Herodotus, The Histories, book 9, chapter 45

(헤로도토스, The Histories, book 9, chapter 45)

οἳ δὲ ἐπεὶ ταῦτα ἤκουσαν, αὐτίκα εἵποντο ἐσ τὰσ φυλακάσ· ἀπικομένοισι δὲ ἔλεγε Ἀλέξανδροσ τάδε. "ἄνδρεσ Ἀθηναῖοι, παραθήκην ὑμῖν τὰ ἔπεα τάδε τίθεμαι, ἀπόρρητα ποιεύμενοσ πρὸσ μηδένα λέγειν ὑμέασ ἄλλον ἢ Παυσανίην, μή με καὶ διαφθείρητε· οὐ γὰρ ἂν ἔλεγον, εἰ μὴ μεγάλωσ ἐκηδόμην συναπάσησ τῆσ Ἑλλάδοσ. αὐτόσ τε γὰρ Ἕλλην γένοσ εἰμὶ τὠρχαῖον καὶ ἀντ’ ἐλευθέρησ δεδουλωμένην οὐκ ἂν ἐθέλοιμι ὁρᾶν τὴν Ἑλλάδα.

λέγω δὲ ὦν ὅτι Μαρδονίῳ τε καὶ τῇ στρατιῇ τὰ σφάγια οὐ δύναται καταθύμια γενέσθαι· πάλαι γὰρ ἂν ἐμάχεσθε. νῦν δέ οἱ δέδοκται τὰ μὲν σφάγια ἐᾶν χαίρειν, ἅμ’ ἡμέρῃ δὲ διαφωσκούσῃ συμβολὴν ποιέεσθαι· καταρρώδηκε γὰρ μὴ πλεῦνεσ συλλεχθῆτε, ὡσ ἐγὼ εἰκάζω. πρὸσ ταῦτα ἑτοιμάζεσθε. ἢν δὲ ἄρα ὑπερβάληται τὴν συμβολὴν Μαρδόνιοσ καὶ μὴ ποιέηται, λιπαρέετε μένοντεσ· ὀλιγέων γάρ σφι ἡμερέων λείπεται σιτία. ἢν δὲ ὑμῖν ὁ πόλεμοσ ὅδε κατὰ νόον τελευτήσῃ, μνησθῆναι τινὰ χρὴ καὶ ἐμεῦ ἐλευθερώσιοσ πέρι, ὃσ Ἑλλήνων εἵνεκα οὕτω ἔργον παράβολον ἔργασμαι ὑπὸ προθυμίησ, ἐθέλων ὑμῖν δηλῶσαι τὴν διάνοιαν τὴν Μαρδονίου, ἵνα μὴ ἐπιπέσωσι ὑμῖν ἐξαίφνησ οἱ βάρβαροι μὴ προσδεκομένοισί κω.

εἰμὶ δὲ Ἀλέξανδροσ ὁ Μακεδών. " ὃ μὲν ταῦτα εἴπασ ἀπήλαυνε ὀπίσω ἐσ τὸ στρατόπεδον καὶ τὴν ἑωυτοῦ τάξιν.

일치하는 문장이 없습니다.

SEARCH

MENU NAVIGATION