου μὲν πρυτανεύοντοσ ἐν Δελφοῖσ καὶ Ἀγαθοκλέουσ Ἀθήνῃσιν ἄρχοντοσ, τετάρτῳ δὲ ἔτει πέμπτησ Ὀλυμπιάδοσ ἐπὶ ταῖσ ἑκατόν, ἣν Πρῶροσ ἐνίκα Κυρηναῖοσ στάδιον. καταλαβοῦσι δὲ αὐτοῖσ τὸ ἱερὸν ξενικά τε αὐτίκα τὰ ἰσχυρότατα τῶν ἐν Ἕλλησιν ἠθροίσθη καὶ οἱ Θηβαῖοί σφισιν ἐσ πόλεμον ἐκ τοῦ φανεροῦ καθεστήκεσαν, διάφοροι καὶ τὰ πρότερα ὄντεσ.

χρόνοσ μὲν δὴ ἐγένετο ὃν ἐπολέμησαν δέκα ἔτη συνεχῶσ, καὶ ἐν τοσούτῳ πολέμου μήκει πολλάκισ μὲν οἱ Φωκεῖσ καὶ τὰ παρ’ αὐτοῖσ ξενικὰ ἐνίκησε, πολλάκισ δὲ ἦν τὰ τῶν Θηβαίων ἐπικρατέστερα· γενομένησ δὲ κατὰ Νεῶνα πόλιν συμβολῆσ ἐτράποντο οἱ Φωκεῖσ, καὶ ὁ Φιλόμηλοσ ῥίπτει τε αὑτὸν ἐν τῇ φυγῇ κατὰ ὑψηλοῦ καὶ ἀποτόμου κρημνοῦ καὶ ἀφίησιν οὕτω τὴν ψυχήν· ἐτέτακτο δὲ καὶ ἄλλωσ τοῖσ Ἀμφικτύοσιν ἐσ τοὺσ συλῶντασ αὕτη <ἡ> δίκη.

μετὰ δὲ Φιλόμηλον τελευτήσαντα Ὀνομάρχῳ μὲν τὴν ἡγεμονίαν διδόασιν οἱ Φωκεῖσ, ἐσ δὲ τῶν Θηβαίων τὴν συμμαχίαν προσεχώρησε Φίλιπποσ ὁ Ἀμύντου·

καὶ ‐ ἐκράτησε γὰρ Φίλιπποσ τῆσ συμβολῆσ ‐ φεύγων ὁ Ὀνόμαρχοσ καὶ ἐπὶ θάλασσαν ἀφικόμενοσ ἐνταῦθα ὑπὸ τῶν στρατιωτῶν κατηκοντίσθη τῶν οἰκείων, ὡσ τὴν ἧσσάν σφισιν ὑπὸ ἀτολμίασ συμβᾶσαν τῆσ ἐκείνου καὶ ἐσ τὸ στρατηγεῖν ἀπειρίασ. Ὀνομάρχῳ μὲν τέλοσ τοῦ βίου τοιοῦτον ἐπήγαγεν ὁ δαίμων, στρατηγὸν δὲ αὐτοκράτορα εἵλοντο ἀδελφὸν τοῦ Ὀνομάρχου Φάυλον.

<λέγουσι δὲ τοῦτον τὸν Φάυλον> παρεληλυθέναι τε δὴ ἄρτι ἐπὶ τῶν Φωκέων τὴν ἀρχὴν καὶ ὄψιν ὀνείρατοσ ἰδεῖν τοιάνδε. ἐν τοῖσ ἀναθήμασι τοῦ Ἀπόλλωνοσ μίμημα ἦν χαλκοῦν <ἀνδρὸσ> χρονιωτέρου, κατερρυηκότοσ τε ἤδη τὰσ σάρκασ καὶ τὰ ὀστᾶ ὑπολειπομένου μόνα· ἀνάθημα δὲ ὑπὸ Δελφῶν Ἱπποκράτουσ ἐλέγετο εἶναι τοῦ ἰατροῦ. τούτῳ δὴ ἑαυτὸν ἐοικέναι τῷ ἀναθήματι ἔδοξεν ὁ Φάυλοσ· αὐτίκα δὲ ὑπολαβοῦσα αὐτὸν φθοώδησ νόσοσ ἐπετέλει τοῦ ἐνυπνίου τὴν μαντείαν. Φαύλου δὲ ἀποθανόντοσ ἐσ Φάλαικον τὸν παῖδα αὐτοῦ περιεχώρησεν ἡ <ἐν> Φωκεῦσι δυναστεία·

καὶ ἐπεὶ ἔσχεν ὁ Φάλαικοσ <αἰτίαν> ἰδίᾳ περιποιεῖσθαι τῶν ἱερῶν χρημάτων, ἐπαύθη τῆσ ἀρχῆσ. διαβὰσ δὲ ναυσὶν ἐσ Κρήτην ὁμοῦ Φωκέων τοῖσ ᾑρημένοισ τὰ ἐκείνου καὶ μοίρᾳ τοῦ ξενικοῦ, Κυδωνίᾳ προσκαθήμενοσ ‐ οὐ γάρ οἱ διδόναι χρήματα ἐβούλοντο αἰτοῦντι ‐ τῆσ στρατιᾶσ τὸ πολὺ ἀπόλλυσι καὶ αὐτὸσ ἀπώλετο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Φωκικά, Λοκρῶν Ὀζόλων, chapter 2

(파우사니아스, Description of Greece, Φωκικά, Λοκρῶν Ὀζόλων, chapter 2)

상위

목록

SEARCH

MENU NAVIGATION