헬라어 텍스트

Herodotus, The Histories, book 9, chapter 82

(헤로도토스, The Histories, book 9, chapter 82)

λέγεται δὲ καὶ τάδε γενέσθαι, ὡσ Ξέρξησ φεύγων ἐκ τῆσ Ἑλλάδοσ Μαρδονίῳ τὴν κατασκευὴν καταλίποι τὴν ἑωυτοῦ· Παυσανίην ὦν ὁρῶντα τὴν Μαρδονίου κατασκευὴν χρυσῷ τε καὶ ἀργύρῳ καὶ παραπετάσμασι ποικίλοισι κατεσκευασμένην, κελεῦσαι τούσ τε ἀρτοκόπουσ καὶ τοὺσ ὀψοποιοὺσ κατὰ ταὐτὰ καθὼσ Μαρδονίῳ δεῖπνον παρασκευάζειν. ὡσ δὲ κελευόμενοι οὗτοι ἐποίευν ταῦτα, ἐνθαῦτα τὸν Παυσανίην ἰδόντα κλίνασ τε χρυσέασ καὶ ἀργυρέασ εὖ ἐστρωμένασ καὶ τραπέζασ τε χρυσέασ καὶ ἀργυρέασ καὶ παρασκευὴν μεγαλοπρεπέα τοῦ δείπνου, ἐκπλαγέντα τὰ προκείμενα ἀγαθὰ κελεῦσαι ἐπὶ γέλωτι τοὺσ ἑωυτοῦ διηκόνουσ παρασκευάσαι Λακωνικὸν δεῖπνον.

ὡσ δὲ τῆσ θοίνησ ποιηθείσησ ἦν πολλὸν τὸ μέσον, τὸν Παυσανίην γελάσαντα μεταπέμψασθαι τῶν Ἑλλήνων τοὺσ στρατηγούσ, συνελθόντων δὲ τούτων εἰπεῖν τὸν Παυσανίην, δεικνύντα ἐσ ἑκατέρην τοῦ δείπνου παρασκευήν, "ἄνδρεσ Ἕλληνεσ, τῶνδε εἵνεκα ἐγὼ ὑμέασ συνήγαγον, βουλόμενοσ ὑμῖν τοῦδε τοῦ Μήδων ἡγεμόνοσ τὴν ἀφροσύνην δέξαι, ὃσ τοιήνδε δίαιταν ἔχων ἦλθε ἐσ ἡμέασ οὕτω ὀϊζυρὴν ἔχοντασ ἀπαιρησόμενοσ.

" ταῦτα μὲν Παυσανίην λέγεται εἰπεῖν πρὸσ τοὺσ στρατηγοὺσ τῶν Ἑλλήνων.