헬라어 텍스트

Herodotus, The Histories, book 9, chapter 51

(헤로도토스, The Histories, book 9, chapter 51)

βουλευομένοισι δὲ τοῖσι στρατηγοῖσι ἔδοξε, ἣν ὑπερβάλωνται ἐκείνην τὴν ἡμέρην οἱ Πέρσαι συμβολὴν ποιεύμενοι, ἐσ τὴν νῆσον ἰέναι. ἣ δὲ ἐστὶ ἀπὸ τοῦ Ἀσωποῦ καὶ τῆσ κρήνησ τῆσ Γαργαφίησ, ἐπ’ ᾗ ἐστρατοπεδεύοντο τότε, δέκα σταδίουσ ἀπέχουσα, πρὸ τῆσ Πλαταιέων πόλιοσ. νῆσοσ δὲ οὕτω ἂν εἰή ἐν ἠπείρῳ·

σχιζόμενοσ ὁ ποταμὸσ ἄνωθεν ἐκ τοῦ Κιθαιρῶνοσ ῥέει κάτω ἐσ τὸ πεδίον, διέχων ἀπ’ ἀλλήλων τὰ ῥέεθρα ὅσον περ τρία στάδια, καὶ ἔπειτα συμμίσγει ἐσ τὠυτό. οὔνομα δέ οἱ Ωἐρόη· θυγατέρα δὲ ταύτην λέγουσι εἶναι Ἀσωποῦ οἱ ἐπιχώριοι.

ἐσ τοῦτον δὴ τὸν χῶρον ἐβουλεύσαντο μεταναστῆναι, ἵνα καὶ ὕδατι ἔχωσι χρᾶσθαι ἀφθόνῳ καὶ οἱ ἱππέεσ σφέασ μὴ σινοίατο ὥσπερ κατιθὺ ἐόντων· μετακινέεσθαί τε ἐδόκεε τότε ἐπεὰν τῆσ νυκτὸσ ᾖ δευτέρη φυλακή, ὡσ ἂν μὴ ἰδοίατο οἱ Πέρσαι ἐξορμωμένουσ καί σφεασ ἑπόμενοι ταράσσοιεν οἱ ἱππόται. ἀπικομένων δὲ ἐσ τὸν χῶρον τοῦτον, τὸν δὴ ἡ Ἀσωπὶσ Ωἐρόη περισχίζεται ῥέουσα ἐκ τοῦ Κιθαιρῶνοσ, ὑπὸ τὴν νύκτα ταύτην ἐδόκεε τοὺσ ἡμίσεασ ἀποστέλλειν τοῦ στρατοπέδου πρὸσ τὸν Κιθαιρῶνα, ὡσ ἀναλάβοιεν τοὺσ ὀπέωνασ τοὺσ ἐπὶ τὰ σιτία οἰχομένουσ·

ἦσαν γὰρ ἐν τῷ Κιθαιρῶνι ἀπολελαμμένοι.