Herodotus, The Histories, book 9, chapter 28

(헤로도토스, The Histories, book 9, chapter 28)

οἱ μὲν ταῦτα ἀμείβοντο, Λακεδαιμονίων δὲ ἀνέβωσε ἅπαν τὸ στρατόπεδον Ἀθηναίουσ ἀξιονικοτέρουσ εἶναι ἔχειν τὸ κέρασ ἤ περ Ἀρκάδασ. οὕτω δὴ ἔσχον οἱ Ἀθηναῖοι καὶ ὑπερεβάλοντο τοὺσ Τεγεήτασ. μετὰ δὲ ταῦτα ἐτάσσοντο ὧδε οἱ ἐπιφοιτῶντέσ τε καὶ οἱ ἀρχὴν ἐλθόντεσ Ἑλλήνων.

τὸ μὲν δεξιὸν κέρασ εἶχον Λακεδαιμονίων μύριοι· τούτων δὲ τοὺσ πεντακισχιλίουσ ἐόντασ Σπαρτιήτασ ἐφύλασσον ψιλοὶ τῶν εἱλώτων πεντακισχίλιοι καὶ τρισμύριοι, περὶ ἄνδρα ἕκαστον ἑπτὰ τεταγμένοι. προσεχέασ δὲ σφίσι εἵλοντο ἑστάναι οἱ Σπαρτιῆται τοὺσ Τεγεήτασ καὶ τιμῆσ εἵνεκα καὶ ἀρετῆσ·

τούτων δ’ ἦσαν ὁπλῖται χίλιοι καὶ πεντακόσιοι. μετὰ δὲ τούτουσ ἵσταντο Κορινθίων πεντακισχίλιοι, παρὰ δὲ σφίσι εὑρ́οντο παρὰ Παυσανίεω ἑστάναι Ποτιδαιητέων τῶν ἐκ Παλλήνησ τοὺσ παρεόντασ τριηκοσίουσ. τούτων δὲ ἐχόμενοι ἵσταντο Ἀρκάδεσ Ὀρχομένιοι ἑξακόσιοι, τούτων δὲ Σικυώνιοι τρισχίλιοι.

τούτων δὲ εἴχοντο Ἐπιδαυρίων ὀκτακόσιοι. παρὰ δὲ τούτουσ Τροιζηνίων ἐτάσσοντο χίλιοι, Τροιζηνίων δὲ ἐχόμενοι Λεπρεητέων διηκόσιοι, τούτων δὲ Μυκηναίων καὶ Τιρυνθίων τετρακόσιοι, τούτων δὲ ἐχόμενοι Φλειάσιοι χίλιοι. παρὰ δὲ τούτουσ ἔστησαν Ἑρμιονέεσ τριηκόσιοι. Ἑρμιονέων δὲ ἐχόμενοι ἵσταντο Ἐρετριέων τε καὶ Στυρέων ἑξακόσιοι, τούτων δὲ Χαλκιδέεσ τετρακόσιοι, τούτων δὲ Ἀμπρακιητέων πεντακόσιοι.

μετὰ δὲ τούτουσ Λευκαδίων καὶ Ἀνακτορίων ὀκτακόσιοι ἔστησαν, τούτων δὲ ἐχόμενοι Παλέεσ οἱ ἐκ Κεφαλληνίησ διηκόσιοι. μετὰ δὲ τούτουσ Αἰγινητέων πεντακόσιοι ἐτάχθησαν.

παρὰ δὲ τούτουσ ἐτάσσοντο Μεγαρέων τρισχίλιοι. εἴχοντο δὲ τούτων Πλαταιέεσ ἑξακόσιοι. τελευταῖοι δὲ καὶ πρῶτοι Ἀθηναῖοι ἐτάσσοντο, κέρασ ἔχοντεσ τὸ εὐώνυμον, ὀκτακισχίλιοι· ἐστρατήγεε δ’ αὐτῶν Ἀριστείδησ ὁ Λυσιμάχου.

일치하는 문장이 없습니다.

SEARCH

MENU NAVIGATION