Herodotus, The Histories, book 9, chapter 16

(헤로도토스, The Histories, book 9, chapter 16)

ἐχόντων δὲ τὸν πόνον τοῦτον τῶν βαρβάρων, Ἀτταγῖνοσ ὁ Φρύνωνοσ ἀνὴρ Θηβαῖοσ παρασκευασάμενοσ μεγάλωσ ἐκάλεε ἐπὶ ξείνια αὐτόν τε Μαρδόνιον καὶ πεντήκοντα Περσέων τοὺσ λογιμωτάτουσ, κληθέντεσ δὲ οὗτοι εἵποντο· ἦν δὲ τὸ δεῖπνον ποιεύμενον ἐν Θήβῃσι. τάδε δὲ ἤδη τὰ ἐπίλοιπα ἤκουον Θερσάνδρου ἀνδρὸσ μὲν Ὀρχομενίου, λογίμου δὲ ἐσ τὰ πρῶτα ἐν Ὀρχομενῷ. ἔφη δὲ ὁ Θέρσανδροσ κληθῆναι καὶ αὐτὸσ ὑπὸ Ἀτταγίνου ἐπὶ τὸ δεῖπνον τοῦτο, κληθῆναι δὲ καὶ Θηβαίων ἄνδρασ πεντήκοντα, καί σφεων οὐ χωρὶσ ἑκατέρουσ κλῖναι, ἀλλὰ Πέρσην τε καὶ Θηβαῖον ἐν κλίνῃ ἑκάστῃ. ὡσ δὲ ἀπὸ δείπνου ἦσαν, διαπινόντων τὸν Πέρσην τὸν ὁμόκλινον Ἑλλάδα γλῶσσαν ἱέντα εἰρέσθαι αὐτὸν ὁποδαπόσ ἐστι, αὐτὸσ δὲ ὑποκρίνασθαι ὡσ εἰή Ὀρχομένιοσ.

τὸν δὲ εἰπεῖν "ἐπεὶ νῦν ὁμοτράπεζόσ τέ μοι καὶ ὁμόσπονδοσ ἐγένεο, μνημόσυνά τοι γνώμησ τῆσ ἐμῆσ καταλιπέσθαι θέλω, ἵνα καὶ προειδὼσ αὐτὸσ περὶ σεωυτοῦ βουλεύεσθαι ἔχῃσ τὰ συμφέροντα. ὁρᾷσ τούτουσ τοὺσ δαινυμένουσ Πέρσασ καὶ τὸν στρατὸν τὸν ἐλίπομεν ἐπὶ τῷ ποταμῷ στρατοπεδευόμενον·

τούτων πάντων ὄψεαι ὀλίγου τινὸσ χρόνου διελθόντοσ ὀλίγουσ τινὰσ τοὺσ περιγενομένουσ. " ταῦτα ἅμα τε τὸν Πέρσην λέγειν καὶ μετιέναι πολλὰ τῶν δακρύων. αὐτὸσ δὲ θωμάσασ τὸν λόγον εἰπεῖν πρὸσ αὐτὸν "οὐκῶν Μαρδονίῳ τε ταῦτα χρεόν ἐστι λέγειν καὶ τοῖσι μετ’ ἐκεῖνον ἐν αἴνῃ ἐοῦσι Περσέων;

τὸν δὲ μετὰ ταῦτα εἰπεῖν "ξεῖνε, ὅ τι δεῖ γενέσθαι ἐκ τοῦ θεοῦ ἀμήχανον ἀποτρέψαι ἀνθρώπῳ· οὐδὲ γὰρ πιστὰ λέγουσι ἐθέλει πείθεσθαι οὐδείσ. ταῦτα δὲ Περσέων συχνοὶ ἐπιστάμενοι ἑπόμεθα ἀναγκαίῃ ἐνδεδεμένοι, ἐχθίστη δὲ ὀδύνη ἐστὶ τῶν ἐν ἀνθρώποισι αὕτη, πολλὰ φρονέοντα μηδενὸσ κρατέειν.

" ταῦτα μὲν Ὀρχομενίου Θερσάνδρου ἤκουον, καὶ τάδε πρὸσ τούτοισι, ὡσ αὐτὸσ αὐτίκα λέγοι ταῦτα πρὸσ ἀνθρώπουσ πρότερον ἢ γενέσθαι ἐν Πλαταιῇσι τὴν μάχην.

일치하는 문장이 없습니다.

SEARCH

MENU NAVIGATION