Herodotus, The Histories, book 9, chapter 106

(헤로도토스, The Histories, book 9, chapter 106)

ἐπείτε δὲ κατεργάσαντο οἱ Ἕλληνεσ τοὺσ πολλοὺσ τοὺσ μὲν μαχομένουσ τοὺσ δὲ καὶ φεύγοντασ τῶν βαρβάρων, τὰσ νέασ ἐνέπρησαν καὶ τὸ τεῖχοσ ἅπαν, τὴν ληίην προεξαγαγόντεσ ἐσ τὸν αἰγιαλόν, καὶ θησαυρούσ τινασ χρημάτων εὑρ͂ον· ἐμπρήσαντεσ δὲ τὸ τεῖχοσ καὶ τὰσ νέασ ἀπέπλεον. ἀπικόμενοι δὲ ἐσ Σάμον οἱ Ἕλληνεσ ἐβουλεύοντο περὶ ἀναστάσιοσ τῆσ Ιὠνίησ, καὶ ὅκῃ χρεὸν εἰή τῆσ Ἑλλάδοσ κατοικίσαι τῆσ αὐτοὶ ἐγκρατέεσ ἦσαν, τὴν δὲ Ιὠνίην ἀπεῖναι τοῖσι βαρβάροισι·

ἀδύνατον γὰρ ἐφαίνετό σφι εἶναι ἑωυτούσ τε Ιὤνων προκατῆσθαι φρουρέοντασ τὸν πάντα χρόνον, καὶ ἑωυτῶν μὴ προκατημένων Ιὤνασ οὐδεμίαν ἐλπίδα εἶχον χαίροντασ πρὸσ τῶν Περσέων ἀπαλλάξειν. πρὸσ ταῦτα Πελοποννησίων μὲν τοῖσι ἐν τέλεϊ ἐοῦσι ἐδόκεε τῶν μηδισάντων ἐθνέων τῶν Ἑλληνικῶν τὰ ἐμπολαῖα ἐξαναστήσαντασ δοῦναι τὴν χώρην Ιὤσι ἐνοικῆσαι, Ἀθηναίοισι δὲ οὐκ ἐδόκεε ἀρχὴν Ιὠνίην γενέσθαι ἀνάστατον οὐδὲ Πελοποννησίοισι περὶ τῶν σφετερέων ἀποικιέων βουλεύειν·

ἀντιτεινόντων δὲ τούτων προθύμωσ, εἶξαν οἱ Πελοποννήσιοι. καὶ οὕτω δὴ Σαμίουσ τε καὶ Χίουσ καὶ Λεσβίουσ καὶ τοὺσ ἄλλουσ νησιώτασ, οἳ ἔτυχον συστρατευόμενοι τοῖσι Ἕλλησι, ἐσ τὸ συμμαχικὸν ἐποιήσαντο, πίστι τε καταλαβόντεσ καὶ ὁρκίοισι ἐμμενέειν τε καὶ μὴ ἀποστήσεσθαι.

τούτουσ δὲ καταλαβόντεσ ὁρκίοισι ἔπλεον τὰσ γεφύρασ λύσοντεσ· ἔτι γὰρ ἐδόκεον ἐντεταμένασ εὑρήσειν. οὗτοι μὲν δὴ ἐπ’ Ἑλλησπόντου ἔπλεον.

일치하는 문장이 없습니다.

SEARCH

MENU NAVIGATION